| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
६. सोखुम्मसुत्तवण्णना
6. Sokhummasuttavaṇṇanā
१६. छट्ठे सुखुमलक्खणप्पटिविज्झनकानीति अनिच्चादिसुखुमलक्खणानं पटिविज्झनकानि। सुखुमलक्खणपरिग्गाहकञाणेनाति सुखुमलक्खणपरिग्गाहकेन ञाणेन। परतो जानित्वाति अवसवत्तनेन अञ्ञतो जानित्वा। सङ्खारा हि ‘‘मा भिज्जिंसू’’ति इच्छितापि भिज्जन्तेव, तस्मा ते अवसवत्तिताय परे नाम। सा च नेसं परता अनिच्चदस्सने पाकटा होतीति वुत्तं ‘‘इमिना हि पदेन अनिच्चानुपस्सना कथिता’’ति। सेसं उत्तानमेव।
16. Chaṭṭhe sukhumalakkhaṇappaṭivijjhanakānīti aniccādisukhumalakkhaṇānaṃ paṭivijjhanakāni. Sukhumalakkhaṇapariggāhakañāṇenāti sukhumalakkhaṇapariggāhakena ñāṇena. Parato jānitvāti avasavattanena aññato jānitvā. Saṅkhārā hi ‘‘mā bhijjiṃsū’’ti icchitāpi bhijjanteva, tasmā te avasavattitāya pare nāma. Sā ca nesaṃ paratā aniccadassane pākaṭā hotīti vuttaṃ ‘‘iminā hi padena aniccānupassanā kathitā’’ti. Sesaṃ uttānameva.
सोखुम्मसुत्तवण्णना निट्ठिता।
Sokhummasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ६. सोखुम्मसुत्तं • 6. Sokhummasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ६. सोखुम्मसुत्तवण्णना • 6. Sokhummasuttavaṇṇanā
