| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
13. сод̇ханахааравибхан̇г̇о
13. Sodhanahāravibhaṅgo
45. д̇ад̇т̇а гад̇амо сод̇хано хааро? ‘‘виссаж̇ж̇ид̇амхи бан̃хз’’д̇иг̇аат̇аа. яат̇аа ааяасмаа аж̇ид̇о баарааяанз бхаг̇аванд̇ам̣ бан̃хам̣ бужчад̇и –
45. Tattha katamo sodhano hāro? ‘‘Vissajjitamhi pañhe’’tigāthā. Yathā āyasmā ajito pārāyane bhagavantaṃ pañhaṃ pucchati –
‘‘гзнассу нивуд̇о лого, гзнассу наббагаасад̇и;
‘‘Kenassu nivuto loko, kenassu nappakāsati;
гиссаабхилзбанам̣ б̣рууси, гим̣су д̇асса махаб̣бхаяа’’нд̇и.
Kissābhilepanaṃ brūsi, kiṃsu tassa mahabbhaya’’nti.
‘‘авиж̇ж̇ааяа нивуд̇о лого, [аж̇ид̇аад̇и бхаг̇аваа]
‘‘Avijjāya nivuto loko, [ajitāti bhagavā]
вивижчаа бамаад̣̇аа наббагаасад̇и;
Vivicchā pamādā nappakāsati;
ж̇аббаабхилзбанам̣ б̣рууми, д̣̇угкамасса махаб̣бхаяа’’нд̇и.
Jappābhilepanaṃ brūmi, dukkhamassa mahabbhaya’’nti.
‘‘гзнассу нивуд̇о лого’’д̇и бан̃хз ‘‘авиж̇ж̇ааяа нивуд̇о лого’’д̇и бхаг̇аваа бад̣̇ам̣ сод̇хзд̇и, но жа аарамбхам̣. ‘‘гзнассу наббагаасад̇ий’’д̇и бан̃хз ‘‘вивижчаа бамаад̣̇аа наббагаасад̇ий’’д̇и бхаг̇аваа бад̣̇ам̣ сод̇хзд̇и, но жа аарамбхам̣. ‘‘гиссаабхилзбанам̣ б̣руусий’’д̇и бан̃хз ‘‘ж̇аббаабхилзбанам̣ б̣руумий’’д̇и бхаг̇аваа бад̣̇ам̣ сод̇хзд̇и, но жа аарамбхам̣. ‘‘гим̣су д̇асса махаб̣бхаяа’’нд̇и бан̃хз ‘‘д̣̇угкамасса махаб̣бхаяа’’нд̇и суд̣̇д̇хо аарамбхо. д̇знааха бхаг̇аваа ‘‘авиж̇ж̇ааяа нивуд̇о лого’’д̇и.
‘‘Kenassu nivuto loko’’ti pañhe ‘‘avijjāya nivuto loko’’ti bhagavā padaṃ sodheti, no ca ārambhaṃ. ‘‘Kenassu nappakāsatī’’ti pañhe ‘‘vivicchā pamādā nappakāsatī’’ti bhagavā padaṃ sodheti, no ca ārambhaṃ. ‘‘Kissābhilepanaṃ brūsī’’ti pañhe ‘‘jappābhilepanaṃ brūmī’’ti bhagavā padaṃ sodheti, no ca ārambhaṃ. ‘‘Kiṃsu tassa mahabbhaya’’nti pañhe ‘‘dukkhamassa mahabbhaya’’nti suddho ārambho. Tenāha bhagavā ‘‘avijjāya nivuto loko’’ti.
‘‘саванд̇и саб̣б̣ад̇хи сод̇аа, [ижжааяасмаа аж̇ид̇о]
‘‘Savanti sabbadhi sotā, [iccāyasmā ajito]
сод̇аанам̣ гим̣ нивааран̣ам̣;
Sotānaṃ kiṃ nivāraṇaṃ;
сод̇аанам̣ сам̣варам̣ б̣руухи, гзна сод̇аа бид̇хийяарз’’д̇и.
Sotānaṃ saṃvaraṃ brūhi, kena sotā pidhīyare’’ti.
‘‘яаани сод̇аани логасмим̣, [аж̇ид̇аад̇и бхаг̇аваа]
‘‘Yāni sotāni lokasmiṃ, [ajitāti bhagavā]
сад̇и д̇зсам̣ нивааран̣ам̣;
Sati tesaṃ nivāraṇaṃ;
сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и.
Sotānaṃ saṃvaraṃ brūmi, paññāyete pidhīyare’’ti.
‘‘саванд̇и саб̣б̣ад̇хи сод̇аа, сод̇аанам̣ гим̣ нивааран̣а’’нд̇и бан̃хз ‘‘яаани сод̇аани логасмим̣, сад̇и д̇зсам̣ нивааран̣а’’нд̇и бхаг̇аваа бад̣̇ам̣ сод̇хзд̇и, но жа аарамбхам̣. ‘‘сод̇аанам̣ сам̣варам̣ б̣руухи, гзна сод̇аа бид̇хийяарз’’д̇и бан̃хз ‘‘сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и суд̣̇д̇хо аарамбхо. д̇знааха бхаг̇аваа ‘‘яаани сод̇аани логасми’’нд̇и.
‘‘Savanti sabbadhi sotā, sotānaṃ kiṃ nivāraṇa’’nti pañhe ‘‘yāni sotāni lokasmiṃ, sati tesaṃ nivāraṇa’’nti bhagavā padaṃ sodheti, no ca ārambhaṃ. ‘‘Sotānaṃ saṃvaraṃ brūhi, kena sotā pidhīyare’’ti pañhe ‘‘sotānaṃ saṃvaraṃ brūmi, paññāyete pidhīyare’’ti suddho ārambho. Tenāha bhagavā ‘‘yāni sotāni lokasmi’’nti.
‘‘бан̃н̃аа жзва сад̇и жа, [ижжааяасмаа аж̇ид̇о]
‘‘Paññā ceva sati ca, [iccāyasmā ajito]
зд̇ам̣ мз будто баб̣руухи, гад̇т̇зд̇ам̣ убаруж̇жхад̇ий’’д̇и.
Etaṃ me puṭṭho pabrūhi, katthetaṃ uparujjhatī’’ti.
бан̃хз –
Pañhe –
‘‘яамзд̇ам̣ бан̃хам̣ абужчи, аж̇ид̇а д̇ам̣ вад̣̇аами д̇з;
‘‘Yametaṃ pañhaṃ apucchi, ajita taṃ vadāmi te;
яад̇т̇а нааман̃жа руубан̃жа, асзсам̣ убаруж̇жхад̇и;
Yattha nāmañca rūpañca, asesaṃ uparujjhati;
вин̃н̃аан̣асса нирод̇хзна, зд̇т̇зд̇ам̣ убаруж̇жхад̇ий’’д̇и.
Viññāṇassa nirodhena, etthetaṃ uparujjhatī’’ti.
суд̣̇д̇хо аарамбхо. д̇знааха бхаг̇аваа ‘‘яамзд̇ам̣ бан̃хам̣ абужчий’’д̇и. яад̇т̇а звам̣ суд̣̇д̇хо аарамбхо, со бан̃хо висаж̇ж̇ид̇о бхавад̇и. яад̇т̇а бана аарамбхо асуд̣̇д̇хо, на д̇аава со бан̃хо висаж̇ж̇ид̇о бхавад̇и. д̇знааха ааяасмаа махаагажжааяано ‘‘виссаж̇ж̇ид̇амхи бан̃хз’’д̇и.
Suddho ārambho. Tenāha bhagavā ‘‘yametaṃ pañhaṃ apucchī’’ti. Yattha evaṃ suddho ārambho, so pañho visajjito bhavati. Yattha pana ārambho asuddho, na tāva so pañho visajjito bhavati. Tenāha āyasmā mahākaccāyano ‘‘vissajjitamhi pañhe’’ti.
нияуд̇д̇о сод̇хано хааро.
Niyutto sodhano hāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 13. сод̇ханахааравибхан̇г̇аван̣н̣анаа • 13. Sodhanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 13. сод̇ханахааравибхан̇г̇аван̣н̣анаа • 13. Sodhanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 13. сод̇ханахааравибхан̇г̇авибхааванаа • 13. Sodhanahāravibhaṅgavibhāvanā
