| Library / Tipiṭaka / તિપિટક • Tipiṭaka / ઇતિવુત્તક-અટ્ઠકથા • Itivuttaka-aṭṭhakathā |
૭. સોચેય્યસુત્તવણ્ણના
7. Soceyyasuttavaṇṇanā
૬૬. સત્તમે સોચેય્યાનીતિ સુચિભાવા. કાયસોચેય્યન્તિ કાયસુચરિતં, વચીમનોસોચેય્યાનિપિ વચીમનોસુચરિતાનેવ. તથા હિ વુત્તં ‘‘તત્થ કતમં કાયસોચેય્યં? પાણાતિપાતા વેરમણી’’તિઆદિ (અ॰ નિ॰ ૩.૧૨૧-૧૨૨).
66. Sattame soceyyānīti sucibhāvā. Kāyasoceyyanti kāyasucaritaṃ, vacīmanosoceyyānipi vacīmanosucaritāneva. Tathā hi vuttaṃ ‘‘tattha katamaṃ kāyasoceyyaṃ? Pāṇātipātā veramaṇī’’tiādi (a. ni. 3.121-122).
ગાથાયં સમુચ્છેદવસેન પહીનસબ્બકાયદુચ્ચરિતત્તા કાયેન સુચીતિ કાયસુચિ. સોચેય્યસમ્પન્નન્તિ પટિપ્પસ્સદ્ધકિલેસત્તા સુપરિસુદ્ધાય સોચેય્યસમ્પત્તિયા ઉપેતં. સેસં વુત્તનયમેવ.
Gāthāyaṃ samucchedavasena pahīnasabbakāyaduccaritattā kāyena sucīti kāyasuci. Soceyyasampannanti paṭippassaddhakilesattā suparisuddhāya soceyyasampattiyā upetaṃ. Sesaṃ vuttanayameva.
સત્તમસુત્તવણ્ણના નિટ્ઠિતા.
Sattamasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / ઇતિવુત્તકપાળિ • Itivuttakapāḷi / ૭. સોચેય્યસુત્તં • 7. Soceyyasuttaṃ
