| Library / Tipiṭaka / తిపిటక • Tipiṭaka / ఇతివుత్తక-అట్ఠకథా • Itivuttaka-aṭṭhakathā |
౭. సోచేయ్యసుత్తవణ్ణనా
7. Soceyyasuttavaṇṇanā
౬౬. సత్తమే సోచేయ్యానీతి సుచిభావా. కాయసోచేయ్యన్తి కాయసుచరితం, వచీమనోసోచేయ్యానిపి వచీమనోసుచరితానేవ. తథా హి వుత్తం ‘‘తత్థ కతమం కాయసోచేయ్యం? పాణాతిపాతా వేరమణీ’’తిఆది (అ॰ ని॰ ౩.౧౨౧-౧౨౨).
66. Sattame soceyyānīti sucibhāvā. Kāyasoceyyanti kāyasucaritaṃ, vacīmanosoceyyānipi vacīmanosucaritāneva. Tathā hi vuttaṃ ‘‘tattha katamaṃ kāyasoceyyaṃ? Pāṇātipātā veramaṇī’’tiādi (a. ni. 3.121-122).
గాథాయం సముచ్ఛేదవసేన పహీనసబ్బకాయదుచ్చరితత్తా కాయేన సుచీతి కాయసుచి. సోచేయ్యసమ్పన్నన్తి పటిప్పస్సద్ధకిలేసత్తా సుపరిసుద్ధాయ సోచేయ్యసమ్పత్తియా ఉపేతం. సేసం వుత్తనయమేవ.
Gāthāyaṃ samucchedavasena pahīnasabbakāyaduccaritattā kāyena sucīti kāyasuci. Soceyyasampannanti paṭippassaddhakilesattā suparisuddhāya soceyyasampattiyā upetaṃ. Sesaṃ vuttanayameva.
సత్తమసుత్తవణ్ణనా నిట్ఠితా.
Sattamasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / ఖుద్దకనికాయ • Khuddakanikāya / ఇతివుత్తకపాళి • Itivuttakapāḷi / ౭. సోచేయ్యసుత్తం • 7. Soceyyasuttaṃ
