| Library / Tipiṭaka / तिपिटक • Tipiṭaka / इतिवुत्तक-अट्ठकथा • Itivuttaka-aṭṭhakathā |
७. सोचेय्यसुत्तवण्णना
7. Soceyyasuttavaṇṇanā
६६. सत्तमे सोचेय्यानीति सुचिभावा। कायसोचेय्यन्ति कायसुचरितं, वचीमनोसोचेय्यानिपि वचीमनोसुचरितानेव। तथा हि वुत्तं ‘‘तत्थ कतमं कायसोचेय्यं? पाणातिपाता वेरमणी’’तिआदि (अ॰ नि॰ ३.१२१-१२२)।
66. Sattame soceyyānīti sucibhāvā. Kāyasoceyyanti kāyasucaritaṃ, vacīmanosoceyyānipi vacīmanosucaritāneva. Tathā hi vuttaṃ ‘‘tattha katamaṃ kāyasoceyyaṃ? Pāṇātipātā veramaṇī’’tiādi (a. ni. 3.121-122).
गाथायं समुच्छेदवसेन पहीनसब्बकायदुच्चरितत्ता कायेन सुचीति कायसुचि। सोचेय्यसम्पन्नन्ति पटिप्पस्सद्धकिलेसत्ता सुपरिसुद्धाय सोचेय्यसम्पत्तिया उपेतं। सेसं वुत्तनयमेव।
Gāthāyaṃ samucchedavasena pahīnasabbakāyaduccaritattā kāyena sucīti kāyasuci. Soceyyasampannanti paṭippassaddhakilesattā suparisuddhāya soceyyasampattiyā upetaṃ. Sesaṃ vuttanayameva.
सत्तमसुत्तवण्णना निट्ठिता।
Sattamasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / इतिवुत्तकपाळि • Itivuttakapāḷi / ७. सोचेय्यसुत्तं • 7. Soceyyasuttaṃ
