| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૧૪. સોભિતવગ્ગો
14. Sobhitavaggo
૧. સોભિતત્થેરઅપદાનવણ્ણના
1. Sobhitattheraapadānavaṇṇanā
પદુમુત્તરો નામ જિનોતિઆદિકં આયસ્મતો સોભિતત્થેરસ્સ અપદાનં. અયમ્પિ પુરિમબુદ્ધેસુ કતાધિકારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો પદુમુત્તરસ્સ ભગવતો કાલે એકસ્મિં કુલગેહે નિબ્બત્તો વિઞ્ઞુતં પત્તો ઘરાવાસં સણ્ઠપેત્વા એકદિવસં સત્થારા ધમ્મે દેસિયમાને સોમનસ્સેન પસન્નમાનસો નાનપ્પકારેહિ થોમેસિ. સો તેનેવ સોમનસ્સેન કાલં કત્વા દેવેસુ નિબ્બત્તો તત્થ દિબ્બસુખં અનુભવિત્વા મનુસ્સેસુ ચ મનુસ્સસુખં અનુભવિત્વા ઇમસ્મિં બુદ્ધુપ્પાદે સાવત્થિયં કુલગેહે નિબ્બત્તો સત્તવસ્સિકોવ પબ્બજિત્વા નચિરસ્સેવ છળભિઞ્ઞો અરહા અહોસિ.
Padumuttaronāma jinotiādikaṃ āyasmato sobhitattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto viññutaṃ patto gharāvāsaṃ saṇṭhapetvā ekadivasaṃ satthārā dhamme desiyamāne somanassena pasannamānaso nānappakārehi thomesi. So teneva somanassena kālaṃ katvā devesu nibbatto tattha dibbasukhaṃ anubhavitvā manussesu ca manussasukhaṃ anubhavitvā imasmiṃ buddhuppāde sāvatthiyaṃ kulagehe nibbatto sattavassikova pabbajitvā nacirasseva chaḷabhiñño arahā ahosi.
૧. સો અપરભાગે અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો પદુમુત્તરો નામ જિનોતિઆદિમાહ. તં સબ્બં હેટ્ઠા વુત્તનયત્તા સુવિઞ્ઞેય્યમેવાતિ.
1. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ sabbaṃ heṭṭhā vuttanayattā suviññeyyamevāti.
સોભિતત્થેરઅપદાનવણ્ણના સમત્તા.
Sobhitattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૧. સોભિતત્થેરઅપદાનં • 1. Sobhitattheraapadānaṃ
