| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၇. သောဘနသုတ္တဝဏ္ဏနာ
7. Sobhanasuttavaṇṇanā
၇. သတ္တမေ ပညာဝေယ္ယတ္တိယေနာတိ သစ္စသမ္ပဋိဝေဓာဒိပညာဝေယ္ယတ္တိယေန။ ဝိနယံ ဥပေတာတိ တဒင္ဂာဒိဝသေန ကိလေသာနံ ဝိနယံ ဥပေတာ။ ဝေသာရဇ္ဇေနာတိ သာရဇ္ဇကရာနံ ဒိဋ္ဌိဝိစိကိစ္ဆာဒိပာပဓမ္မာနံ ဝိဂမနတော ဝေသာရဇ္ဇေန, သာရဇ္ဇရဟိတေနာတိ အတ္ထော။ တေပိဋကဝသေန ဗဟု သုတံ ဧတေသန္တိ ဗဟုသ္သုတာ။ တမေဝ ပရိယတ္တိဓမ္မံ ဓာရေန္တိ သုဝဏ္ဏဘာဇနေ ပက္ခိတ္တသီဟဝသံ ဝိယ ဝိနသ္သန္တံ အကတ္ဝာ သုပ္ပဂုဏသုပ္ပဝတ္တိဘာဝေန ဟဒယေ ဌပေန္တီတိ ဓမ္မဓရာ။ ဧဒိသာ စ အတ္တနာ သုတသ္သ ဓမ္မသ္သ အာဓာရဘူတာ နာမ ဟောန္တီတိ အာဟ ‘‘သုတဓမ္မာနံ အာဓာရဘူတာ’’တိ။
7. Sattame paññāveyyattiyenāti saccasampaṭivedhādipaññāveyyattiyena. Vinayaṃ upetāti tadaṅgādivasena kilesānaṃ vinayaṃ upetā. Vesārajjenāti sārajjakarānaṃ diṭṭhivicikicchādipāpadhammānaṃ vigamanato vesārajjena, sārajjarahitenāti attho. Tepiṭakavasena bahu sutaṃ etesanti bahussutā. Tameva pariyattidhammaṃ dhārenti suvaṇṇabhājane pakkhittasīhavasaṃ viya vinassantaṃ akatvā suppaguṇasuppavattibhāvena hadaye ṭhapentīti dhammadharā. Edisā ca attanā sutassa dhammassa ādhārabhūtā nāma hontīti āha ‘‘sutadhammānaṃ ādhārabhūtā’’ti.
သောဘနသုတ္တဝဏ္ဏနာ နိဋ္ဌိတာ။
Sobhanasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. သောဘနသုတ္တံ • 7. Sobhanasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၇. သောဘနသုတ္တဝဏ္ဏနာ • 7. Sobhanasuttavaṇṇanā
