| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૭. સોભનસુત્તવણ્ણના
7. Sobhanasuttavaṇṇanā
૭. સત્તમે પઞ્ઞાવેય્યત્તિયેનાતિ સચ્ચસમ્પટિવેધાદિપઞ્ઞાવેય્યત્તિયેન. વિનયં ઉપેતાતિ તદઙ્ગાદિવસેન કિલેસાનં વિનયં ઉપેતા. વેસારજ્જેનાતિ સારજ્જકરાનં દિટ્ઠિવિચિકિચ્છાદિપાપધમ્માનં વિગમનતો વેસારજ્જેન, સારજ્જરહિતેનાતિ અત્થો. તેપિટકવસેન બહુ સુતં એતેસન્તિ બહુસ્સુતા. તમેવ પરિયત્તિધમ્મં ધારેન્તિ સુવણ્ણભાજને પક્ખિત્તસીહવસં વિય વિનસ્સન્તં અકત્વા સુપ્પગુણસુપ્પવત્તિભાવેન હદયે ઠપેન્તીતિ ધમ્મધરા. એદિસા ચ અત્તના સુતસ્સ ધમ્મસ્સ આધારભૂતા નામ હોન્તીતિ આહ ‘‘સુતધમ્માનં આધારભૂતા’’તિ.
7. Sattame paññāveyyattiyenāti saccasampaṭivedhādipaññāveyyattiyena. Vinayaṃ upetāti tadaṅgādivasena kilesānaṃ vinayaṃ upetā. Vesārajjenāti sārajjakarānaṃ diṭṭhivicikicchādipāpadhammānaṃ vigamanato vesārajjena, sārajjarahitenāti attho. Tepiṭakavasena bahu sutaṃ etesanti bahussutā. Tameva pariyattidhammaṃ dhārenti suvaṇṇabhājane pakkhittasīhavasaṃ viya vinassantaṃ akatvā suppaguṇasuppavattibhāvena hadaye ṭhapentīti dhammadharā. Edisā ca attanā sutassa dhammassa ādhārabhūtā nāma hontīti āha ‘‘sutadhammānaṃ ādhārabhūtā’’ti.
સોભનસુત્તવણ્ણના નિટ્ઠિતા.
Sobhanasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૭. સોભનસુત્તં • 7. Sobhanasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૭. સોભનસુત્તવણ્ણના • 7. Sobhanasuttavaṇṇanā
