| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೨೦೮. ಸಿವೇಯ್ಯಕದುಸ್ಸಯುಗಕಥಾ
208. Siveyyakadussayugakathā
೩೩೫. ಸಿವಥಿಕನ್ತಿ ಸಿವಾ ಜಮ್ಬುಕಾ ಕುಣಪಖಾದನತ್ಥಾಯ ಆಗನ್ತ್ವಾ ತಿಟ್ಠನ್ತಿ ಏತ್ಥಾತಿ ಸಿವಟ್ಠಂ, ತದೇವ ಸಿವಥಿಕಂ, ಇಮಿನಾ ಸಿವಥಿಕಾಯಂ ಉಪ್ಪನ್ನಂ ಸಿವೇಯ್ಯಕಂ ಥಿಕಸದ್ದಸ್ಸ ಲೋಪಂ ಕತ್ವಾತಿ ದಸ್ಸೇತಿ। ತತ್ಥಾತಿ ಉತ್ತರಕುರೂಸು। ತನ್ತಿ ಮತಂ। ಹತ್ಥಿಸೋಣ್ಡಕಸಕುಣಾತಿ ಹತ್ಥಿಲಿಙ್ಗವಿಹಙ್ಗಮಾ। ತೇ ಹಿ ಹತ್ಥಿನೋ ಸೋಣ್ಡೋ ವಿಯ ಸೋಣ್ಡೋ ಏತೇಸು ಅತ್ಥೀತಿ ಹತ್ಥೀಸೋಣ್ಡಕಾ, ತೇ ಚ ತೇ ಸಕುಣಾ ಚೇತಿ ಹತ್ಥಿಸೋಣ್ಡಕಸಕುಣಾತಿ ವುಚ್ಚನ್ತಿ। ರಞ್ಞೋ ಆಹರನ್ತೀತಿ ರಞ್ಞೋ ಅತ್ಥಾಯ, ಸನ್ತಿಕಂ ವಾ ಆಹರನ್ತಿ। ಇದನ್ತಿ ಸಿವೇಯ್ಯಕಂ ದುಸ್ಸಯುಗಂ। ಸಿವಿರಟ್ಠೇ ವಾಯಿತಂ ಸಿವೇಯ್ಯಕನ್ತಿ ಚ ದಸ್ಸೇನ್ತೋ ಆಹ ‘‘ಅಥವಾ’’ತಿಆದಿ। ತೇನಾತಿ ಕಾರಣೇನ। ‘‘ಸಿವೇಯ್ಯಕನ್ತಿ…ಪೇ॰… ವದನ್ತೀ’’ತಿ ಪೋರಾಣಾ ಆಹೂತಿ ಯೋಜನಾ।
335.Sivathikanti sivā jambukā kuṇapakhādanatthāya āgantvā tiṭṭhanti etthāti sivaṭṭhaṃ, tadeva sivathikaṃ, iminā sivathikāyaṃ uppannaṃ siveyyakaṃ thikasaddassa lopaṃ katvāti dasseti. Tatthāti uttarakurūsu. Tanti mataṃ. Hatthisoṇḍakasakuṇāti hatthiliṅgavihaṅgamā. Te hi hatthino soṇḍo viya soṇḍo etesu atthīti hatthīsoṇḍakā, te ca te sakuṇā ceti hatthisoṇḍakasakuṇāti vuccanti. Rañño āharantīti rañño atthāya, santikaṃ vā āharanti. Idanti siveyyakaṃ dussayugaṃ. Siviraṭṭhe vāyitaṃ siveyyakanti ca dassento āha ‘‘athavā’’tiādi. Tenāti kāraṇena. ‘‘Siveyyakanti…pe… vadantī’’ti porāṇā āhūti yojanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೨೦೮. ಸಿವೇಯ್ಯಕದುಸ್ಸಯುಗಕಥಾ • 208. Siveyyakadussayugakathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಸಿವೇಯ್ಯಕದುಸ್ಸಯುಗಕಥಾ • Siveyyakadussayugakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಪಜ್ಜೋತರಾಜವತ್ಥುಕಥಾದಿವಣ್ಣನಾ • Pajjotarājavatthukathādivaṇṇanā
