| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
သိဝေယ္ယကဒုသ္သယုဂကထာ
Siveyyakadussayugakathā
၃၃၅. သိဝေယ္ယကံ နာမ ဥတ္တရကုရူသု သိဝထိကံ အဝမင္ဂလဝတ္ထံ။ တတ္ထ ကိရ မနုသ္သာ မတံ တေန ဝတ္ထေန ဝေဌေတ္ဝာ နိက္ခိပန္တိ, တံ ‘‘မံသပေသီ’’တိ သလ္လက္ခေတ္ဝာ ဟတ္ထိသောဏ္ဍကသကုဏာ ဥက္ခိပိတ္ဝာ ဟိမဝန္တကူဋေ ဌပေတ္ဝာ ဝတ္ထံ အပနေတ္ဝာ ခာဒန္တိ။ အထ ဝနစရကာ ဝတ္ထံ ဒိသ္ဝာ ရညော အာဟရန္တိ။ ဧဝမိဒံ ပဇ္ဇောတေန လဒ္ဓံ။ သိဝိရဋ္ဌေ ကုသလာ ဣတ္ထိယော တီဟိ အံသူဟိ သုတ္တံ ကန္တန္တိ, တေန သုတ္တေန ဝာယိတဝတ္ထံ ဧတန္တိပိ ဝဒန္တိ။
335.Siveyyakaṃ nāma uttarakurūsu sivathikaṃ avamaṅgalavatthaṃ. Tattha kira manussā mataṃ tena vatthena veṭhetvā nikkhipanti, taṃ ‘‘maṃsapesī’’ti sallakkhetvā hatthisoṇḍakasakuṇā ukkhipitvā himavantakūṭe ṭhapetvā vatthaṃ apanetvā khādanti. Atha vanacarakā vatthaṃ disvā rañño āharanti. Evamidaṃ pajjotena laddhaṃ. Siviraṭṭhe kusalā itthiyo tīhi aṃsūhi suttaṃ kantanti, tena suttena vāyitavatthaṃ etantipi vadanti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၀၈. သိဝေယ္ယကဒုသ္သယုဂကထာ • 208. Siveyyakadussayugakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဇ္ဇောတရာဇဝတ္ထုကထာဒိဝဏ္ဏနာ • Pajjotarājavatthukathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၀၈. သိဝေယ္ယကဒုသ္သယုဂကထာ • 208. Siveyyakadussayugakathā
