| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
9. сиббасуд̇д̇ам̣
9. Sippasuttaṃ
29. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаанам̣ бхигкуунам̣ бажчаабхад̇д̇ам̣ бин̣д̣абаад̇абадигганд̇аанам̣ ман̣д̣аламаал̣з саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘‘го ну ко, аавусо, сиббам̣ ж̇аанаад̇и? го гим̣ сиббам̣ сигки? гад̇арам̣ сиббам̣ сиббаанам̣ аг̇г̇а’’нд̇и?
29. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulānaṃ bhikkhūnaṃ pacchābhattaṃ piṇḍapātapaṭikkantānaṃ maṇḍalamāḷe sannisinnānaṃ sannipatitānaṃ ayamantarākathā udapādi – ‘‘ko nu kho, āvuso, sippaṃ jānāti? Ko kiṃ sippaṃ sikkhi? Kataraṃ sippaṃ sippānaṃ agga’’nti?
д̇ад̇т̇згажжз звамаахам̣су – ‘‘хад̇т̇исиббам̣ сиббаанам̣ аг̇г̇а’’нд̇и. згажжз звамаахам̣су – ‘‘ассасиббам̣ сиббаанам̣ аг̇г̇а’’нд̇и. згажжз звамаахам̣су – ‘‘рат̇асиббам̣ сиббаанам̣ аг̇г̇а’’нд̇и. згажжз звамаахам̣су – ‘‘д̇ханусиббам̣ сиббаанам̣ аг̇г̇а’’нд̇и. згажжз звамаахам̣су – ‘‘т̇арусиббам̣ сиббаанам̣ аг̇г̇а’’нд̇и. згажжз звамаахам̣су – ‘‘муд̣̇д̣̇аасиббам̣ сиббаанам̣ аг̇г̇а’’нд̇и. згажжз звамаахам̣су – ‘‘г̇ан̣анаасиббам̣ сиббаанам̣ аг̇г̇а’’нд̇и. згажжз звамаахам̣су – ‘‘сан̇каанасиббам̣ сиббаанам̣ аг̇г̇а’’нд̇и. згажжз звамаахам̣су – ‘‘лзкаасиббам̣ сиббаанам̣ аг̇г̇а’’нд̇и. згажжз звамаахам̣су – ‘‘гаавзяяасиббам̣ 1 сиббаанам̣ аг̇г̇а’’нд̇и. згажжз звамаахам̣су – ‘‘логааяад̇асиббам̣ сиббаанам̣ аг̇г̇а’’нд̇и. згажжз звамаахам̣су – ‘‘кад̇д̇авиж̇ж̇аасиббам̣ сиббаанам̣ аг̇г̇а’’нд̇и. аяан̃жарахи д̇зсам̣ бхигкуунам̣ анд̇араагат̇аа ход̇и виббагад̇аа.
Tatthekacce evamāhaṃsu – ‘‘hatthisippaṃ sippānaṃ agga’’nti. Ekacce evamāhaṃsu – ‘‘assasippaṃ sippānaṃ agga’’nti. Ekacce evamāhaṃsu – ‘‘rathasippaṃ sippānaṃ agga’’nti. Ekacce evamāhaṃsu – ‘‘dhanusippaṃ sippānaṃ agga’’nti. Ekacce evamāhaṃsu – ‘‘tharusippaṃ sippānaṃ agga’’nti. Ekacce evamāhaṃsu – ‘‘muddāsippaṃ sippānaṃ agga’’nti. Ekacce evamāhaṃsu – ‘‘gaṇanāsippaṃ sippānaṃ agga’’nti. Ekacce evamāhaṃsu – ‘‘saṅkhānasippaṃ sippānaṃ agga’’nti. Ekacce evamāhaṃsu – ‘‘lekhāsippaṃ sippānaṃ agga’’nti. Ekacce evamāhaṃsu – ‘‘kāveyyasippaṃ 2 sippānaṃ agga’’nti. Ekacce evamāhaṃsu – ‘‘lokāyatasippaṃ sippānaṃ agga’’nti. Ekacce evamāhaṃsu – ‘‘khattavijjāsippaṃ sippānaṃ agga’’nti. Ayañcarahi tesaṃ bhikkhūnaṃ antarākathā hoti vippakatā.
ат̇а ко бхаг̇аваа сааяанхасамаяам̣ бадисаллаанаа вудтид̇о язна ман̣д̣аламаал̣о д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и?
Atha kho bhagavā sāyanhasamayaṃ paṭisallānā vuṭṭhito yena maṇḍalamāḷo tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi – ‘‘kāya nuttha, bhikkhave, etarahi kathāya sannisinnā, kā ca pana vo antarākathā vippakatā’’ti?
‘‘ид̇ха, бханд̇з, амхаагам̣ бажчаабхад̇д̇ам̣ бин̣д̣абаад̇абадигганд̇аанам̣ ман̣д̣аламаал̣з саннисиннаанам̣ аяаманд̇араагат̇аа уд̣̇абаад̣̇и – ‘го ну ко, аавусо, сиббам̣ ж̇аанаад̇и? го гим̣ сиббам̣ сигки? гад̇арам̣ сиббам̣ сиббаанам̣ аг̇г̇а’нд̇и?
‘‘Idha, bhante, amhākaṃ pacchābhattaṃ piṇḍapātapaṭikkantānaṃ maṇḍalamāḷe sannisinnānaṃ ayamantarākathā udapādi – ‘ko nu kho, āvuso, sippaṃ jānāti? Ko kiṃ sippaṃ sikkhi? Kataraṃ sippaṃ sippānaṃ agga’nti?
‘‘д̇ад̇т̇згажжз звамаахам̣су – ‘хад̇т̇исиббам̣ сиббаанам̣ аг̇г̇а’нд̇и. згажжз звамаахам̣су – ‘ассасиббам̣ сиббаанам̣ аг̇г̇а’нд̇и; згажжз звамаахам̣су – ‘рат̇асиббам̣ сиббаанам̣ аг̇г̇а’нд̇и; згажжз звамаахам̣су – ‘д̇ханусиббам̣ сиббаанам̣ аг̇г̇а’нд̇и; згажжз звамаахам̣су – ‘т̇арусиббам̣ сиббаанам̣ аг̇г̇а’нд̇и, згажжз звамаахам̣су – ‘муд̣̇д̣̇аасиббам̣ сиббаанам̣ аг̇г̇а’нд̇и згажжз звамаахам̣су – ‘г̇ан̣анаасиббам̣ сиббаанам̣ аг̇г̇а’нд̇и; згажжз звамаахам̣су – ‘сан̇каанасиббам̣ сиббаанам̣ аг̇г̇а’нд̇и; згажжз звамаахам̣су – ‘лзкаасиббам̣ сиббаанам̣ аг̇г̇а’нд̇и; згажжз звамаахам̣су – ‘гаавзяяасиббам̣ сиббаанам̣ аг̇г̇а’нд̇и; згажжз звамаахам̣су – ‘логааяад̇асиббам̣ сиббаанам̣ аг̇г̇а’нд̇и; згажжз звамаахам̣су – ‘кад̇д̇авиж̇ж̇аасиббам̣ сиббаанам̣ аг̇г̇а’нд̇и. аяам̣ ко но, бханд̇з, анд̇араагат̇аа ход̇и виббагад̇аа, ат̇а бхаг̇аваа ануббад̇д̇о’’д̇и.
‘‘Tatthekacce evamāhaṃsu – ‘hatthisippaṃ sippānaṃ agga’nti. Ekacce evamāhaṃsu – ‘assasippaṃ sippānaṃ agga’nti; ekacce evamāhaṃsu – ‘rathasippaṃ sippānaṃ agga’nti; ekacce evamāhaṃsu – ‘dhanusippaṃ sippānaṃ agga’nti; ekacce evamāhaṃsu – ‘tharusippaṃ sippānaṃ agga’nti, ekacce evamāhaṃsu – ‘muddāsippaṃ sippānaṃ agga’nti ekacce evamāhaṃsu – ‘gaṇanāsippaṃ sippānaṃ agga’nti; ekacce evamāhaṃsu – ‘saṅkhānasippaṃ sippānaṃ agga’nti; ekacce evamāhaṃsu – ‘lekhāsippaṃ sippānaṃ agga’nti; ekacce evamāhaṃsu – ‘kāveyyasippaṃ sippānaṃ agga’nti; ekacce evamāhaṃsu – ‘lokāyatasippaṃ sippānaṃ agga’nti; ekacce evamāhaṃsu – ‘khattavijjāsippaṃ sippānaṃ agga’nti. Ayaṃ kho no, bhante, antarākathā hoti vippakatā, atha bhagavā anuppatto’’ti.
‘‘на квзд̇ам̣, бхигкавз, д̇умхаагам̣ бад̇ируубам̣ гулабуд̇д̇аанам̣ сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аанам̣ яам̣ д̇умхз зваруубим̣ гат̇ам̣ гат̇зяяаат̇а. саннибад̇ид̇аанам̣ во, бхигкавз, д̣̇ваяам̣ гаран̣ийяам̣ – д̇хаммий ваа гат̇аа арияо ваа д̇ун̣хийбхааво’’д̇и.
‘‘Na khvetaṃ, bhikkhave, tumhākaṃ patirūpaṃ kulaputtānaṃ saddhā agārasmā anagāriyaṃ pabbajitānaṃ yaṃ tumhe evarūpiṃ kathaṃ katheyyātha. Sannipatitānaṃ vo, bhikkhave, dvayaṃ karaṇīyaṃ – dhammī vā kathā ariyo vā tuṇhībhāvo’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘асиббаж̇ийвий лаху ад̇т̇агаамо,
‘‘Asippajīvī lahu atthakāmo,
яад̇инд̣̇рияо саб̣б̣ад̇хи виббамуд̇д̇о;
Yatindriyo sabbadhi vippamutto;
аногасаарий амамо нираасо,
Anokasārī amamo nirāso,
хид̇ваа маанам̣ згажаро са бхигкуу’’д̇и. навамам̣;
Hitvā mānaṃ ekacaro sa bhikkhū’’ti. navamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 9. сиббасуд̇д̇аван̣н̣анаа • 9. Sippasuttavaṇṇanā
