| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๙๒. สิงฺฆปุปฺผชาตกํ (๖-๒-๗)
392. Siṅghapupphajātakaṃ (6-2-7)
๑๑๕.
115.
เอกงฺคเมตํ เถยฺยานํ, คนฺธเถโนสิ มาริสฯ
Ekaṅgametaṃ theyyānaṃ, gandhathenosi mārisa.
๑๑๖.
116.
น หรามิ น ภญฺชามิ, อารา สิงฺฆามิ วาริชํ;
Na harāmi na bhañjāmi, ārā siṅghāmi vārijaṃ;
อถ เกน นุ วเณฺณน, คนฺธเถโนติ วุจฺจติฯ
Atha kena nu vaṇṇena, gandhathenoti vuccati.
๑๑๗.
117.
โยยํ ภิสานิ ขณติ, ปุณฺฑรีกานิ ภญฺชติ;
Yoyaṃ bhisāni khaṇati, puṇḍarīkāni bhañjati;
เอวํ อากิณฺณกมฺมโนฺต, กสฺมา เอโส น วุจฺจติฯ
Evaṃ ākiṇṇakammanto, kasmā eso na vuccati.
๑๑๘.
118.
อากิณฺณลุโทฺท ปุริโส, ธาติเจลํว มกฺขิโต;
Ākiṇṇaluddo puriso, dhāticelaṃva makkhito;
ตสฺมิํ เม วจนํ นตฺถิ, ตญฺจารหามิ วตฺตเวฯ
Tasmiṃ me vacanaṃ natthi, tañcārahāmi vattave.
๑๑๙.
119.
อนงฺคณสฺส โปสสฺส, นิจฺจํ สุจิคเวสิโน;
Anaṅgaṇassa posassa, niccaṃ sucigavesino;
วาลคฺคมตฺตํ ปาปสฺส, อพฺภามตฺตํว ขายติฯ
Vālaggamattaṃ pāpassa, abbhāmattaṃva khāyati.
๑๒๐.
120.
อทฺธา มํ ยกฺข ชานาสิ, อโถ มํ อนุกมฺปสิ;
Addhā maṃ yakkha jānāsi, atho maṃ anukampasi;
ปุนปิ ยกฺข วชฺชาสิ, ยทา ปสฺสสิ เอทิสํฯ
Punapi yakkha vajjāsi, yadā passasi edisaṃ.
๑๒๑.
121.
ตฺวเมว ภิกฺขุ ชาเนยฺย, เยน คเจฺฉยฺย สุคฺคตินฺติฯ
Tvameva bhikkhu jāneyya, yena gaccheyya suggatinti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๙๒] ๗. สิงฺฆปุปฺผชาตกวณฺณนา • [392] 7. Siṅghapupphajātakavaṇṇanā
