| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૩૯૨. સિઙ્ઘપુપ્ફજાતકં (૬-૨-૭)
392. Siṅghapupphajātakaṃ (6-2-7)
૧૧૫.
115.
એકઙ્ગમેતં થેય્યાનં, ગન્ધથેનોસિ મારિસ.
Ekaṅgametaṃ theyyānaṃ, gandhathenosi mārisa.
૧૧૬.
116.
ન હરામિ ન ભઞ્જામિ, આરા સિઙ્ઘામિ વારિજં;
Na harāmi na bhañjāmi, ārā siṅghāmi vārijaṃ;
અથ કેન નુ વણ્ણેન, ગન્ધથેનોતિ વુચ્ચતિ.
Atha kena nu vaṇṇena, gandhathenoti vuccati.
૧૧૭.
117.
યોયં ભિસાનિ ખણતિ, પુણ્ડરીકાનિ ભઞ્જતિ;
Yoyaṃ bhisāni khaṇati, puṇḍarīkāni bhañjati;
એવં આકિણ્ણકમ્મન્તો, કસ્મા એસો ન વુચ્ચતિ.
Evaṃ ākiṇṇakammanto, kasmā eso na vuccati.
૧૧૮.
118.
આકિણ્ણલુદ્દો પુરિસો, ધાતિચેલંવ મક્ખિતો;
Ākiṇṇaluddo puriso, dhāticelaṃva makkhito;
તસ્મિં મે વચનં નત્થિ, તઞ્ચારહામિ વત્તવે.
Tasmiṃ me vacanaṃ natthi, tañcārahāmi vattave.
૧૧૯.
119.
અનઙ્ગણસ્સ પોસસ્સ, નિચ્ચં સુચિગવેસિનો;
Anaṅgaṇassa posassa, niccaṃ sucigavesino;
વાલગ્ગમત્તં પાપસ્સ, અબ્ભામત્તંવ ખાયતિ.
Vālaggamattaṃ pāpassa, abbhāmattaṃva khāyati.
૧૨૦.
120.
અદ્ધા મં યક્ખ જાનાસિ, અથો મં અનુકમ્પસિ;
Addhā maṃ yakkha jānāsi, atho maṃ anukampasi;
પુનપિ યક્ખ વજ્જાસિ, યદા પસ્સસિ એદિસં.
Punapi yakkha vajjāsi, yadā passasi edisaṃ.
૧૨૧.
121.
ત્વમેવ ભિક્ખુ જાનેય્ય, યેન ગચ્છેય્ય સુગ્ગતિન્તિ.
Tvameva bhikkhu jāneyya, yena gaccheyya suggatinti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૩૯૨] ૭. સિઙ્ઘપુપ્ફજાતકવણ્ણના • [392] 7. Siṅghapupphajātakavaṇṇanā
