| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၁၃၃. သီမောတ္တန္တိကပေယ္ယာလံ
133. Sīmottantikapeyyālaṃ
၂၂၇. ဣဓ ပန, ဘိက္ခဝေ, အညတရသ္မိံ အာဝာသေ တဒဟု ပဝာရဏာယ သမ္ဗဟုလာ အာဝာသိကာ ဘိက္ခူ သန္နိပတန္တိ, ပဉ္စ ဝာ အတိရေကာ ဝာ။ တေ န ဇာနန္တိ ‘‘အညေ အာဝာသိကာ ဘိက္ခူ အန္တောသီမံ ဩက္ကမန္တီ’’တိ။ပေ.။ တေ န ဇာနန္တိ ‘‘အညေ အာဝာသိကာ ဘိက္ခူ အန္တောသီမံ ဩက္ကန္တာ’’တိ။ပေ.။ တေ န ပသ္သန္တိ အညေ အာဝာသိကေ ဘိက္ခူ အန္တောသီမံ ဩက္ကမန္တေ။ပေ.။ တေ န ပသ္သန္တိ အညေ အာဝာသိကေ ဘိက္ခူ အန္တောသီမံ ဩက္ကန္တေ။ပေ.။ တေ န သုဏန္တိ ‘‘အညေ အာဝာသိကာ ဘိက္ခူ အန္တောသီမံ ဩက္ကမန္တီ’’တိ။ပေ.။ တေ န သုဏန္တိ ‘‘အညေ အာဝာသိကာ ဘိက္ခူ အန္တောသီမံ ဩက္ကန္တာ’’တိ။ပေ.။။
227. Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te na jānanti ‘‘aññe āvāsikā bhikkhū antosīmaṃ okkamantī’’ti…pe… te na jānanti ‘‘aññe āvāsikā bhikkhū antosīmaṃ okkantā’’ti…pe… te na passanti aññe āvāsike bhikkhū antosīmaṃ okkamante…pe… te na passanti aññe āvāsike bhikkhū antosīmaṃ okkante…pe… te na suṇanti ‘‘aññe āvāsikā bhikkhū antosīmaṃ okkamantī’’ti…pe… te na suṇanti ‘‘aññe āvāsikā bhikkhū antosīmaṃ okkantā’’ti…pe….
အာဝာသိကေန အာဝာသိကာ ဧကသတပဉ္စသတ္တတိ တိကနယတော, အာဝာသိကေန အာဂန္တုကာ, အာဂန္တုကေန အာဝာသိကာ, အာဂန္တုကေန အာဂန္တုကာ, ပေယ္ယာလမုခေန သတ္တ တိကသတာနိ ဟောန္တိ။
Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā, peyyālamukhena satta tikasatāni honti.
သီမောက္ကန္တိကပေယ္ယာလံ နိဋ္ဌိတံ။
Sīmokkantikapeyyālaṃ niṭṭhitaṃ.
