| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
133. ஸீமொத்தந்திகபெய்யாலங்
133. Sīmottantikapeyyālaṃ
227. இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அஞ்ஞே ஆவாஸிகா பி⁴க்கூ² அந்தோஸீமங் ஓக்கமந்தீ’’தி…பே॰… தே ந ஜானந்தி ‘‘அஞ்ஞே ஆவாஸிகா பி⁴க்கூ² அந்தோஸீமங் ஓக்கந்தா’’தி…பே॰… தே ந பஸ்ஸந்தி அஞ்ஞே ஆவாஸிகே பி⁴க்கூ² அந்தோஸீமங் ஓக்கமந்தே…பே॰… தே ந பஸ்ஸந்தி அஞ்ஞே ஆவாஸிகே பி⁴க்கூ² அந்தோஸீமங் ஓக்கந்தே…பே॰… தே ந ஸுணந்தி ‘‘அஞ்ஞே ஆவாஸிகா பி⁴க்கூ² அந்தோஸீமங் ஓக்கமந்தீ’’தி…பே॰… தே ந ஸுணந்தி ‘‘அஞ்ஞே ஆவாஸிகா பி⁴க்கூ² அந்தோஸீமங் ஓக்கந்தா’’தி…பே॰….
227. Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te na jānanti ‘‘aññe āvāsikā bhikkhū antosīmaṃ okkamantī’’ti…pe… te na jānanti ‘‘aññe āvāsikā bhikkhū antosīmaṃ okkantā’’ti…pe… te na passanti aññe āvāsike bhikkhū antosīmaṃ okkamante…pe… te na passanti aññe āvāsike bhikkhū antosīmaṃ okkante…pe… te na suṇanti ‘‘aññe āvāsikā bhikkhū antosīmaṃ okkamantī’’ti…pe… te na suṇanti ‘‘aññe āvāsikā bhikkhū antosīmaṃ okkantā’’ti…pe….
ஆவாஸிகேன ஆவாஸிகா ஏகஸதபஞ்சஸத்ததி திகனயதோ, ஆவாஸிகேன ஆக³ந்துகா, ஆக³ந்துகேன ஆவாஸிகா, ஆக³ந்துகேன ஆக³ந்துகா, பெய்யாலமுகே²ன ஸத்த திகஸதானி ஹொந்தி.
Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā, peyyālamukhena satta tikasatāni honti.
ஸீமோக்கந்திகபெய்யாலங் நிட்டி²தங்.
Sīmokkantikapeyyālaṃ niṭṭhitaṃ.
