| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੦੦. ਸੀਮੋਕ੍ਕਨ੍ਤਿਕਪੇਯ੍ਯਾਲਕਥਾ
100. Sīmokkantikapeyyālakathā
੧੭੭. ਆવਾਸਿਕੇਨਆਗਨ੍ਤੁਕਪੇਯ੍ਯਾਲੇ ਸਬ੍ਬਂ વੇਦਿਤਬ੍ਬਨ੍ਤਿ ਸਮ੍ਬਨ੍ਧੋ। વੇਦਿਤਬ੍ਬਾਕਾਰਂ ਸਹ ਉਪਮਾਯ ਦਸ੍ਸੇਨ੍ਤੋ ਆਹ ‘‘ਯਥਾ’’ਤਿਆਦਿ। ਆਗਨ੍ਤੁਕੇਨਆવਾਸਿਕਪੇਯ੍ਯਾਲੇ ਪਨ ਆਨੇਤਬ੍ਬਨ੍ਤਿ ਸਮ੍ਬਨ੍ਧੋ। ਪੁਰਿਮਪੇਯ੍ਯਾਲੇਤਿ ਆવਾਸਿਕੇਨਆਗਨ੍ਤੁਕਪੇਯ੍ਯਾਲੇ। ਆਗਨ੍ਤੁਕੇਨਆਗਨ੍ਤੁਕਪੇਯ੍ਯਾਲੇ ਪਨ ਯੋਜੇਤਬ੍ਬੋਤਿ ਸਮ੍ਬਨ੍ਧੋ। ਏਤ੍ਥ ਚ ਪੇਯ੍ਯਾਲਨ੍ਤਿ ਸਦਿਸਨਯਸ੍ਸ ਚ ਤਂਜਾਨਨਞਾਣਸ੍ਸ ਚ ਪਾਤਬ੍ਬਂ ਰਕ੍ਖਨਂ ਪੇਯ੍ਯਂ, ਪੇਯ੍ਯਂ, ਪੇਯ੍ਯੇ વਾ, ਪੇਯ੍ਯਾਯ વਾ ਅਲਤਿ ਸਮਤ੍ਥੇਤੀਤਿ ਪੇਯ੍ਯਾਲਨ੍ਤਿ વਚਨਤ੍ਥੋ ਕਾਤਬ੍ਬੋ।
177. Āvāsikenaāgantukapeyyāle sabbaṃ veditabbanti sambandho. Veditabbākāraṃ saha upamāya dassento āha ‘‘yathā’’tiādi. Āgantukenaāvāsikapeyyāle pana ānetabbanti sambandho. Purimapeyyāleti āvāsikenaāgantukapeyyāle. Āgantukenaāgantukapeyyāle pana yojetabboti sambandho. Ettha ca peyyālanti sadisanayassa ca taṃjānanañāṇassa ca pātabbaṃ rakkhanaṃ peyyaṃ, peyyaṃ, peyye vā, peyyāya vā alati samatthetīti peyyālanti vacanattho kātabbo.
੧੭੮. ਆવਾਸਿਕਾਨਂ ਚਾਤੁਦ੍ਦਸੋ ਹੁਤ੍વਾ ਕਸ੍ਮਾ ਆਗਨ੍ਤੁਕਾਨਂ ਪਨ੍ਨਰਸੋਤਿ ਆਹ ‘‘ਯੇਸ’’ਨ੍ਤਿਆਦਿ । ਤਤ੍ਥ ਯੇਸਨ੍ਤਿ ਆਗਨ੍ਤੁਕਾਨਂ। ਤਿਰੋਰਟ੍ਠਤੋਤਿ ਆવਾਸਿਕਾਨਂ ਰਟ੍ਠਸ੍ਸ ਅਞ੍ਞਰਟ੍ਠਤੋ। ਤਿਰੋਜਨਪਦਤੋਤਿ ਏਕਰਟ੍ਠੇਪਿ ਅਞ੍ਞਜਨਪਦਤੋ। ਚਾਤੁਦ੍ਦਸਿਕਂ ਅਕਂਸੂਤਿ ਸਞ੍ਞਾਨਾਨਤ੍ਤવਸੇਨ ਚਾਤੁਦ੍ਦਸਿਕਂ ਅਕਂਸੁ। ਅਨੁવਤ੍ਤਿਤਬ੍ਬਨ੍ਤਿ ਅਨੁਮਤਿਂ વਤ੍ਤਿਤਬ੍ਬਂ। ਨ ਪਟਿਕ੍ਕੋਸਿਤਬ੍ਬਨ੍ਤਿ ‘‘ਨ ਚਾਤੁਦ੍ਦਸੋ’’ਤਿ વਤ੍વਾ ਨ વਾਰਿਤਬ੍ਬਂ। ਨ ਅਕਾਮਾਤਿ ਏਤ੍ਥ ਕਮੁਧਾਤੁ ਇਚ੍ਛਤ੍ਥੋ, ਕਰਣਤ੍ਥੇ ਚ ਨਿਸ੍ਸਕ੍ਕવਚਨਨ੍ਤਿ ਆਹ ‘‘ਨ ਅਨਿਚ੍ਛਾਯ ਦਾਤਬ੍ਬਾ’’ਤਿ।
178. Āvāsikānaṃ cātuddaso hutvā kasmā āgantukānaṃ pannarasoti āha ‘‘yesa’’ntiādi . Tattha yesanti āgantukānaṃ. Tiroraṭṭhatoti āvāsikānaṃ raṭṭhassa aññaraṭṭhato. Tirojanapadatoti ekaraṭṭhepi aññajanapadato. Cātuddasikaṃ akaṃsūti saññānānattavasena cātuddasikaṃ akaṃsu. Anuvattitabbanti anumatiṃ vattitabbaṃ. Na paṭikkositabbanti ‘‘na cātuddaso’’ti vatvā na vāritabbaṃ. Na akāmāti ettha kamudhātu icchattho, karaṇatthe ca nissakkavacananti āha ‘‘na anicchāya dātabbā’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੦੦. ਸੀਮੋਕ੍ਕਨ੍ਤਿਕਪੇਯ੍ਯਾਲਂ • 100. Sīmokkantikapeyyālaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸੀਮੋਕ੍ਕਨ੍ਤਿਕਪੇਯ੍ਯਾਲਕਥਾ • Sīmokkantikapeyyālakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸੀਮੋਕ੍ਕਨ੍ਤਿਕਪੇਯ੍ਯਾਲਕਥਾવਣ੍ਣਨਾ • Sīmokkantikapeyyālakathāvaṇṇanā
