| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೧೦೦. ಸೀಮೋಕ್ಕನ್ತಿಕಪೇಯ್ಯಾಲಕಥಾ
100. Sīmokkantikapeyyālakathā
೧೭೭. ಆವಾಸಿಕೇನಆಗನ್ತುಕಪೇಯ್ಯಾಲೇ ಸಬ್ಬಂ ವೇದಿತಬ್ಬನ್ತಿ ಸಮ್ಬನ್ಧೋ। ವೇದಿತಬ್ಬಾಕಾರಂ ಸಹ ಉಪಮಾಯ ದಸ್ಸೇನ್ತೋ ಆಹ ‘‘ಯಥಾ’’ತಿಆದಿ। ಆಗನ್ತುಕೇನಆವಾಸಿಕಪೇಯ್ಯಾಲೇ ಪನ ಆನೇತಬ್ಬನ್ತಿ ಸಮ್ಬನ್ಧೋ। ಪುರಿಮಪೇಯ್ಯಾಲೇತಿ ಆವಾಸಿಕೇನಆಗನ್ತುಕಪೇಯ್ಯಾಲೇ। ಆಗನ್ತುಕೇನಆಗನ್ತುಕಪೇಯ್ಯಾಲೇ ಪನ ಯೋಜೇತಬ್ಬೋತಿ ಸಮ್ಬನ್ಧೋ। ಏತ್ಥ ಚ ಪೇಯ್ಯಾಲನ್ತಿ ಸದಿಸನಯಸ್ಸ ಚ ತಂಜಾನನಞಾಣಸ್ಸ ಚ ಪಾತಬ್ಬಂ ರಕ್ಖನಂ ಪೇಯ್ಯಂ, ಪೇಯ್ಯಂ, ಪೇಯ್ಯೇ ವಾ, ಪೇಯ್ಯಾಯ ವಾ ಅಲತಿ ಸಮತ್ಥೇತೀತಿ ಪೇಯ್ಯಾಲನ್ತಿ ವಚನತ್ಥೋ ಕಾತಬ್ಬೋ।
177. Āvāsikenaāgantukapeyyāle sabbaṃ veditabbanti sambandho. Veditabbākāraṃ saha upamāya dassento āha ‘‘yathā’’tiādi. Āgantukenaāvāsikapeyyāle pana ānetabbanti sambandho. Purimapeyyāleti āvāsikenaāgantukapeyyāle. Āgantukenaāgantukapeyyāle pana yojetabboti sambandho. Ettha ca peyyālanti sadisanayassa ca taṃjānanañāṇassa ca pātabbaṃ rakkhanaṃ peyyaṃ, peyyaṃ, peyye vā, peyyāya vā alati samatthetīti peyyālanti vacanattho kātabbo.
೧೭೮. ಆವಾಸಿಕಾನಂ ಚಾತುದ್ದಸೋ ಹುತ್ವಾ ಕಸ್ಮಾ ಆಗನ್ತುಕಾನಂ ಪನ್ನರಸೋತಿ ಆಹ ‘‘ಯೇಸ’’ನ್ತಿಆದಿ । ತತ್ಥ ಯೇಸನ್ತಿ ಆಗನ್ತುಕಾನಂ। ತಿರೋರಟ್ಠತೋತಿ ಆವಾಸಿಕಾನಂ ರಟ್ಠಸ್ಸ ಅಞ್ಞರಟ್ಠತೋ। ತಿರೋಜನಪದತೋತಿ ಏಕರಟ್ಠೇಪಿ ಅಞ್ಞಜನಪದತೋ। ಚಾತುದ್ದಸಿಕಂ ಅಕಂಸೂತಿ ಸಞ್ಞಾನಾನತ್ತವಸೇನ ಚಾತುದ್ದಸಿಕಂ ಅಕಂಸು। ಅನುವತ್ತಿತಬ್ಬನ್ತಿ ಅನುಮತಿಂ ವತ್ತಿತಬ್ಬಂ। ನ ಪಟಿಕ್ಕೋಸಿತಬ್ಬನ್ತಿ ‘‘ನ ಚಾತುದ್ದಸೋ’’ತಿ ವತ್ವಾ ನ ವಾರಿತಬ್ಬಂ। ನ ಅಕಾಮಾತಿ ಏತ್ಥ ಕಮುಧಾತು ಇಚ್ಛತ್ಥೋ, ಕರಣತ್ಥೇ ಚ ನಿಸ್ಸಕ್ಕವಚನನ್ತಿ ಆಹ ‘‘ನ ಅನಿಚ್ಛಾಯ ದಾತಬ್ಬಾ’’ತಿ।
178. Āvāsikānaṃ cātuddaso hutvā kasmā āgantukānaṃ pannarasoti āha ‘‘yesa’’ntiādi . Tattha yesanti āgantukānaṃ. Tiroraṭṭhatoti āvāsikānaṃ raṭṭhassa aññaraṭṭhato. Tirojanapadatoti ekaraṭṭhepi aññajanapadato. Cātuddasikaṃ akaṃsūti saññānānattavasena cātuddasikaṃ akaṃsu. Anuvattitabbanti anumatiṃ vattitabbaṃ. Na paṭikkositabbanti ‘‘na cātuddaso’’ti vatvā na vāritabbaṃ. Na akāmāti ettha kamudhātu icchattho, karaṇatthe ca nissakkavacananti āha ‘‘na anicchāya dātabbā’’ti.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೧೦೦. ಸೀಮೋಕ್ಕನ್ತಿಕಪೇಯ್ಯಾಲಂ • 100. Sīmokkantikapeyyālaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಸೀಮೋಕ್ಕನ್ತಿಕಪೇಯ್ಯಾಲಕಥಾ • Sīmokkantikapeyyālakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಸೀಮೋಕ್ಕನ್ತಿಕಪೇಯ್ಯಾಲಕಥಾವಣ್ಣನಾ • Sīmokkantikapeyyālakathāvaṇṇanā
