| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
সীমোক্কন্তিকপেয্যালকথা
Sīmokkantikapeyyālakathā
১৭৭. আৰাসিকেনআগন্তুকপেয্যালে – যথা পুরিমে আৰাসিকেনআৰাসিকপেয্যালে ‘‘তে ন জানন্তি অথঞ্ঞে আৰাসিকা’’তিআদি ৰুত্তং, এৰং ‘‘তে ন জানন্তি অথঞ্ঞে আগন্তুকা’’তিআদিনা নযেন সব্বং ৰেদিতব্বং। আগন্তুকেনআৰাসিকপেয্যালে পন – যথা পুরিমপেয্যালে ‘‘আৰাসিকা ভিক্খূ সন্নিপতন্তী’’তি আগতং, এৰং ‘‘আগন্তুকা ভিক্খূ সন্নিপতন্তী’’তি আনেতব্বং । আগন্তুকেনআগন্তুকপেয্যালে পন – উভযপদেসু আগন্তুকৰসেন যোজেতব্বোতি।
177. Āvāsikenaāgantukapeyyāle – yathā purime āvāsikenaāvāsikapeyyāle ‘‘te na jānanti athaññe āvāsikā’’tiādi vuttaṃ, evaṃ ‘‘te na jānanti athaññe āgantukā’’tiādinā nayena sabbaṃ veditabbaṃ. Āgantukenaāvāsikapeyyāle pana – yathā purimapeyyāle ‘‘āvāsikā bhikkhū sannipatantī’’ti āgataṃ, evaṃ ‘‘āgantukā bhikkhū sannipatantī’’ti ānetabbaṃ . Āgantukenaāgantukapeyyāle pana – ubhayapadesu āgantukavasena yojetabboti.
১৭৮. আৰাসিকানং ভিক্খূনং চাতুদ্দসো হোতি, আগন্তুকানং পন্নরসোতি এত্থ যেসং পন্নরসো, তে তিরোরট্ঠতো ৰা আগতা, অতীতং ৰা উপোসথং চাতুদ্দসিকং অকংসূতি ৰেদিতব্বা। আৰাসিকানং অনুৰত্তিতব্বন্তি আৰাসিকেহি ‘‘অজ্জুপোসথো চাতুদ্দসো’’তি পুব্বকিচ্চে করিযমানে অনুৰত্তিতব্বং, ন পটিক্কোসিতব্বং। ন অকামা দাতব্বাতি ন অনিচ্ছায দাতব্বা।
178.Āvāsikānaṃ bhikkhūnaṃ cātuddaso hoti, āgantukānaṃ pannarasoti ettha yesaṃ pannaraso, te tiroraṭṭhato vā āgatā, atītaṃ vā uposathaṃ cātuddasikaṃ akaṃsūti veditabbā. Āvāsikānaṃ anuvattitabbanti āvāsikehi ‘‘ajjuposatho cātuddaso’’ti pubbakicce kariyamāne anuvattitabbaṃ, na paṭikkositabbaṃ. Na akāmā dātabbāti na anicchāya dātabbā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১০০. সীমোক্কন্তিকপেয্যালং • 100. Sīmokkantikapeyyālaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / সীমোক্কন্তিকপেয্যালকথাৰণ্ণনা • Sīmokkantikapeyyālakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১০০. সীমোক্কন্তিকপেয্যালকথা • 100. Sīmokkantikapeyyālakathā
