| Library / Tipiṭaka / तिपिटक • Tipiṭaka / जातकपाळि • Jātakapāḷi |
३३०. सीलवीमंसजातकं (४-३-१०)
330. Sīlavīmaṃsajātakaṃ (4-3-10)
११७.
117.
सीलं किरेव कल्याणं, सीलं लोके अनुत्तरं।
Sīlaṃ kireva kalyāṇaṃ, sīlaṃ loke anuttaraṃ;
पस्स घोरविसो नागो, सीलवाति न हञ्ञति॥
Passa ghoraviso nāgo, sīlavāti na haññati.
११८.
118.
यावदेवस्सहू किञ्चि, तावदेव अखादिसुं।
Yāvadevassahū kiñci, tāvadeva akhādisuṃ;
सङ्गम्म कुलला लोके, न हिंसन्ति अकिञ्चनं॥
Saṅgamma kulalā loke, na hiṃsanti akiñcanaṃ.
११९.
119.
सुखं निरासा सुपति, आसा फलवती सुखा।
Sukhaṃ nirāsā supati, āsā phalavatī sukhā;
आसं निरासं कत्वान, सुखं सुपति पिङ्गला॥
Āsaṃ nirāsaṃ katvāna, sukhaṃ supati piṅgalā.
१२०.
120.
न समाधिपरो अत्थि, अस्मिं लोके परम्हि च।
Na samādhiparo atthi, asmiṃ loke paramhi ca;
न परं नापि अत्तानं, विहिंसति समाहितोति॥
Na paraṃ nāpi attānaṃ, vihiṃsati samāhitoti.
सीलवीमंसजातकं दसमं।
Sīlavīmaṃsajātakaṃ dasamaṃ.
कुटिदूसकवग्गो ततियो।
Kuṭidūsakavaggo tatiyo.
तस्सुद्दानं –
Tassuddānaṃ –
समनुस्स -सदुद्दुभ-याचनको, अथ मेण्डवरुत्तम-गोधवरो।
Samanussa -saduddubha-yācanako, atha meṇḍavaruttama-godhavaro;
अथ कायसकेपुक भोतीवरो, अथ राधसुसीलवरेन दसाति॥
Atha kāyasakepuka bhotīvaro, atha rādhasusīlavarena dasāti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३३०] १०. सीलवीमंसजातकवण्णना • [330] 10. Sīlavīmaṃsajātakavaṇṇanā
