| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
១០. សីលវន្តសុត្តវណ្ណនា
10. Sīlavantasuttavaṇṇanā
១២២. អាពាធដ្ឋេនាតិ អាទិតោ ឧប្បត្តិតោ បដ្ឋាយ ពាធនដ្ឋេន រុជនដ្ឋេន។ អន្តោទោសដ្ឋេនាតិ អព្ភន្តរេ ឯវ ទុស្សនដ្ឋេន កុប្បនដ្ឋេន។ ខណនដ្ឋេនាតិ សសនដ្ឋេន។ ទុក្ខដ្ឋេនាតិ ទុក្ខមត្តា ទុក្ខភាវេន។ ទុក្ខញ្ហិ លោកេ ‘‘អឃ’’ន្តិ វុច្ចតិ អតិវិយ ហននតោ។ វិសភាគំ …បេ.… បច្ចយដ្ឋេនាតិ យថាបវត្តមានានំ ធាតាទីនំ វិសភាគភូតមហាភូតសមុដ្ឋានស្ស អាពាធស្ស បច្ចយភាវេន។ អសកដ្ឋេនាតិ អនត្តនិយតោ។ បលុជ្ជនដ្ឋេនាតិ បការតោ ភិជ្ជនដ្ឋេន។ សត្តសុញ្ញតដ្ឋេនាតិ សត្តសង្ខាតអត្តសុញ្ញតដ្ឋេន។ អត្តាភាវេនាតិ ទិដ្ឋិគតិកបរិកប្បិតស្ស អត្តនោ អភាវេន។ សុញ្ញតោ អនត្តតោតិ ឯត្ថ ‘‘បរតោ’’តិ បទស្ស សង្គហោ កាតព្ពោ, តស្មា ‘‘ទ្វីហិ អនត្តមនសិការោ’’តិ វត្តព្ពំ។
122.Ābādhaṭṭhenāti ādito uppattito paṭṭhāya bādhanaṭṭhena rujanaṭṭhena. Antodosaṭṭhenāti abbhantare eva dussanaṭṭhena kuppanaṭṭhena. Khaṇanaṭṭhenāti sasanaṭṭhena. Dukkhaṭṭhenāti dukkhamattā dukkhabhāvena. Dukkhañhi loke ‘‘agha’’nti vuccati ativiya hananato. Visabhāgaṃ …pe… paccayaṭṭhenāti yathāpavattamānānaṃ dhātādīnaṃ visabhāgabhūtamahābhūtasamuṭṭhānassa ābādhassa paccayabhāvena. Asakaṭṭhenāti anattaniyato. Palujjanaṭṭhenāti pakārato bhijjanaṭṭhena. Sattasuññataṭṭhenāti sattasaṅkhātaattasuññataṭṭhena. Attābhāvenāti diṭṭhigatikaparikappitassa attano abhāvena. Suññato anattatoti ettha ‘‘parato’’ti padassa saṅgaho kātabbo, tasmā ‘‘dvīhi anattamanasikāro’’ti vattabbaṃ.
សីលវន្តសុត្តវណ្ណនា និដ្ឋិតា។
Sīlavantasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១០. សីលវន្តសុត្តំ • 10. Sīlavantasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១០. សីលវន្តសុត្តវណ្ណនា • 10. Sīlavantasuttavaṇṇanā
