| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਸੀਲવਨ੍ਤਸੁਤ੍ਤਂ
10. Sīlavantasuttaṃ
੧੨੨. ਏਕਂ ਸਮਯਂ ਆਯਸ੍ਮਾ ਚ ਸਾਰਿਪੁਤ੍ਤੋ ਆਯਸ੍ਮਾ ਚ ਮਹਾਕੋਟ੍ਠਿਕੋ 1 ਬਾਰਾਣਸਿਯਂ વਿਹਰਨ੍ਤਿ ਇਸਿਪਤਨੇ ਮਿਗਦਾਯੇ। ਅਥ ਖੋ ਆਯਸ੍ਮਾ ਮਹਾਕੋਟ੍ਠਿਕੋ ਸਾਯਨ੍ਹਸਮਯਂ ਪਟਿਸਲ੍ਲਾਨਾ વੁਟ੍ਠਿਤੋ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿ…ਪੇ॰… ਏਤਦવੋਚ – ‘‘ਸੀਲવਤਾવੁਸੋ, ਸਾਰਿਪੁਤ੍ਤ, ਭਿਕ੍ਖੁਨਾ ਕਤਮੇ ਧਮ੍ਮਾ ਯੋਨਿਸੋ ਮਨਸਿਕਾਤਬ੍ਬਾ’’ਤਿ? ‘‘ਸੀਲવਤਾવੁਸੋ, ਕੋਟ੍ਠਿਕ, ਭਿਕ੍ਖੁਨਾ ਪਞ੍ਚੁਪਾਦਾਨਕ੍ਖਨ੍ਧਾ ਅਨਿਚ੍ਚਤੋ ਦੁਕ੍ਖਤੋ ਰੋਗਤੋ ਗਣ੍ਡਤੋ ਸਲ੍ਲਤੋ ਅਘਤੋ ਆਬਾਧਤੋ ਪਰਤੋ ਪਲੋਕਤੋ ਸੁਞ੍ਞਤੋ ਅਨਤ੍ਤਤੋ ਯੋਨਿਸੋ ਮਨਸਿ ਕਾਤਬ੍ਬਾ। ਕਤਮੇ ਪਞ੍ਚ? ਸੇਯ੍ਯਥਿਦਂ – ਰੂਪੁਪਾਦਾਨਕ੍ਖਨ੍ਧੋ, વੇਦਨੁਪਾਦਾਨਕ੍ਖਨ੍ਧੋ, ਸਞ੍ਞੁਪਾਦਾਨਕ੍ਖਨ੍ਧੋ, ਸਙ੍ਖਾਰੁਪਾਦਾਨਕ੍ਖਨ੍ਧੋ, વਿਞ੍ਞਾਣੁਪਾਦਾਨਕ੍ਖਨ੍ਧੋ। ਸੀਲવਤਾવੁਸੋ, ਕੋਟ੍ਠਿਕ, ਭਿਕ੍ਖੁਨਾ ਇਮੇ ਪਞ੍ਚੁਪਾਦਾਨਕ੍ਖਨ੍ਧਾ ਅਨਿਚ੍ਚਤੋ ਦੁਕ੍ਖਤੋ ਰੋਗਤੋ ਗਣ੍ਡਤੋ ਸਲ੍ਲਤੋ ਅਘਤੋ ਆਬਾਧਤੋ ਪਰਤੋ ਪਲੋਕਤੋ ਸੁਞ੍ਞਤੋ ਅਨਤ੍ਤਤੋ ਯੋਨਿਸੋ ਮਨਸਿ ਕਾਤਬ੍ਬਾ। ਠਾਨਂ ਖੋ ਪਨੇਤਂ, ਆવੁਸੋ, વਿਜ੍ਜਤਿ ਯਂ ਸੀਲવਾ ਭਿਕ੍ਖੁ ਇਮੇ ਪਞ੍ਚੁਪਾਦਾਨਕ੍ਖਨ੍ਧੇ ਅਨਿਚ੍ਚਤੋ…ਪੇ॰… ਅਨਤ੍ਤਤੋ ਯੋਨਿਸੋ ਮਨਸਿ ਕਰੋਨ੍ਤੋ ਸੋਤਾਪਤ੍ਤਿਫਲਂ ਸਚ੍ਛਿਕਰੇਯ੍ਯਾ’’ਤਿ।
122. Ekaṃ samayaṃ āyasmā ca sāriputto āyasmā ca mahākoṭṭhiko 2 bārāṇasiyaṃ viharanti isipatane migadāye. Atha kho āyasmā mahākoṭṭhiko sāyanhasamayaṃ paṭisallānā vuṭṭhito yenāyasmā sāriputto tenupasaṅkami…pe… etadavoca – ‘‘sīlavatāvuso, sāriputta, bhikkhunā katame dhammā yoniso manasikātabbā’’ti? ‘‘Sīlavatāvuso, koṭṭhika, bhikkhunā pañcupādānakkhandhā aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā. Katame pañca? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. Sīlavatāvuso, koṭṭhika, bhikkhunā ime pañcupādānakkhandhā aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā. Ṭhānaṃ kho panetaṃ, āvuso, vijjati yaṃ sīlavā bhikkhu ime pañcupādānakkhandhe aniccato…pe… anattato yoniso manasi karonto sotāpattiphalaṃ sacchikareyyā’’ti.
‘‘ਸੋਤਾਪਨ੍ਨੇਨ ਪਨਾવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਕਤਮੇ ਧਮ੍ਮਾ ਯੋਨਿਸੋ ਮਨਸਿ ਕਾਤਬ੍ਬਾ’’ਤਿ? ‘‘ਸੋਤਾਪਨ੍ਨੇਨਪਿ ਖੋ, ਆવੁਸੋ ਕੋਟ੍ਠਿਕ, ਭਿਕ੍ਖੁਨਾ ਇਮੇ ਪਞ੍ਚੁਪਾਦਾਨਕ੍ਖਨ੍ਧਾ ਅਨਿਚ੍ਚਤੋ…ਪੇ॰… ਅਨਤ੍ਤਤੋ ਯੋਨਿਸੋ ਮਨਸਿ ਕਾਤਬ੍ਬਾ। ਠਾਨਂ ਖੋ ਪਨੇਤਂ, ਆવੁਸੋ, વਿਜ੍ਜਤਿ ਯਂ ਸੋਤਾਪਨ੍ਨੋ ਭਿਕ੍ਖੁ ਇਮੇ ਪਞ੍ਚੁਪਾਦਾਨਕ੍ਖਨ੍ਧੇ ਅਨਿਚ੍ਚਤੋ…ਪੇ॰… ਅਨਤ੍ਤਤੋ ਯੋਨਿਸੋ ਮਨਸਿ ਕਰੋਨ੍ਤੋ ਸਕਦਾਗਾਮਿਫਲਂ ਸਚ੍ਛਿਕਰੇਯ੍ਯਾ’’ਤਿ।
‘‘Sotāpannena panāvuso sāriputta, bhikkhunā katame dhammā yoniso manasi kātabbā’’ti? ‘‘Sotāpannenapi kho, āvuso koṭṭhika, bhikkhunā ime pañcupādānakkhandhā aniccato…pe… anattato yoniso manasi kātabbā. Ṭhānaṃ kho panetaṃ, āvuso, vijjati yaṃ sotāpanno bhikkhu ime pañcupādānakkhandhe aniccato…pe… anattato yoniso manasi karonto sakadāgāmiphalaṃ sacchikareyyā’’ti.
‘‘ਸਕਦਾਗਾਮਿਨਾ ਪਨਾવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਕਤਮੇ ਧਮ੍ਮਾ ਯੋਨਿਸੋ ਮਨਸਿ ਕਾਤਬ੍ਬਾ’’ਤਿ? ‘‘ਸਕਦਾਗਾਮਿਨਾਪਿ ਖੋ, ਆવੁਸੋ ਕੋਟ੍ਠਿਕ, ਭਿਕ੍ਖੁਨਾ ਇਮੇ ਪਞ੍ਚੁਪਾਦਾਨਕ੍ਖਨ੍ਧਾ ਅਨਿਚ੍ਚਤੋ…ਪੇ॰… ਅਨਤ੍ਤਤੋ ਯੋਨਿਸੋ ਮਨਸਿ ਕਾਤਬ੍ਬਾ। ਠਾਨਂ ਖੋ ਪਨੇਤਂ, ਆવੁਸੋ, વਿਜ੍ਜਤਿ ਯਂ ਸਕਦਾਗਾਮੀ ਭਿਕ੍ਖੁ ਇਮੇ ਪਞ੍ਚੁਪਾਦਾਨਕ੍ਖਨ੍ਧੇ ਅਨਿਚ੍ਚਤੋ…ਪੇ॰… ਅਨਤ੍ਤਤੋ ਯੋਨਿਸੋ ਮਨਸਿ ਕਰੋਨ੍ਤੋ ਅਨਾਗਾਮਿਫਲਂ ਸਚ੍ਛਿਕਰੇਯ੍ਯਾ’’ਤਿ।
‘‘Sakadāgāminā panāvuso sāriputta, bhikkhunā katame dhammā yoniso manasi kātabbā’’ti? ‘‘Sakadāgāmināpi kho, āvuso koṭṭhika, bhikkhunā ime pañcupādānakkhandhā aniccato…pe… anattato yoniso manasi kātabbā. Ṭhānaṃ kho panetaṃ, āvuso, vijjati yaṃ sakadāgāmī bhikkhu ime pañcupādānakkhandhe aniccato…pe… anattato yoniso manasi karonto anāgāmiphalaṃ sacchikareyyā’’ti.
‘‘ਅਨਾਗਾਮਿਨਾ ਪਨਾવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਕਤਮੇ ਧਮ੍ਮਾ ਯੋਨਿਸੋ ਮਨਸਿ ਕਾਤਬ੍ਬਾ’’ਤਿ? ‘‘ਅਨਾਗਾਮਿਨਾਪਿ ਖੋ, ਆવੁਸੋ ਕੋਟ੍ਠਿਕ, ਭਿਕ੍ਖੁਨਾ ਇਮੇ ਪਞ੍ਚੁਪਾਦਾਨਕ੍ਖਨ੍ਧਾ ਅਨਿਚ੍ਚਤੋ…ਪੇ॰… ਅਨਤ੍ਤਤੋ ਯੋਨਿਸੋ ਮਨਸਿ ਕਾਤਬ੍ਬਾ। ਠਾਨਂ ਖੋ ਪਨੇਤਂ, ਆવੁਸੋ, વਿਜ੍ਜਤਿ ਯਂ ਅਨਾਗਾਮੀ ਭਿਕ੍ਖੁ ਇਮੇ ਪਞ੍ਚੁਪਾਦਾਨਕ੍ਖਨ੍ਧੇ ਅਨਿਚ੍ਚਤੋ…ਪੇ॰… ਅਨਤ੍ਤਤੋ ਯੋਨਿਸੋ ਮਨਸਿ ਕਰੋਨ੍ਤੋ ਅਰਹਤ੍ਤਂ ਸਚ੍ਛਿਕਰੇਯ੍ਯਾ’’ਤਿ।
‘‘Anāgāminā panāvuso sāriputta, bhikkhunā katame dhammā yoniso manasi kātabbā’’ti? ‘‘Anāgāmināpi kho, āvuso koṭṭhika, bhikkhunā ime pañcupādānakkhandhā aniccato…pe… anattato yoniso manasi kātabbā. Ṭhānaṃ kho panetaṃ, āvuso, vijjati yaṃ anāgāmī bhikkhu ime pañcupādānakkhandhe aniccato…pe… anattato yoniso manasi karonto arahattaṃ sacchikareyyā’’ti.
‘‘ਅਰਹਤਾ ਪਨਾવੁਸੋ ਸਾਰਿਪੁਤ੍ਤ, ਕਤਮੇ ਧਮ੍ਮਾ ਯੋਨਿਸੋ ਮਨਸਿ ਕਾਤਬ੍ਬਾ’’ਤਿ? ‘‘ਅਰਹਤਾਪਿ ਖੋ, ਆવੁਸੋ ਕੋਟ੍ਠਿਕ, ਇਮੇ ਪਞ੍ਚੁਪਾਦਾਨਕ੍ਖਨ੍ਧੇ ਅਨਿਚ੍ਚਤੋ ਦੁਕ੍ਖਤੋ ਰੋਗਤੋ ਗਣ੍ਡਤੋ ਸਲ੍ਲਤੋ ਅਘਤੋ ਆਬਾਧਤੋ ਪਰਤੋ ਪਲੋਕਤੋ ਸੁਞ੍ਞਤੋ ਅਨਤ੍ਤਤੋ ਯੋਨਿਸੋ ਮਨਸਿ ਕਾਤਬ੍ਬਾ। ਨਤ੍ਥਿ, ਖ੍વਾવੁਸੋ, ਅਰਹਤੋ ਉਤ੍ਤਰਿ ਕਰਣੀਯਂ ਕਤਸ੍ਸ વਾ ਪਤਿਚਯੋ ; ਅਪਿ ਚ ਇਮੇ ਧਮ੍ਮਾ ਭਾવਿਤਾ ਬਹੁਲੀਕਤਾ ਦਿਟ੍ਠਧਮ੍ਮਸੁਖવਿਹਾਰਾ ਚੇવ ਸਂવਤ੍ਤਨ੍ਤਿ ਸਤਿਸਮ੍ਪਜਞ੍ਞਾ ਚਾ’’ਤਿ। ਦਸਮਂ।
‘‘Arahatā panāvuso sāriputta, katame dhammā yoniso manasi kātabbā’’ti? ‘‘Arahatāpi kho, āvuso koṭṭhika, ime pañcupādānakkhandhe aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā. Natthi, khvāvuso, arahato uttari karaṇīyaṃ katassa vā paticayo ; api ca ime dhammā bhāvitā bahulīkatā diṭṭhadhammasukhavihārā ceva saṃvattanti satisampajaññā cā’’ti. Dasamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਸੀਲવਨ੍ਤਸੁਤ੍ਤવਣ੍ਣਨਾ • 10. Sīlavantasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਸੀਲવਨ੍ਤਸੁਤ੍ਤવਣ੍ਣਨਾ • 10. Sīlavantasuttavaṇṇanā
