| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១០. ទសមវគ្គោ
10. Dasamavaggo
(១០២) ៨. សីលំ ន ចិត្តានុបរិវត្តីតិកថា
(102) 8. Sīlaṃ na cittānuparivattītikathā
៥៩៥. សីលំ ន ចិត្តានុបរិវត្តីតិ? អាមន្តា។ រូបំ… និព្ពានំ… ចក្ខាយតនំ…បេ.… ផោដ្ឋព្ពាយតនន្តិ? ន ហេវំ វត្តព្ពេ…បេ.… សីលំ ន ចិត្តានុបរិវត្តីតិ? អាមន្តា។ ផស្សោ ន ចិត្តានុបរិវត្តីតិ? ន ហេវំ វត្តព្ពេ…បេ.… សីលំ ន ចិត្តានុបរិវត្តីតិ? អាមន្តា។ វេទនា…បេ.… សញ្ញា… ចេតនា… សទ្ធា… វីរិយំ… សតិ… សមាធិ…បេ.… បញ្ញា ន ចិត្តានុបរិវត្តីតិ? ន ហេវំ វត្តព្ពេ…បេ.…។
595. Sīlaṃ na cittānuparivattīti? Āmantā. Rūpaṃ… nibbānaṃ… cakkhāyatanaṃ…pe… phoṭṭhabbāyatananti? Na hevaṃ vattabbe…pe… sīlaṃ na cittānuparivattīti? Āmantā. Phasso na cittānuparivattīti? Na hevaṃ vattabbe…pe… sīlaṃ na cittānuparivattīti? Āmantā. Vedanā…pe… saññā… cetanā… saddhā… vīriyaṃ… sati… samādhi…pe… paññā na cittānuparivattīti? Na hevaṃ vattabbe…pe….
ផស្សោ ចិត្តានុបរិវត្តីតិ? អាមន្តា។ សីលំ ចិត្តានុបរិវត្តីតិ? ន ហេវំ វត្តព្ពេ…បេ.… វេទនា…បេ.… សញ្ញា… ចេតនា … សទ្ធា… វីរិយំ… សតិ… សមាធិ…បេ.… បញ្ញា ចិត្តានុបរិវត្តីតិ? អាមន្តា។ សីលំ ចិត្តានុបរិវត្តីតិ? ន ហេវំ វត្តព្ពេ…បេ.…។
Phasso cittānuparivattīti? Āmantā. Sīlaṃ cittānuparivattīti? Na hevaṃ vattabbe…pe… vedanā…pe… saññā… cetanā … saddhā… vīriyaṃ… sati… samādhi…pe… paññā cittānuparivattīti? Āmantā. Sīlaṃ cittānuparivattīti? Na hevaṃ vattabbe…pe….
៥៩៦. សម្មាវាចា ន ចិត្តានុបរិវត្តីតិ? អាមន្តា។ សម្មាទិដ្ឋិ ន ចិត្តានុបរិវត្តីតិ? ន ហេវំ វត្តព្ពេ…បេ.… សម្មាវាចា ន ចិត្តានុបរិវត្តីតិ? អាមន្តា។ សម្មាសង្កប្បោ… សម្មាវាយាមោ… សម្មាសតិ…បេ.… សម្មាសមាធិ ន ចិត្តានុបរិវត្តីតិ? ន ហេវំ វត្តព្ពេ…បេ.…។
596. Sammāvācā na cittānuparivattīti? Āmantā. Sammādiṭṭhi na cittānuparivattīti? Na hevaṃ vattabbe…pe… sammāvācā na cittānuparivattīti? Āmantā. Sammāsaṅkappo… sammāvāyāmo… sammāsati…pe… sammāsamādhi na cittānuparivattīti? Na hevaṃ vattabbe…pe….
សម្មាកម្មន្តោ…បេ.… សម្មាអាជីវោ ន ចិត្តានុបរិវត្តីតិ? អាមន្តា ។ សម្មាទិដ្ឋិ ន ចិត្តានុបរិវត្តីតិ? ន ហេវំ វត្តព្ពេ…បេ.… សម្មាអាជីវោ ន ចិត្តានុបរិវត្តីតិ ? អាមន្តា។ សម្មាសង្កប្បោ… សម្មាវាយាមោ… សម្មាសតិ…បេ.… សម្មាសមាធិ ន ចិត្តានុបរិវត្តីតិ? ន ហេវំ វត្តព្ពេ…បេ.…។
Sammākammanto…pe… sammāājīvo na cittānuparivattīti? Āmantā . Sammādiṭṭhi na cittānuparivattīti? Na hevaṃ vattabbe…pe… sammāājīvo na cittānuparivattīti ? Āmantā. Sammāsaṅkappo… sammāvāyāmo… sammāsati…pe… sammāsamādhi na cittānuparivattīti? Na hevaṃ vattabbe…pe….
សម្មាទិដ្ឋិ ចិត្តានុបរិវត្តីតិ? អាមន្តា។ សម្មាវាចា ចិត្តានុបរិវត្តីតិ? ន ហេវំ វត្តព្ពេ…បេ.… សម្មាទិដ្ឋិ ចិត្តានុបរិវត្តីតិ? អាមន្តា។ សម្មាកម្មន្តោ…បេ.… សម្មាអាជីវោ ចិត្តានុបរិវត្តីតិ? ន ហេវំ វត្តព្ពេ…បេ.…។
Sammādiṭṭhi cittānuparivattīti? Āmantā. Sammāvācā cittānuparivattīti? Na hevaṃ vattabbe…pe… sammādiṭṭhi cittānuparivattīti? Āmantā. Sammākammanto…pe… sammāājīvo cittānuparivattīti? Na hevaṃ vattabbe…pe….
សម្មាសង្កប្បោ … សម្មាវាយាមោ… សម្មាសតិ…បេ.… សម្មាសមាធិ ចិត្តានុបរិវត្តីតិ? អាមន្តា។ សម្មាវាចា ចិត្តានុបរិវត្តីតិ? ន ហេវំ វត្តព្ពេ…បេ.… សម្មាសមាធិ ចិត្តានុបរិវត្តីតិ? អាមន្តា។ សម្មាកម្មន្តោ…បេ.… សម្មាអាជីវោ ចិត្តានុបរិវត្តីតិ ? ន ហេវំ វត្តព្ពេ…បេ.…។
Sammāsaṅkappo … sammāvāyāmo… sammāsati…pe… sammāsamādhi cittānuparivattīti? Āmantā. Sammāvācā cittānuparivattīti? Na hevaṃ vattabbe…pe… sammāsamādhi cittānuparivattīti? Āmantā. Sammākammanto…pe… sammāājīvo cittānuparivattīti ? Na hevaṃ vattabbe…pe….
៥៩៧. ន វត្តព្ពំ – ‘‘សីលំ ន ចិត្តានុបរិវត្តី’’តិ? អាមន្តា។ សីលេ ឧប្បជ្ជិត្វា និរុទ្ធេ ទុស្សីលោ ហោតីតិ? ន ហេវំ វត្តព្ពេ។ តេន ហិ សីលំ ន ចិត្តានុបរិវត្តីតិ។
597. Na vattabbaṃ – ‘‘sīlaṃ na cittānuparivattī’’ti? Āmantā. Sīle uppajjitvā niruddhe dussīlo hotīti? Na hevaṃ vattabbe. Tena hi sīlaṃ na cittānuparivattīti.
សីលំ ន ចិត្តានុបរិវត្តីតិកថា និដ្ឋិតា។
Sīlaṃ na cittānuparivattītikathā niṭṭhitā.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៨. សីលំ ន ចិត្តានុបរិវត្តីតិកថាវណ្ណនា • 8. Sīlaṃ na cittānuparivattītikathāvaṇṇanā
