| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౫. పఞ్చమపణ్ణాసకం
5. Pañcamapaṇṇāsakaṃ
(౨౧) ౧. సప్పురిసవగ్గో
(21) 1. Sappurisavaggo
౧-౬. సిక్ఖాపదసుత్తవణ్ణనా
1-6. Sikkhāpadasuttavaṇṇanā
౨౦౧. పఞ్చమస్స పఠమే అసప్పురిసన్తి లామకపురిసం తుచ్ఛపురిసం మూళ్హపురిసం అవిజ్జాయ అన్ధీకతం బాలం. అసప్పురిసతరన్తి అతిరేకేన అసప్పురిసం. ఇతరే ద్వే వుత్తపటిపక్ఖవసేన వేదితబ్బా. సేసమేత్థ ఉత్తానత్థమేవ. యథా చేత్థ, ఏవం ఇతో పరేసు పఞ్చసు. ఏతేసు హి పఠమం పఞ్చవేరవసేన దేసితం, దుతియం అస్సద్ధమ్మవసేన, తతియం కాయవచీద్వారవసేన, చతుత్థం మనోద్వారవసేన, పఞ్చమం అట్ఠమిచ్ఛత్తవసేన, ఛట్ఠం దసమిచ్ఛత్తవసేన.
201. Pañcamassa paṭhame asappurisanti lāmakapurisaṃ tucchapurisaṃ mūḷhapurisaṃ avijjāya andhīkataṃ bālaṃ. Asappurisataranti atirekena asappurisaṃ. Itare dve vuttapaṭipakkhavasena veditabbā. Sesamettha uttānatthameva. Yathā cettha, evaṃ ito paresu pañcasu. Etesu hi paṭhamaṃ pañcaveravasena desitaṃ, dutiyaṃ assaddhammavasena, tatiyaṃ kāyavacīdvāravasena, catutthaṃ manodvāravasena, pañcamaṃ aṭṭhamicchattavasena, chaṭṭhaṃ dasamicchattavasena.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧. సిక్ఖాపదసుత్తం • 1. Sikkhāpadasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. సిక్ఖాపదసుత్తాదివణ్ణనా • 1-10. Sikkhāpadasuttādivaṇṇanā
