| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༤༢. སིཀྑཱཔདཀཐཱ
42. Sikkhāpadakathā
༡༠༦. ཨཐ ཁོ སཱམཎེརཱནཾ ཨེཏདཧོསི – ‘‘ཀཏི ནུ ཁོ ཨམྷཱཀཾ སིཀྑཱཔདཱནི, ཀཏྠ ཙ ཨམྷེཧི སིཀྑིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ…པེ॰… ཨནུཛཱནཱམི, བྷིཀྑཝེ, སཱམཎེརཱནཾ དས སིཀྑཱཔདཱནི, ཏེསུ ཙ སཱམཎེརེཧི སིཀྑིཏུཾ – པཱཎཱཏིཔཱཏཱ ཝེརམཎཱི 1, ཨདིནྣཱདཱནཱ ཝེརམཎཱི, ཨབྲཧྨཙརིཡཱ ཝེརམཎཱི, མུསཱཝཱདཱ ཝེརམཎཱི, སུརཱམེརཡམཛྫཔམཱདཊྛཱནཱ ཝེརམཎཱི, ཝིཀཱལབྷོཛནཱ ཝེརམཎཱི, ནཙྩགཱིཏཝཱདིཏཝིསཱུཀདསྶནཱ ཝེརམཎཱི, མཱལཱགནྡྷཝིལེཔནདྷཱརཎམཎྜནཝིབྷཱུསནཊྛཱནཱ ཝེརམཎཱི , ཨུཙྩཱསཡནམཧཱསཡནཱ ཝེརམཎཱི, ཛཱཏརཱུཔརཛཏཔཊིགྒཧཎཱ ཝེརམཎཱི། ཨནུཛཱནཱམི, བྷིཀྑཝེ, སཱམཎེརཱནཾ ཨིམཱནི དས སིཀྑཱཔདཱནི, ཨིམེསུ ཙ སཱམཎེརེཧི སིཀྑིཏུནྟི།
106. Atha kho sāmaṇerānaṃ etadahosi – ‘‘kati nu kho amhākaṃ sikkhāpadāni, kattha ca amhehi sikkhitabba’’nti? Bhagavato etamatthaṃ ārocesuṃ…pe… anujānāmi, bhikkhave, sāmaṇerānaṃ dasa sikkhāpadāni, tesu ca sāmaṇerehi sikkhituṃ – pāṇātipātā veramaṇī 2, adinnādānā veramaṇī, abrahmacariyā veramaṇī, musāvādā veramaṇī, surāmerayamajjapamādaṭṭhānā veramaṇī, vikālabhojanā veramaṇī, naccagītavāditavisūkadassanā veramaṇī, mālāgandhavilepanadhāraṇamaṇḍanavibhūsanaṭṭhānā veramaṇī , uccāsayanamahāsayanā veramaṇī, jātarūparajatapaṭiggahaṇā veramaṇī. Anujānāmi, bhikkhave, sāmaṇerānaṃ imāni dasa sikkhāpadāni, imesu ca sāmaṇerehi sikkhitunti.
སིཀྑཱཔདཀཐཱ ནིཊྛིཏཱ།
Sikkhāpadakathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / སིཀྑཱཔདདཎྜཀམྨཝཏྠུཀཐཱ • Sikkhāpadadaṇḍakammavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / སིཀྑཱཔདདཎྜཀམྨཝཏྠུཀཐཱཝཎྞནཱ • Sikkhāpadadaṇḍakammavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སིཀྑཱཔདདཎྜཀམྨཝཏྠུཀཐཱཝཎྞནཱ • Sikkhāpadadaṇḍakammavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤༢. སིཀྑཱཔདདཎྜཀམྨཝཏྠུཀཐཱ • 42. Sikkhāpadadaṇḍakammavatthukathā
