| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(৭) ২. সতিপট্ঠানৰগ্গো
(7) 2. Satipaṭṭhānavaggo
১. সিক্খাদুব্বল্যসুত্তং
1. Sikkhādubbalyasuttaṃ
৬৩. ‘‘পঞ্চিমানি , ভিক্খৰে, সিক্খাদুব্বল্যানি। কতমানি পঞ্চ? পাণাতিপাতো, অদিন্নাদানং, কামেসুমিচ্ছাচারো, মুসাৰাদো, সুরামেরযমজ্জপমাদট্ঠানং – ইমানি খো, ভিক্খৰে, পঞ্চ সিক্খাদুব্বল্যানি।
63. ‘‘Pañcimāni , bhikkhave, sikkhādubbalyāni. Katamāni pañca? Pāṇātipāto, adinnādānaṃ, kāmesumicchācāro, musāvādo, surāmerayamajjapamādaṭṭhānaṃ – imāni kho, bhikkhave, pañca sikkhādubbalyāni.
‘‘ইমেসং খো, ভিক্খৰে, পঞ্চন্নং সিক্খাদুব্বল্যানং পহানায চত্তারো সতিপট্ঠানা ভাৰেতব্বা। কতমে চত্তারো? ইধ, ভিক্খৰে, ভিক্খু কাযে কাযানুপস্সী ৰিহরতি আতাপী সম্পজানো সতিমা ৰিনেয্য লোকে অভিজ্ঝাদোমনস্সং; ৰেদনাসু…পে॰… চিত্তে…পে॰… ধম্মেসু ধম্মানুপস্সী ৰিহরতি আতাপী সম্পজানো সতিমা ৰিনেয্য লোকে অভিজ্ঝাদোমনস্সং। ইমেসং খো, ভিক্খৰে, পঞ্চন্নং সিক্খাদুব্বল্যানং পহানায ইমে চত্তারো সতিপট্ঠানা ভাৰেতব্বা’’তি। পঠমং।
‘‘Imesaṃ kho, bhikkhave, pañcannaṃ sikkhādubbalyānaṃ pahānāya cattāro satipaṭṭhānā bhāvetabbā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Imesaṃ kho, bhikkhave, pañcannaṃ sikkhādubbalyānaṃ pahānāya ime cattāro satipaṭṭhānā bhāvetabbā’’ti. Paṭhamaṃ.
