| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫-੧੦. ਸਿਖੀਸੁਤ੍ਤਾਦਿવਣ੍ਣਨਾ
5-10. Sikhīsuttādivaṇṇanā
੫-੧੦. ਪਞ੍ਚਮਾਦੀਸੁ ਸਿਖਿਸ੍ਸ, ਭਿਕ੍ਖવੇਤਿਆਦੀਨਂ ਪਦਾਨਂ ‘‘ਸਿਖਿਸ੍ਸਪਿ, ਭਿਕ੍ਖવੇ’’ਤਿ ਨ ਏવਂ ਯੋਜੇਤ੍વਾ ਅਤ੍ਥੋ વੇਦਿਤਬ੍ਬੋ। ਕਸ੍ਮਾ? ਏਕਾਸਨੇ ਅਦੇਸਿਤਤ੍ਤਾ। ਨਾਨਾਠਾਨੇਸੁ ਹਿ ਏਤਾਨਿ ਦੇਸਿਤਾਨਿ, ਅਤ੍ਥੋ ਪਨ ਸਬ੍ਬਤ੍ਥ ਸਦਿਸੋਯੇવ। ਸਬ੍ਬਬੋਧਿਸਤ੍ਤਾਨਞ੍ਹਿ ਬੋਧਿਪਲ੍ਲਙ੍ਕੇ ਨਿਸਿਨ੍ਨਾਨਂ ਨ ਅਞ੍ਞੋ ਸਮਣੋ વਾ ਬ੍ਰਾਹ੍ਮਣੋ વਾ ਦੇવੋ વਾ ਮਾਰੋ વਾ ਬ੍ਰਹ੍ਮਾ વਾ ਆਚਿਕ੍ਖਤਿ – ‘‘ਅਤੀਤੇ ਬੋਧਿਸਤ੍ਤਾ ਪਚ੍ਚਯਾਕਾਰਂ ਸਮ੍ਮਸਿਤ੍વਾ ਬੁਦ੍ਧਾ ਜਾਤਾ’’ਤਿ। ਯਥਾ ਪਨ ਪਠਮਕਪ੍ਪਿਕਕਾਲੇ ਦੇવੇ વੁਟ੍ਠੇ ਉਦਕਸ੍ਸ ਗਤਮਗ੍ਗੇਨੇવ ਅਪਰਾਪਰਂ વੁਟ੍ਠਿਉਦਕਂ ਗਚ੍ਛਤਿ, ਏવਂ ਤੇਹਿ ਤੇਹਿ ਪੁਰਿਮਬੁਦ੍ਧੇਹਿ ਗਤਮਗ੍ਗੇਨੇવ ਪਚ੍ਛਿਮਾ ਪਚ੍ਛਿਮਾ ਗਚ੍ਛਨ੍ਤਿ। ਸਬ੍ਬਬੋਧਿਸਤ੍ਤਾ ਹਿ ਆਨਾਪਾਨਚਤੁਤ੍ਥਜ੍ਝਾਨਤੋ વੁਟ੍ਠਾਯ ਪਚ੍ਚਯਾਕਾਰੇ ਞਾਣਂ ਓਤਾਰੇਤ੍વਾ ਤਂ ਅਨੁਲੋਮਪਟਿਲੋਮਂ ਸਮ੍ਮਸਿਤ੍વਾ ਬੁਦ੍ਧਾ ਹੋਨ੍ਤੀਤਿ ਪਟਿਪਾਟਿਯਾ ਸਤ੍ਤਸੁ ਸੁਤ੍ਤੇਸੁ ਬੁਦ੍ਧવਿਪਸ੍ਸਨਾ ਨਾਮ ਕਥਿਤਾਤਿ।
5-10. Pañcamādīsu sikhissa, bhikkhavetiādīnaṃ padānaṃ ‘‘sikhissapi, bhikkhave’’ti na evaṃ yojetvā attho veditabbo. Kasmā? Ekāsane adesitattā. Nānāṭhānesu hi etāni desitāni, attho pana sabbattha sadisoyeva. Sabbabodhisattānañhi bodhipallaṅke nisinnānaṃ na añño samaṇo vā brāhmaṇo vā devo vā māro vā brahmā vā ācikkhati – ‘‘atīte bodhisattā paccayākāraṃ sammasitvā buddhā jātā’’ti. Yathā pana paṭhamakappikakāle deve vuṭṭhe udakassa gatamaggeneva aparāparaṃ vuṭṭhiudakaṃ gacchati, evaṃ tehi tehi purimabuddhehi gatamaggeneva pacchimā pacchimā gacchanti. Sabbabodhisattā hi ānāpānacatutthajjhānato vuṭṭhāya paccayākāre ñāṇaṃ otāretvā taṃ anulomapaṭilomaṃ sammasitvā buddhā hontīti paṭipāṭiyā sattasu suttesu buddhavipassanā nāma kathitāti.
ਬੁਦ੍ਧવਗ੍ਗੋ ਪਠਮੋ।
Buddhavaggo paṭhamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੫. ਸਿਖੀਸੁਤ੍ਤਂ • 5. Sikhīsuttaṃ
੬. વੇਸ੍ਸਭੂਸੁਤ੍ਤਂ • 6. Vessabhūsuttaṃ
੭. ਕਕੁਸਨ੍ਧਸੁਤ੍ਤਂ • 7. Kakusandhasuttaṃ
੮. ਕੋਣਾਗਮਨਸੁਤ੍ਤਂ • 8. Koṇāgamanasuttaṃ
੯. ਕਸ੍ਸਪਸੁਤ੍ਤਂ • 9. Kassapasuttaṃ
੧੦. ਗੋਤਮਸੁਤ੍ਤਂ • 10. Gotamasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫-੧੦. ਸਿਖੀਸੁਤ੍ਤਾਦਿવਣ੍ਣਨਾ • 5-10. Sikhīsuttādivaṇṇanā
