| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. សីហាសនទាយកត្ថេរអបទានំ
5. Sīhāsanadāyakattheraapadānaṃ
២១.
21.
‘‘និព្ពុតេ លោកនាថម្ហិ, បទុមុត្តរនាយកេ;
‘‘Nibbute lokanāthamhi, padumuttaranāyake;
បសន្នចិត្តោ សុមនោ, សីហាសនមទាសហំ។
Pasannacitto sumano, sīhāsanamadāsahaṃ.
២២.
22.
‘‘ពហូហិ គន្ធមាលេហិ, ទិដ្ឋធម្មសុខាវហេ;
‘‘Bahūhi gandhamālehi, diṭṭhadhammasukhāvahe;
តត្ថ បូជញ្ច កត្វាន, និព្ពាយតិ ពហុជ្ជនោ។
Tattha pūjañca katvāna, nibbāyati bahujjano.
២៣.
23.
‘‘បសន្នចិត្តោ សុមនោ, វន្ទិត្វា ពោធិមុត្តមំ;
‘‘Pasannacitto sumano, vanditvā bodhimuttamaṃ;
កប្បានំ សតសហស្សំ, ទុគ្គតិំ នុបបជ្ជហំ។
Kappānaṃ satasahassaṃ, duggatiṃ nupapajjahaṃ.
២៤.
24.
សិលុច្ចយសនាមា ច, រាជានោ ចក្កវត្តិនោ។
Siluccayasanāmā ca, rājāno cakkavattino.
២៥.
25.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សីហាសនទាយកោ ថេរោ ឥមា គាថាយោ អភាសិត្ថាតិ;
Itthaṃ sudaṃ āyasmā sīhāsanadāyako thero imā gāthāyo abhāsitthāti;
សីហាសនទាយកត្ថេរស្សាបទានំ បញ្ចមំ។
Sīhāsanadāyakattherassāpadānaṃ pañcamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៥. សីហាសនទាយកត្ថេរអបទានវណ្ណនា • 5. Sīhāsanadāyakattheraapadānavaṇṇanā
