| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༢. སཱིཧནཱདཝགྒོ
2. Sīhanādavaggo
༡. སཱིཧནཱདསུཏྟཝཎྞནཱ
1. Sīhanādasuttavaṇṇanā
༡༡. དུཏིཡསྶ པཋམེ ཨཝཱཔུརེནྟི ཝིཝརནྟི དྭཱརཾ ཨེཏེནཱཏི ཨཝཱཔུརཎཾ། རཛཾ ཧརནྟི ཨེཏེནཱཏི རཛོཧརཎཾ། ཀལོ༹པིཧཏྠོཏི ཝིལཱིཝམཡབྷཱཛནཧཏྠོ, ‘‘ཙམྨམཡབྷཱཛནཧཏྠོ’’ཏི ཙ ཝདནྟི། ཚིནྣཱནི ཝིསཱཎཱནི ཨེཏསྶཱཏི ཚིནྣཝིསཱཎོ, ཨུསབྷོ ཙ སོ ཚིནྣཝིསཱཎོ ཙཱཏི ཨུསབྷཚིནྣཝིསཱཎོ། ཝིསེསནཔརོཡཾ སམཱསོ། ཨཧིཀུཎཔེན ཝཱཏིཨཱདི ཨཏིཛེགུཙྪཔྤཊིཀཱུལཀུཎཔདསྶནཏྠཾ ཝུཏྟཾ། ཀཎྛེ ཨཱསཏྟེནཱཏི ཀེནཙིདེཝ པཙྩཏྠིཀེན ཨཱནེཏྭཱ ཀཎྛེ བདྡྷེན, ཨོམུཀྐེནཱཏི ཨཏྠོ། ཨཊྚོ ཨཱཏུརོ དུགྒནྡྷཔཱིལཱ༹ཡ པཱིལི༹ཏོ། ཨཙྩཡསྶ པཊིགྒཎྷནཾ ཝཱ ཨདྷིཝཱསནཾ། ཨེཝཉྷི སོ ཀཱརཎེ དེསིཡམཱནེ ཏཏོ ཝིགཏོ ནཱམ ཧོཏི། ཏེནཱཧ ‘‘པཊིགྒཎྷཏཱུཏི ཁམཏཱུ’’ཏི། སེསམེཏྠ སུཝིཉྙེཡྻམེཝ།
11. Dutiyassa paṭhame avāpurenti vivaranti dvāraṃ etenāti avāpuraṇaṃ. Rajaṃ haranti etenāti rajoharaṇaṃ. Kaḷopihatthoti vilīvamayabhājanahattho, ‘‘cammamayabhājanahattho’’ti ca vadanti. Chinnāni visāṇāni etassāti chinnavisāṇo, usabho ca so chinnavisāṇo cāti usabhachinnavisāṇo. Visesanaparoyaṃ samāso. Ahikuṇapena vātiādi atijegucchappaṭikūlakuṇapadassanatthaṃ vuttaṃ. Kaṇṭhe āsattenāti kenacideva paccatthikena ānetvā kaṇṭhe baddhena, omukkenāti attho. Aṭṭo āturo duggandhapīḷāya pīḷito. Accayassa paṭiggaṇhanaṃ vā adhivāsanaṃ. Evañhi so kāraṇe desiyamāne tato vigato nāma hoti. Tenāha ‘‘paṭiggaṇhatūti khamatū’’ti. Sesamettha suviññeyyameva.
སཱིཧནཱདསུཏྟཝཎྞནཱ ནིཊྛིཏཱ།
Sīhanādasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. སཱིཧནཱདསུཏྟཾ • 1. Sīhanādasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. སཱིཧནཱདསུཏྟཝཎྞནཱ • 1. Sīhanādasuttavaṇṇanā
