| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
২. সীহনাদৰগ্গো
2. Sīhanādavaggo
১. সীহনাদসুত্তৰণ্ণনা
1. Sīhanādasuttavaṇṇanā
১১. দুতিযস্স পঠমে অৰাপুরেন্তি ৰিৰরন্তি দ্ৰারং এতেনাতি অৰাপুরণং। রজং হরন্তি এতেনাতি রজোহরণং। কল়োপিহত্থোতি ৰিলীৰমযভাজনহত্থো, ‘‘চম্মমযভাজনহত্থো’’তি চ ৰদন্তি। ছিন্নানি ৰিসাণানি এতস্সাতি ছিন্নৰিসাণো, উসভো চ সো ছিন্নৰিসাণো চাতি উসভছিন্নৰিসাণো। ৰিসেসনপরোযং সমাসো। অহিকুণপেন ৰাতিআদি অতিজেগুচ্ছপ্পটিকূলকুণপদস্সনত্থং ৰুত্তং। কণ্ঠে আসত্তেনাতি কেনচিদেৰ পচ্চত্থিকেন আনেত্ৰা কণ্ঠে বদ্ধেন, ওমুক্কেনাতি অত্থো। অট্টো আতুরো দুগ্গন্ধপীল়ায পীল়িতো। অচ্চযস্স পটিগ্গণ্হনং ৰা অধিৰাসনং। এৰঞ্হি সো কারণে দেসিযমানে ততো ৰিগতো নাম হোতি। তেনাহ ‘‘পটিগ্গণ্হতূতি খমতূ’’তি। সেসমেত্থ সুৰিঞ্ঞেয্যমেৰ।
11. Dutiyassa paṭhame avāpurenti vivaranti dvāraṃ etenāti avāpuraṇaṃ. Rajaṃ haranti etenāti rajoharaṇaṃ. Kaḷopihatthoti vilīvamayabhājanahattho, ‘‘cammamayabhājanahattho’’ti ca vadanti. Chinnāni visāṇāni etassāti chinnavisāṇo, usabho ca so chinnavisāṇo cāti usabhachinnavisāṇo. Visesanaparoyaṃ samāso. Ahikuṇapena vātiādi atijegucchappaṭikūlakuṇapadassanatthaṃ vuttaṃ. Kaṇṭhe āsattenāti kenacideva paccatthikena ānetvā kaṇṭhe baddhena, omukkenāti attho. Aṭṭo āturo duggandhapīḷāya pīḷito. Accayassa paṭiggaṇhanaṃ vā adhivāsanaṃ. Evañhi so kāraṇe desiyamāne tato vigato nāma hoti. Tenāha ‘‘paṭiggaṇhatūti khamatū’’ti. Sesamettha suviññeyyameva.
সীহনাদসুত্তৰণ্ণনা নিট্ঠিতা।
Sīhanādasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. সীহনাদসুত্তং • 1. Sīhanādasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. সীহনাদসুত্তৰণ্ণনা • 1. Sīhanādasuttavaṇṇanā
