| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
18. сид̣̇д̇хад̇т̇аб̣уд̣̇д̇хавам̣со
18. Siddhatthabuddhavaṃso
1.
1.
д̇хаммад̣̇ассисса абарзна, сид̣̇д̇хад̇т̇о наама нааяаго;
Dhammadassissa aparena, siddhattho nāma nāyako;
ниханид̇ваа д̇амам̣ саб̣б̣ам̣, суурияо аб̣бхуг̇г̇ад̇о яат̇аа.
Nihanitvā tamaṃ sabbaṃ, sūriyo abbhuggato yathā.
2.
2.
соби бад̇ваана самб̣од̇хим̣, санд̇аарзнд̇о сад̣̇звагам̣;
Sopi patvāna sambodhiṃ, santārento sadevakaṃ;
абхивасси д̇хаммамзгхзна, ниб̣б̣аабзнд̇о сад̣̇звагам̣.
Abhivassi dhammameghena, nibbāpento sadevakaṃ.
3.
3.
д̇ассааби ад̇улад̇зж̇асса, ахзсум̣ абхисамаяаа д̇аяо;
Tassāpi atulatejassa, ahesuṃ abhisamayā tayo;
годисад̇асахассаанам̣, батамаабхисамаяо аху.
Koṭisatasahassānaṃ, paṭhamābhisamayo ahu.
4.
4.
бунаабарам̣ бхиймарат̇з 1, яад̣̇аа аахани д̣̇унд̣̇убхим̣;
Punāparaṃ bhīmarathe 2, yadā āhani dundubhiṃ;
д̇ад̣̇аа навуд̇игодийнам̣, д̣̇уд̇ияаабхисамаяо аху.
Tadā navutikoṭīnaṃ, dutiyābhisamayo ahu.
5.
5.
яад̣̇аа б̣уд̣̇д̇хо д̇хаммам̣ д̣̇зсзси, взбхаарз со буруд̇д̇амз;
Yadā buddho dhammaṃ desesi, vebhāre so puruttame;
д̇ад̣̇аа навуд̇игодийнам̣, д̇ад̇ияаабхисамаяо аху.
Tadā navutikoṭīnaṃ, tatiyābhisamayo ahu.
6.
6.
саннибаад̇аа д̇аяо аасум̣, д̇асмимби д̣̇вибад̣̇уд̇д̇амз;
Sannipātā tayo āsuṃ, tasmimpi dvipaduttame;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
7.
7.
годисад̇аанам̣ навуд̇ийнам̣ 3, асийд̇ияааби жа годинам̣;
Koṭisatānaṃ navutīnaṃ 4, asītiyāpi ca koṭinaṃ;
зд̇з аасум̣ д̇аяо таанаа, вималаанам̣ самааг̇амз.
Ete āsuṃ tayo ṭhānā, vimalānaṃ samāgame.
8.
8.
ахам̣ д̇зна самаязна, ман̇г̇ало наама д̇аабасо;
Ahaṃ tena samayena, maṅgalo nāma tāpaso;
уг̇г̇ад̇зж̇о д̣̇уббасахо, абхин̃н̃ааб̣аласамаахид̇о.
Uggatejo duppasaho, abhiññābalasamāhito.
9.
9.
ж̇амб̣уд̇о паламаанзд̇ваа 5 сид̣̇д̇хад̇т̇асса ад̣̇аасахам̣;
Jambuto phalamānetvā 6 siddhatthassa adāsahaṃ;
бадиг̇г̇ахзд̇ваа самб̣уд̣̇д̇хо, ид̣̇ам̣ важанамаб̣рави.
Paṭiggahetvā sambuddho, idaṃ vacanamabravi.
10.
10.
‘‘бассат̇а имам̣ д̇аабасам̣, ж̇адилам̣ уг̇г̇ад̇аабанам̣;
‘‘Passatha imaṃ tāpasaṃ, jaṭilaṃ uggatāpanaṃ;
жад̇уннавуд̇ид̇о габбз, аяам̣ б̣уд̣̇д̇хо бхависсад̇и.
Catunnavutito kappe, ayaṃ buddho bhavissati.
11.
11.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
12.
12.
д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
13.
13.
взбхаарам̣ наама наг̇арам̣, уд̣̇зно наама кад̇д̇ияо;
Vebhāraṃ nāma nagaraṃ, udeno nāma khattiyo;
супассаа наама ж̇анигаа, сид̣̇д̇хад̇т̇асса махзсино.
Suphassā nāma janikā, siddhatthassa mahesino.
14.
14.
д̣̇асавассасахассаани , аг̇аарам̣ аж̇жха со васи;
Dasavassasahassāni , agāraṃ ajjha so vasi;
гогаасуббалагоганад̣̇аа, д̇аяо баасаад̣̇амуд̇д̇амаа.
Kokāsuppalakokanadā, tayo pāsādamuttamā.
15.
15.
д̇исол̣асасахассаани, наарияо самалан̇гад̇аа;
Tisoḷasasahassāni, nāriyo samalaṅkatā;
соманассаа наама саа наарий, анубамо наама ад̇раж̇о.
Somanassā nāma sā nārī, anupamo nāma atrajo.
16.
16.
нимид̇д̇з жад̇уро д̣̇исваа, сивигааяаабхинигками;
Nimitte caturo disvā, sivikāyābhinikkhami;
ануунад̣̇асамаасаани, бад̇хаанам̣ бад̣̇ахий ж̇ино.
Anūnadasamāsāni, padhānaṃ padahī jino.
17.
17.
б̣рахмунаа яаажид̇о санд̇о, сид̣̇д̇хад̇т̇о логанааяаго;
Brahmunā yācito santo, siddhattho lokanāyako;
вад̇д̇и жаггам̣ махаавийро, миг̇ад̣̇ааяз наруд̇д̇амо.
Vatti cakkaṃ mahāvīro, migadāye naruttamo.
18.
18.
самб̣ало жа сумид̇д̇о жа, ахзсум̣ аг̇г̇асаавагаа;
Sambalo ca sumitto ca, ahesuṃ aggasāvakā;
рзвад̇о наамубадтааго, сид̣̇д̇хад̇т̇асса махзсино.
Revato nāmupaṭṭhāko, siddhatthassa mahesino.
19.
19.
сийвалаа жа сураамаа жа, ахзсум̣ аг̇г̇асаавигаа;
Sīvalā ca surāmā ca, ahesuṃ aggasāvikā;
б̣од̇хи д̇асса бхаг̇авад̇о, ган̣игаарод̇и вужжад̇и.
Bodhi tassa bhagavato, kaṇikāroti vuccati.
20.
20.
суббияо жа самуд̣̇д̣̇о жа, ахзсум̣ аг̇г̇убадтагаа;
Suppiyo ca samuddo ca, ahesuṃ aggupaṭṭhakā;
раммаа жзва сураммаа жа, ахзсум̣ аг̇г̇убадтигаа.
Rammā ceva surammā ca, ahesuṃ aggupaṭṭhikā.
21.
21.
со б̣уд̣̇д̇хо садтирад̇анам̣, ахоси набхамуг̇г̇ад̇о;
So buddho saṭṭhiratanaṃ, ahosi nabhamuggato;
ган̃жанаг̇гхияасан̇гаасо, д̣̇асасахассий вирожад̇и.
Kañcanagghiyasaṅkāso, dasasahassī virocati.
22.
22.
соби б̣уд̣̇д̇хо асамасамо, ад̇уло аббадибуг̇г̇ало;
Sopi buddho asamasamo, atulo appaṭipuggalo;
вассасад̇асахассаани, логз адтааси жагкумаа.
Vassasatasahassāni, loke aṭṭhāsi cakkhumā.
23.
23.
вибулам̣ бабхам̣ д̣̇ассаяид̇ваа, бубпаабзд̇ваана саавагз;
Vipulaṃ pabhaṃ dassayitvā, pupphāpetvāna sāvake;
вилаасзд̇ваа самаабад̇яаа, ниб̣б̣уд̇о со сасааваго.
Vilāsetvā samāpatyā, nibbuto so sasāvako.
24.
24.
сид̣̇д̇хад̇т̇о муниваро б̣уд̣̇д̇хо, аномаараамамхи ниб̣б̣уд̇о;
Siddhattho munivaro buddho, anomārāmamhi nibbuto;
д̇ад̇т̇звасса т̇уубаваро, жад̇уяож̇анамуг̇г̇ад̇од̇и.
Tatthevassa thūpavaro, catuyojanamuggatoti.
сид̣̇д̇хад̇т̇асса бхаг̇авад̇о вам̣со сол̣асамо.
Siddhatthassa bhagavato vaṃso soḷasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 18. сид̣̇д̇хад̇т̇аб̣уд̣̇д̇хавам̣саван̣н̣анаа • 18. Siddhatthabuddhavaṃsavaṇṇanā
