| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. සෙතුදායකත්ථෙරඅපදානං
4. Setudāyakattheraapadānaṃ
16.
16.
‘‘විපස්සිනො භගවතො, චඞ්කමන්තස්ස සම්මුඛා;
‘‘Vipassino bhagavato, caṅkamantassa sammukhā;
පසන්නචිත්තො සුමනො, සෙතුං කාරාපයිං අහං.
Pasannacitto sumano, setuṃ kārāpayiṃ ahaṃ.
17.
17.
‘‘එකනවුතිතො කප්පෙ, යං සෙතුං කාරයිං අහං;
‘‘Ekanavutito kappe, yaṃ setuṃ kārayiṃ ahaṃ;
දුග්ගතිං නාභිජානාමි, සෙතුදානස්සිදං ඵලං.
Duggatiṃ nābhijānāmi, setudānassidaṃ phalaṃ.
18.
18.
‘‘කිලෙසා ඣාපිතා මය්හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
19.
19.
‘‘ස්වාගතං වත මෙ ආසි…පෙ.… කතං බුද්ධස්ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
20.
20.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා සෙතුදායකො ථෙරො ඉමා ගාථායො
Itthaṃ sudaṃ āyasmā setudāyako thero imā gāthāyo
අභාසිත්ථාති.
Abhāsitthāti.
සෙතුදායකත්ථෙරස්සාපදානං චතුත්ථං.
Setudāyakattherassāpadānaṃ catutthaṃ.
