| Library / Tipiṭaka / ཏིཔིཊཀ • Tipiṭaka / ཛཱཏཀཔཱལི༹ • Jātakapāḷi |
༣༧༧. སེཏཀེཏུཛཱཏཀཾ (༦-༡-༢)
377. Setaketujātakaṃ (6-1-2)
༨.
8.
མཱ ཏཱཏ ཀུཛ྄ཛྷི ན ཧི སཱདྷུ ཀོདྷོ, བཧུམྤི ཏེ ཨདིཊྛམསྶུཏཉྩ།
Mā tāta kujjhi na hi sādhu kodho, bahumpi te adiṭṭhamassutañca;
མཱཏཱ པིཏཱ དིསཏཱ 1 སེཏཀེཏུ, ཨཱཙརིཡམཱཧུ དིསཏཾ པསཏྠཱ༎
Mātā pitā disatā 2 setaketu, ācariyamāhu disataṃ pasatthā.
༩.
9.
ཨགཱརིནོ ཨནྣདཔཱནཝཏྠདཱ 3, ཨཝ྄ཧཱཡིཀཱ ཏམྤི དིསཾ ཝདནྟི།
Agārino annadapānavatthadā 4, avhāyikā tampi disaṃ vadanti;
ཨེསཱ དིསཱ པརམཱ སེཏཀེཏུ, ཡཾ པཏྭཱ དུཀྑཱི སུཁིནོ བྷཝནྟི༎
Esā disā paramā setaketu, yaṃ patvā dukkhī sukhino bhavanti.
༡༠.
10.
ཁརཱཛིནཱ ཛཊིལཱ པངྐདནྟཱ, དུམྨཀྑརཱུཔཱ 5 ཡེམེ ཛཔྤནྟི མནྟེ།
Kharājinā jaṭilā paṅkadantā, dummakkharūpā 6 yeme jappanti mante;
ཀཙྩི ནུ ཏེ མཱནུསཀེ པཡོགེ, ཨིདཾ ཝིདཱུ པརིམུཏྟཱ ཨཔཱཡཱ༎
Kacci nu te mānusake payoge, idaṃ vidū parimuttā apāyā.
༡༡.
11.
པཱཔཱནི ཀམྨཱནི ཀཏྭཱན རཱཛ, བཧུསྶུཏོ ཙེ ན 7 ཙརེཡྻ དྷམྨཾ།
Pāpāni kammāni katvāna rāja, bahussuto ce na 8 careyya dhammaṃ;
སཧསྶཝེདོཔི ན ཏཾ པཊིཙྩ, དུཀྑཱ པམུཉྩེ ཙརཎཾ ཨཔཏྭཱ༎
Sahassavedopi na taṃ paṭicca, dukkhā pamuñce caraṇaṃ apatvā.
༡༢.
12.
སཧསྶཝེདོཔི ན ཏཾ པཊིཙྩ, དུཀྑཱ པམུཉྩེ ཙརཎཾ ཨཔཏྭཱ།
Sahassavedopi na taṃ paṭicca, dukkhā pamuñce caraṇaṃ apatvā;
མཉྙཱམི ཝེདཱ ཨཕལཱ བྷཝནྟི, སསཾཡམཾ ཙརཎམེཝ 9 སཙྩཾ༎
Maññāmi vedā aphalā bhavanti, sasaṃyamaṃ caraṇameva 10 saccaṃ.
༡༣.
13.
ན ཧེཝ ཝེདཱ ཨཕལཱ བྷཝནྟི, སསཾཡམཾ ཙརཎམེཝ སཙྩཾ།
Na heva vedā aphalā bhavanti, sasaṃyamaṃ caraṇameva saccaṃ;
ཀིཏྟིཉྷི པཔྤོཏི ཨདྷིཙྩ ཝེདེ, སནྟིཾ པུཎེཏི 11 ཙརཎེན དནྟོཏི༎
Kittiñhi pappoti adhicca vede, santiṃ puṇeti 12 caraṇena dantoti.
སེཏཀེཏུཛཱཏཀཾ དུཏིཡཾ།
Setaketujātakaṃ dutiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཛཱཏཀ-ཨཊྛཀཐཱ • Jātaka-aṭṭhakathā / [༣༧༧] ༢. སེཏཀེཏུཛཱཏཀཝཎྞནཱ • [377] 2. Setaketujātakavaṇṇanā
