| Library / Tipiṭaka / तिपिटक • Tipiṭaka / जातकपाळि • Jātakapāḷi |
३७७. सेतकेतुजातकं (६-१-२)
377. Setaketujātakaṃ (6-1-2)
८.
8.
मा तात कुज्झि न हि साधु कोधो, बहुम्पि ते अदिट्ठमस्सुतञ्च।
Mā tāta kujjhi na hi sādhu kodho, bahumpi te adiṭṭhamassutañca;
माता पिता दिसता 1 सेतकेतु, आचरियमाहु दिसतं पसत्था॥
Mātā pitā disatā 2 setaketu, ācariyamāhu disataṃ pasatthā.
९.
9.
अगारिनो अन्नदपानवत्थदा 3, अव्हायिका तम्पि दिसं वदन्ति।
Agārino annadapānavatthadā 4, avhāyikā tampi disaṃ vadanti;
एसा दिसा परमा सेतकेतु, यं पत्वा दुक्खी सुखिनो भवन्ति॥
Esā disā paramā setaketu, yaṃ patvā dukkhī sukhino bhavanti.
१०.
10.
खराजिना जटिला पङ्कदन्ता, दुम्मक्खरूपा 5 येमे जप्पन्ति मन्ते।
Kharājinā jaṭilā paṅkadantā, dummakkharūpā 6 yeme jappanti mante;
कच्चि नु ते मानुसके पयोगे, इदं विदू परिमुत्ता अपाया॥
Kacci nu te mānusake payoge, idaṃ vidū parimuttā apāyā.
११.
11.
पापानि कम्मानि कत्वान राज, बहुस्सुतो चे न 7 चरेय्य धम्मं।
Pāpāni kammāni katvāna rāja, bahussuto ce na 8 careyya dhammaṃ;
सहस्सवेदोपि न तं पटिच्च, दुक्खा पमुञ्चे चरणं अपत्वा॥
Sahassavedopi na taṃ paṭicca, dukkhā pamuñce caraṇaṃ apatvā.
१२.
12.
सहस्सवेदोपि न तं पटिच्च, दुक्खा पमुञ्चे चरणं अपत्वा।
Sahassavedopi na taṃ paṭicca, dukkhā pamuñce caraṇaṃ apatvā;
मञ्ञामि वेदा अफला भवन्ति, ससंयमं चरणमेव 9 सच्चं॥
Maññāmi vedā aphalā bhavanti, sasaṃyamaṃ caraṇameva 10 saccaṃ.
१३.
13.
न हेव वेदा अफला भवन्ति, ससंयमं चरणमेव सच्चं।
Na heva vedā aphalā bhavanti, sasaṃyamaṃ caraṇameva saccaṃ;
कित्तिञ्हि पप्पोति अधिच्च वेदे, सन्तिं पुणेति 11 चरणेन दन्तोति॥
Kittiñhi pappoti adhicca vede, santiṃ puṇeti 12 caraṇena dantoti.
सेतकेतुजातकं दुतियं।
Setaketujātakaṃ dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३७७] २. सेतकेतुजातकवण्णना • [377] 2. Setaketujātakavaṇṇanā
