| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
13. сзрзяяаваг̇г̇о
13. Sereyyavaggo
1. сзрзяяагад̇т̇зраабад̣̇аанаван̣н̣анаа
1. Sereyyakattheraapadānavaṇṇanā
аж̇жхааяаго манд̇ад̇харод̇иаад̣̇игам̣ ааяасмад̇о сзрзяяагад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇о барзсу ад̇д̇абхаавасахассзсу виваддуубаниссаяаани бун̃н̃аани убажинанд̇о вибассисса бхаг̇авад̇о гаалз б̣раахман̣агулз ниб̣б̣ад̇д̇о вин̃н̃уд̇ам̣ бад̇ваа д̇ин̣н̣ам̣ взд̣̇аанам̣ баарам̣ г̇анд̇ваа ид̇ихаасаад̣̇исагалаб̣раахман̣ад̇хаммзсу годиббад̇д̇о згасмим̣ д̣̇ивасз аб̣бхогаасз сабаривааро тид̇о бхаг̇аванд̇ам̣ д̣̇исваа басаннамаанасо сзрзяяабубпам̣ г̇ахзд̇ваа аагаасз кибанд̇о бууж̇зси. д̇аани бубпаани аагаасз вид̇аанам̣ худ̇ваа сад̇д̇аахам̣ тад̇ваа бажчаа анд̇арад̇хааяим̣су. со д̇ам̣ ажчарияам̣ д̣̇исваа ад̇ийва басаннамаанасо д̇знзва бийд̇исоманассзна гаалам̣ гад̇ваа д̇усид̇аад̣̇ийсу ниб̣б̣ад̇д̇о д̇ад̇т̇а д̣̇иб̣б̣асукаманубхавид̇ваа д̇ад̇о мануссасукаманубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ баабун̣ид̇ваа буб̣б̣аваасанааб̣алзна сад̇т̇ари басанно баб̣б̣аж̇ид̇ваа нажирассзва арахаа ахоси.
Ajjhāyakomantadharotiādikaṃ āyasmato sereyyakattherassa apadānaṃ. Ayampi purimajinavaresu katādhikāro tato paresu attabhāvasahassesu vivaṭṭūpanissayāni puññāni upacinanto vipassissa bhagavato kāle brāhmaṇakule nibbatto viññutaṃ patvā tiṇṇaṃ vedānaṃ pāraṃ gantvā itihāsādisakalabrāhmaṇadhammesu koṭippatto ekasmiṃ divase abbhokāse saparivāro ṭhito bhagavantaṃ disvā pasannamānaso sereyyapupphaṃ gahetvā ākāse khipanto pūjesi. Tāni pupphāni ākāse vitānaṃ hutvā sattāhaṃ ṭhatvā pacchā antaradhāyiṃsu. So taṃ acchariyaṃ disvā atīva pasannamānaso teneva pītisomanassena kālaṃ katvā tusitādīsu nibbatto tattha dibbasukhamanubhavitvā tato manussasukhamanubhavitvā imasmiṃ buddhuppāde ekasmiṃ kulagehe nibbatto viññutaṃ pāpuṇitvā pubbavāsanābalena satthari pasanno pabbajitvā nacirasseva arahā ahosi.
1. со абарабхааг̇з бураагад̇агусалам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о аж̇жхааяаго манд̇ад̇харод̇иаад̣̇имааха. д̇ам̣ хздтаа вуд̇д̇ад̇т̇амзва.
1. So aparabhāge purākatakusalaṃ saritvā somanassajāto pubbacaritāpadānaṃ pakāsento ajjhāyako mantadharotiādimāha. Taṃ heṭṭhā vuttatthameva.
3. сзрзяяагам̣ г̇ахзд̇ваанаад̇и сирисз бхавам̣ ж̇аад̇ибубпам̣ сзрзяяам̣, сзрзяяамзва сзрзяяагам̣, д̇ам̣ сзрзяяагам̣ г̇ахзд̇ваанаад̇и самб̣анд̇хо. бхаг̇авад̇и басанно ж̇аад̇исуманамагул̣ажамбагаад̣̇ийни бубпаани бад̇идтабзд̇ваа бууж̇зд̇ум̣ гаалам̣ над̇т̇ид̇ааяа д̇ад̇т̇а самбад̇д̇ам̣ д̇ам̣ сзрзяяагам̣ бубпам̣ г̇ахзд̇ваа бууж̇зсинд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
3.Sereyyakaṃ gahetvānāti sirise bhavaṃ jātipupphaṃ sereyyaṃ, sereyyameva sereyyakaṃ, taṃ sereyyakaṃ gahetvānāti sambandho. Bhagavati pasanno jātisumanamakuḷacampakādīni pupphāni patiṭṭhapetvā pūjetuṃ kālaṃ natthitāya tattha sampattaṃ taṃ sereyyakaṃ pupphaṃ gahetvā pūjesinti attho. Sesaṃ sabbattha uttānamevāti.
сзрзяяагад̇т̇зраабад̣̇аанаван̣н̣анаа самад̇д̇аа.
Sereyyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. сзрзяяагад̇т̇зраабад̣̇аанам̣ • 1. Sereyyakattheraapadānaṃ
