| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā |
༩. སེནཱཝཱསསིཀྑཱཔདཝཎྞནཱ
9. Senāvāsasikkhāpadavaṇṇanā
༣༡༩. ནཝམེ – ཨཏྠངྒཏེ སཱུརིཡེ སེནཱཡ ཝསཏཱིཏི ཏིཊྛཏུ ཝཱ ནིསཱིདཏུ ཝཱ སཡཏུ ཝཱ སཙེཔི ཨཱཀཱསེ ཨིདྡྷིཡཱ ཀཉྩི ཨིརིཡཱཔཐཾ ཀཔྤེཏི, པཱཙིཏྟིཡམེཝ། སེནཱ ཝཱ པཊིསེནཱཡ རུདྡྷཱ ཧོཏཱིཏི ཡཐཱ སཉྩཱརོ ཚིཛྫཏི; ཨེཝཾ རུདྡྷཱ ཧོཏི། པལིབུདྡྷོཏི ཝེརིཀེན ཝཱ ཨིསྶརེན ཝཱ རུདྡྷོ། སེསཾ ཨུཏྟཱནམེཝ། ཨེལ༹ཀལོམསམུཊྛཱནཾ – ཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཏིཙིཏྟཾ, ཏིཝེདནནྟི།
319. Navame – atthaṅgate sūriye senāya vasatīti tiṭṭhatu vā nisīdatu vā sayatu vā sacepi ākāse iddhiyā kañci iriyāpathaṃ kappeti, pācittiyameva. Senā vā paṭisenāya ruddhā hotīti yathā sañcāro chijjati; evaṃ ruddhā hoti. Palibuddhoti verikena vā issarena vā ruddho. Sesaṃ uttānameva. Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
སེནཱཝཱསསིཀྑཱཔདཾ ནཝམཾ།
Senāvāsasikkhāpadaṃ navamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༥. ཨཙེལཀཝགྒོ • 5. Acelakavaggo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༩. སེནཱཝཱསསིཀྑཱཔདཝཎྞནཱ • 9. Senāvāsasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༩. སེནཱཝཱསསིཀྑཱཔདཝཎྞནཱ • 9. Senāvāsasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༩. སེནཱཝཱསསིཀྑཱཔདཾ • 9. Senāvāsasikkhāpadaṃ
