| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༢. ནཱཐཝགྒོ
2. Nāthavaggo
༡. སེནཱསནསུཏྟཝཎྞནཱ
1. Senāsanasuttavaṇṇanā
༡༡. དུཏིཡསྶ པཋམེ པཉྩངྒསམནྣཱགཏོཏི པཉྩཧི གུཎངྒེཧི སམནྣཱགཏོ། ནཱཏིདཱུརཾ ཧོཏི ནཱཙྩཱསནྣནྟི ཡཉྷི ཨཏིདཱུརེ ཧོཏི, པིཎྜཱཡ ཙརིཏྭཱ ཏཏྠ གཙྪནྟསྶ ཀཱཡཙིཏྟདརཐཱ ཧོཏི, ཏཏོ ཨནུཔྤནྣཾ ཝཱ སམཱདྷིཾ ཨུཔྤཱདེཏུཾ ཨུཔྤནྣཾ ཝཱ ཐིརཾ ཀཱཏུཾ ན སཀྐོཏི། ཨཙྩཱསནྣཾ བཧུཛནཱཀིཎྞཾ ཧོཏི། ཙཏྟཱལཱིསཨུསབྷམཏྟེ པན པདེསེ ཝསཏཾ དཱུརཱསནྣདོསཝིམུཏྟཉྩ གམནཱགམནསམྤནྣཾ ནཱམ ཧོཏི། དིཝཱཨཔྤཱཀིཎྞནྟི དིཝསབྷཱགེ མཧཱཛནེན ཨནཱཀིཎྞཾ།
11. Dutiyassa paṭhame pañcaṅgasamannāgatoti pañcahi guṇaṅgehi samannāgato. Nātidūraṃ hoti nāccāsannanti yañhi atidūre hoti, piṇḍāya caritvā tattha gacchantassa kāyacittadarathā hoti, tato anuppannaṃ vā samādhiṃ uppādetuṃ uppannaṃ vā thiraṃ kātuṃ na sakkoti. Accāsannaṃ bahujanākiṇṇaṃ hoti. Cattālīsausabhamatte pana padese vasataṃ dūrāsannadosavimuttañca gamanāgamanasampannaṃ nāma hoti. Divāappākiṇṇanti divasabhāge mahājanena anākiṇṇaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. སེནཱསནསུཏྟཾ • 1. Senāsanasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. ཨཝིཛྫཱསུཏྟཱདིཝཎྞནཱ • 1-7. Avijjāsuttādivaṇṇanā
