| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. सेनासनदायकत्थेरअपदानं
8. Senāsanadāyakattheraapadānaṃ
४५.
45.
‘‘सिद्धत्थस्स भगवतो, अदासिं पण्णसन्थरं।
‘‘Siddhatthassa bhagavato, adāsiṃ paṇṇasantharaṃ;
समन्ता उपहारञ्च, कुसुमं ओकिरिं अहं॥
Samantā upahārañca, kusumaṃ okiriṃ ahaṃ.
४६.
46.
महग्घानि च पुप्फानि, सयनेभिसवन्ति मे॥
Mahagghāni ca pupphāni, sayanebhisavanti me.
४७.
47.
‘‘सयनेहं तुवट्टामि, विचित्ते पुप्फसन्थते।
‘‘Sayanehaṃ tuvaṭṭāmi, vicitte pupphasanthate;
पुप्फवुट्ठि च सयने, अभिवस्सति तावदे॥
Pupphavuṭṭhi ca sayane, abhivassati tāvade.
४८.
48.
‘‘चतुन्नवुतितो कप्पे, अदासिं पण्णसन्थरं।
‘‘Catunnavutito kappe, adāsiṃ paṇṇasantharaṃ;
दुग्गतिं नाभिजानामि, सन्थरस्स इदं फलं॥
Duggatiṃ nābhijānāmi, santharassa idaṃ phalaṃ.
४९.
49.
‘‘तिणसन्थरका नाम, सत्तेते चक्कवत्तिनो।
‘‘Tiṇasantharakā nāma, sattete cakkavattino;
इतो ते पञ्चमे कप्पे, उप्पज्जिंसु जनाधिपा॥
Ito te pañcame kappe, uppajjiṃsu janādhipā.
५०.
50.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सेनासनदायको थेरो इमा गाथायो अभासित्थाति।
Itthaṃ sudaṃ āyasmā senāsanadāyako thero imā gāthāyo abhāsitthāti.
सेनासनदायकत्थेरस्सापदानं अट्ठमं।
Senāsanadāyakattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. सेनासनदायकत्थेरअपदानवण्णना • 8. Senāsanadāyakattheraapadānavaṇṇanā
