| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၅. သေက္ခသုတ္တဝဏ္ဏနာ
5. Sekkhasuttavaṇṇanā
၈၆. ပဉ္စမေ ဥဇုမဂ္ဂာနုသာရိနောတိ ဥဇုမဂ္ဂော ဝုစ္စတိ အရိယမဂ္ဂော, တံ အနုသ္သရန္တသ္သ ပဋိပန္နကသ္သာတိ အတ္ထော။ ခယသ္မိံ ပဌမံ ဉာဏန္တိ ပဌမမေဝ မဂ္ဂဉာဏံ ဥပ္ပဇ္ဇတိ။ မဂ္ဂော ဟိ ကိလေသာနံ ခေပနတော ခယော နာမ, တံသမ္ပယုတ္တံ ဉာဏံ ခယသ္မိံ ဉာဏံ နာမ။ တတော အညာ အနန္တရာတိ တတော စတုတ္ထမဂ္ဂဉာဏတော အနန္တရာ အညာ ဥပ္ပဇ္ဇတိ, အရဟတ္တဖလံ ဥပ္ပဇ္ဇတီတိ အတ္ထော။ အညာဝိမုတ္တသ္သာတိ အရဟတ္တဖလဝိမုတ္တိယာ ဝိမုတ္တသ္သ။ ဉာဏံ ဝေ ဟောတီတိ ပစ္စဝေက္ခဏဉာဏံ ဟောတိ။ ဣတိ သုတ္တေပိ ဂာထာသုပိ သတ္တ သေခာ ကထိတာ။ အဝသာနေ ပန ခီဏာသဝော ဒသ္သိတောတိ။
86. Pañcame ujumaggānusārinoti ujumaggo vuccati ariyamaggo, taṃ anussarantassa paṭipannakassāti attho. Khayasmiṃ paṭhamaṃ ñāṇanti paṭhamameva maggañāṇaṃ uppajjati. Maggo hi kilesānaṃ khepanato khayo nāma, taṃsampayuttaṃ ñāṇaṃ khayasmiṃ ñāṇaṃ nāma. Tatoaññā anantarāti tato catutthamaggañāṇato anantarā aññā uppajjati, arahattaphalaṃ uppajjatīti attho. Aññāvimuttassāti arahattaphalavimuttiyā vimuttassa. Ñāṇaṃ ve hotīti paccavekkhaṇañāṇaṃ hoti. Iti suttepi gāthāsupi satta sekhā kathitā. Avasāne pana khīṇāsavo dassitoti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၅. သေက္ခသုတ္တံ • 5. Sekkhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅. သမဏသုတ္တာဒိဝဏ္ဏနာ • 1-5. Samaṇasuttādivaṇṇanā
