| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣. སེཁསུཏྟཝཎྞནཱ
3. Sekhasuttavaṇṇanā
༥༢༣. ཏཏིཡེ ན ཧེཝ ཁོ ཀཱཡེན ཕུསིཏྭཱ ཝིཧརཏཱིཏི ན ནཱམཀཱཡེན ཕུསིཏྭཱ པཊིལབྷིཏྭཱ ཝིཧརཏི, ཕུསིཏུཾ པཊིལབྷིཏུཾ ན སཀྐོཏི། པཉྙཱཡ ཙ ཨཏིཝིཛ྄ཛྷ པསྶཏཱིཏི པཙྩཝེཀྑཎཔཉྙཱཡ པན ‘‘ཨུཔརི ཨརཧཏྟཕལིནྡྲིཡཾ ནཱམ ཨཏྠཱི’’ཏི པཛཱནཱཏི། ཨསེཁབྷཱུམིཡཾ ཕུསིཏྭཱ ཝིཧརཏཱིཏི པཊིལབྷིཏྭཱ ཝིཧརཏི། པཉྙཱཡཱཏི པཙྩཝེཀྑཎཔཉྙཱཡ ‘‘ཨརཧཏྟཕལིནྡྲིཡཾ ནཱམ ཨཏྠཱི’’ཏི པཛཱནཱཏི། ན ཀུཧིཉྩི ཀིསྨིཉྩཱིཏི དྭེཔི ཨཉྙམཉྙཝེཝཙནཱནེཝ, ཀིསྨིཉྩི བྷཝེ ན ཨུཔྤཛྫིསྶནྟཱིཏི ཨཏྠོ། ཨིམསྨིཾ སུཏྟེ པཉྩིནྡྲིཡཱནི ལོཀུཏྟརཱནི, ཚ ལོཀིཀཱནི ཝཊྚནིསྶིཏཱནེཝ ཀཐིཏཱནི།
523. Tatiye na heva kho kāyena phusitvā viharatīti na nāmakāyena phusitvā paṭilabhitvā viharati, phusituṃ paṭilabhituṃ na sakkoti. Paññāya ca ativijjha passatīti paccavekkhaṇapaññāya pana ‘‘upari arahattaphalindriyaṃ nāma atthī’’ti pajānāti. Asekhabhūmiyaṃ phusitvā viharatīti paṭilabhitvā viharati. Paññāyāti paccavekkhaṇapaññāya ‘‘arahattaphalindriyaṃ nāma atthī’’ti pajānāti. Na kuhiñci kismiñcīti dvepi aññamaññavevacanāneva, kismiñci bhave na uppajjissantīti attho. Imasmiṃ sutte pañcindriyāni lokuttarāni, cha lokikāni vaṭṭanissitāneva kathitāni.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. སེཁསུཏྟཾ • 3. Sekhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. སེཁསུཏྟཝཎྞནཱ • 3. Sekhasuttavaṇṇanā
