| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೩. ಸೇಖಸುತ್ತವಣ್ಣನಾ
3. Sekhasuttavaṇṇanā
೫೨೩. ತತಿಯೇ ನ ಹೇವ ಖೋ ಕಾಯೇನ ಫುಸಿತ್ವಾ ವಿಹರತೀತಿ ನ ನಾಮಕಾಯೇನ ಫುಸಿತ್ವಾ ಪಟಿಲಭಿತ್ವಾ ವಿಹರತಿ, ಫುಸಿತುಂ ಪಟಿಲಭಿತುಂ ನ ಸಕ್ಕೋತಿ। ಪಞ್ಞಾಯ ಚ ಅತಿವಿಜ್ಝ ಪಸ್ಸತೀತಿ ಪಚ್ಚವೇಕ್ಖಣಪಞ್ಞಾಯ ಪನ ‘‘ಉಪರಿ ಅರಹತ್ತಫಲಿನ್ದ್ರಿಯಂ ನಾಮ ಅತ್ಥೀ’’ತಿ ಪಜಾನಾತಿ। ಅಸೇಖಭೂಮಿಯಂ ಫುಸಿತ್ವಾ ವಿಹರತೀತಿ ಪಟಿಲಭಿತ್ವಾ ವಿಹರತಿ। ಪಞ್ಞಾಯಾತಿ ಪಚ್ಚವೇಕ್ಖಣಪಞ್ಞಾಯ ‘‘ಅರಹತ್ತಫಲಿನ್ದ್ರಿಯಂ ನಾಮ ಅತ್ಥೀ’’ತಿ ಪಜಾನಾತಿ। ನ ಕುಹಿಞ್ಚಿ ಕಿಸ್ಮಿಞ್ಚೀತಿ ದ್ವೇಪಿ ಅಞ್ಞಮಞ್ಞವೇವಚನಾನೇವ, ಕಿಸ್ಮಿಞ್ಚಿ ಭವೇ ನ ಉಪ್ಪಜ್ಜಿಸ್ಸನ್ತೀತಿ ಅತ್ಥೋ। ಇಮಸ್ಮಿಂ ಸುತ್ತೇ ಪಞ್ಚಿನ್ದ್ರಿಯಾನಿ ಲೋಕುತ್ತರಾನಿ, ಛ ಲೋಕಿಕಾನಿ ವಟ್ಟನಿಸ್ಸಿತಾನೇವ ಕಥಿತಾನಿ।
523. Tatiye na heva kho kāyena phusitvā viharatīti na nāmakāyena phusitvā paṭilabhitvā viharati, phusituṃ paṭilabhituṃ na sakkoti. Paññāya ca ativijjha passatīti paccavekkhaṇapaññāya pana ‘‘upari arahattaphalindriyaṃ nāma atthī’’ti pajānāti. Asekhabhūmiyaṃ phusitvā viharatīti paṭilabhitvā viharati. Paññāyāti paccavekkhaṇapaññāya ‘‘arahattaphalindriyaṃ nāma atthī’’ti pajānāti. Na kuhiñci kismiñcīti dvepi aññamaññavevacanāneva, kismiñci bhave na uppajjissantīti attho. Imasmiṃ sutte pañcindriyāni lokuttarāni, cha lokikāni vaṭṭanissitāneva kathitāni.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೩. ಸೇಖಸುತ್ತಂ • 3. Sekhasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೩. ಸೇಖಸುತ್ತವಣ್ಣನಾ • 3. Sekhasuttavaṇṇanā
