| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃. သေခသုတ္တဝဏ္ဏနာ
3. Sekhasuttavaṇṇanā
၅၂၃. တတိယေ န ဟေဝ ခော ကာယေန ဖုသိတ္ဝာ ဝိဟရတီတိ န နာမကာယေန ဖုသိတ္ဝာ ပဋိလဘိတ္ဝာ ဝိဟရတိ, ဖုသိတုံ ပဋိလဘိတုံ န သက္ကောတိ။ ပညာယ စ အတိဝိဇ္ဈ ပသ္သတီတိ ပစ္စဝေက္ခဏပညာယ ပန ‘‘ဥပရိ အရဟတ္တဖလိန္ဒ္ရိယံ နာမ အတ္ထီ’’တိ ပဇာနာတိ။ အသေခဘူမိယံ ဖုသိတ္ဝာ ဝိဟရတီတိ ပဋိလဘိတ္ဝာ ဝိဟရတိ။ ပညာယာတိ ပစ္စဝေက္ခဏပညာယ ‘‘အရဟတ္တဖလိန္ဒ္ရိယံ နာမ အတ္ထီ’’တိ ပဇာနာတိ။ န ကုဟိဉ္စိ ကိသ္မိဉ္စီတိ ဒ္ဝေပိ အညမညဝေဝစနာနေဝ, ကိသ္မိဉ္စိ ဘဝေ န ဥပ္ပဇ္ဇိသ္သန္တီတိ အတ္ထော။ ဣမသ္မိံ သုတ္တေ ပဉ္စိန္ဒ္ရိယာနိ လောကုတ္တရာနိ, ဆ လောကိကာနိ ဝဋ္ဋနိသ္သိတာနေဝ ကထိတာနိ။
523. Tatiye na heva kho kāyena phusitvā viharatīti na nāmakāyena phusitvā paṭilabhitvā viharati, phusituṃ paṭilabhituṃ na sakkoti. Paññāya ca ativijjha passatīti paccavekkhaṇapaññāya pana ‘‘upari arahattaphalindriyaṃ nāma atthī’’ti pajānāti. Asekhabhūmiyaṃ phusitvā viharatīti paṭilabhitvā viharati. Paññāyāti paccavekkhaṇapaññāya ‘‘arahattaphalindriyaṃ nāma atthī’’ti pajānāti. Na kuhiñci kismiñcīti dvepi aññamaññavevacanāneva, kismiñci bhave na uppajjissantīti attho. Imasmiṃ sutte pañcindriyāni lokuttarāni, cha lokikāni vaṭṭanissitāneva kathitāni.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. သေခသုတ္တံ • 3. Sekhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃. သေခသုတ္တဝဏ္ဏနာ • 3. Sekhasuttavaṇṇanā
