| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౩. సేఖసుత్తవణ్ణనా
3. Sekhasuttavaṇṇanā
౫౨౩. తతియే న హేవ ఖో కాయేన ఫుసిత్వా విహరతీతి న నామకాయేన ఫుసిత్వా పటిలభిత్వా విహరతి, ఫుసితుం పటిలభితుం న సక్కోతి. పఞ్ఞాయ చ అతివిజ్ఝ పస్సతీతి పచ్చవేక్ఖణపఞ్ఞాయ పన ‘‘ఉపరి అరహత్తఫలిన్ద్రియం నామ అత్థీ’’తి పజానాతి. అసేఖభూమియం ఫుసిత్వా విహరతీతి పటిలభిత్వా విహరతి. పఞ్ఞాయాతి పచ్చవేక్ఖణపఞ్ఞాయ ‘‘అరహత్తఫలిన్ద్రియం నామ అత్థీ’’తి పజానాతి. న కుహిఞ్చి కిస్మిఞ్చీతి ద్వేపి అఞ్ఞమఞ్ఞవేవచనానేవ, కిస్మిఞ్చి భవే న ఉప్పజ్జిస్సన్తీతి అత్థో. ఇమస్మిం సుత్తే పఞ్చిన్ద్రియాని లోకుత్తరాని, ఛ లోకికాని వట్టనిస్సితానేవ కథితాని.
523. Tatiye na heva kho kāyena phusitvā viharatīti na nāmakāyena phusitvā paṭilabhitvā viharati, phusituṃ paṭilabhituṃ na sakkoti. Paññāya ca ativijjha passatīti paccavekkhaṇapaññāya pana ‘‘upari arahattaphalindriyaṃ nāma atthī’’ti pajānāti. Asekhabhūmiyaṃ phusitvā viharatīti paṭilabhitvā viharati. Paññāyāti paccavekkhaṇapaññāya ‘‘arahattaphalindriyaṃ nāma atthī’’ti pajānāti. Na kuhiñci kismiñcīti dvepi aññamaññavevacanāneva, kismiñci bhave na uppajjissantīti attho. Imasmiṃ sutte pañcindriyāni lokuttarāni, cha lokikāni vaṭṭanissitāneva kathitāni.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. సేఖసుత్తం • 3. Sekhasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩. సేఖసుత్తవణ్ణనా • 3. Sekhasuttavaṇṇanā
