| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
сзд̣̇аможанагат̇аа
Sedamocanakathā
679.
679.
ид̇о барам̣ бавагкаами, бхигкуунам̣ сун̣ад̇ам̣ буна;
Ito paraṃ pavakkhāmi, bhikkhūnaṃ suṇataṃ puna;
сзд̣̇аможанаг̇аат̇ааяо, бадубхаавагараа вараа.
Sedamocanagāthāyo, paṭubhāvakarā varā.
680.
680.
уб̣бхагкагам̣ виваж̇ж̇зд̇ваа, ад̇хонаабхим̣ виваж̇ж̇ияа;
Ubbhakkhakaṃ vivajjetvā, adhonābhiṃ vivajjiya;
бадижжа мзт̇унам̣ д̇хаммам̣, гат̇ам̣ баарааж̇иго сияаа?
Paṭicca methunaṃ dhammaṃ, kathaṃ pārājiko siyā?
681.
681.
габ̣анд̇хасад̇д̇агааяасса, урз ход̇и мукам̣ сажз;
Kabandhasattakāyassa, ure hoti mukhaṃ sace;
мукзна мзт̇унам̣ д̇хаммам̣, гад̇ваа баарааж̇иго бхавз.
Mukhena methunaṃ dhammaṃ, katvā pārājiko bhave.
682.
682.
сун̃н̃з ниссад̇д̇агз д̣̇ийбз, зго бхигку сажз васз;
Suññe nissattake dīpe, eko bhikkhu sace vase;
мзт̇унабажжаяаа д̇асса, гат̇ам̣ баарааж̇иго сияаа?
Methunapaccayā tassa, kathaṃ pārājiko siyā?
683.
683.
ламб̣ий ваа муд̣̇убидтий ваа, важжамаг̇г̇з мукзби ваа;
Lambī vā mudupiṭṭhī vā, vaccamagge mukhepi vā;
ан̇г̇аж̇аад̇ам̣ бавзсзнд̇о, сагз баарааж̇иго бхавз.
Aṅgajātaṃ pavesento, sake pārājiko bhave.
684.
684.
саяам̣ наад̣̇ияад̇з гин̃жи, баран̃жа на самаад̣̇абз;
Sayaṃ nādiyate kiñci, parañca na samādape;
сам̣вид̇хаанан̃жа нзвад̇т̇и, гат̇ам̣ баарааж̇иго сияаа?
Saṃvidhānañca nevatthi, kathaṃ pārājiko siyā?
685.
685.
сун̇гагхаад̇з ад̇игганд̇з, наад̣̇ияанд̇о барасса д̇у;
Suṅkaghāte atikkante, nādiyanto parassa tu;
аан̣ад̇д̇ин̃жа винааязва, ход̇и баарааж̇иго яад̇и.
Āṇattiñca vināyeva, hoti pārājiko yati.
686.
686.
харанд̇о г̇аругам̣ бхан̣д̣ам̣, т̇зяяажид̇д̇зна буг̇г̇ало;
Haranto garukaṃ bhaṇḍaṃ, theyyacittena puggalo;
барасса д̇у баригкаарам̣, на жа баарааж̇иго гат̇ам̣?
Parassa tu parikkhāraṃ, na ca pārājiko kathaṃ?
687.
687.
д̇иражчаанаг̇ад̇аанам̣ д̇у, буг̇г̇ало г̇арубхан̣д̣агам̣;
Tiracchānagatānaṃ tu, puggalo garubhaṇḍakaṃ;
г̇ан̣ханд̇о т̇зяяажид̇д̇зна, на жа баарааж̇иго сияаа.
Gaṇhanto theyyacittena, na ca pārājiko siyā.
688.
688.
ад̇д̇ано санд̇агам̣ д̣̇ад̇ваа, бхигку баарааж̇иго гат̇ам̣?
Attano santakaṃ datvā, bhikkhu pārājiko kathaṃ?
‘‘марад̇уу’’д̇и асаббааяа-бхож̇анам̣ д̣̇зд̇и жз жуд̇о.
‘‘Maratū’’ti asappāya-bhojanaṃ deti ce cuto.
689.
689.
бид̇ари бид̇усан̃н̃ий жа, маад̇усан̃н̃ий жа маад̇ари;
Pitari pitusaññī ca, mātusaññī ca mātari;
ханд̇ваананд̇арияам̣ гаммам̣, на пусзяяа гат̇ам̣ наро?
Hantvānantariyaṃ kammaṃ, na phuseyya kathaṃ naro?
690.
690.
д̇иражчаанаг̇ад̇аа маад̇аа, д̇иражчаанаг̇ад̇о бид̇аа;
Tiracchānagatā mātā, tiracchānagato pitā;
д̇асмаананд̇арияам̣ над̇т̇и, маарид̇зсу убхосуби.
Tasmānantariyaṃ natthi, māritesu ubhosupi.
691.
691.
анаад̣̇ияанд̇о г̇аругам̣, баран̃жа на самаад̣̇абз;
Anādiyanto garukaṃ, parañca na samādape;
г̇ажчам̣ тид̇о нисинно ваа, гат̇ам̣ баарааж̇иго бхан̣а?
Gacchaṃ ṭhito nisinno vā, kathaṃ pārājiko bhaṇa?
692.
692.
мануссуд̇д̇аригз д̇хаммз, гад̇ваана гад̇игам̣ д̇ад̇о;
Manussuttarike dhamme, katvāna katikaṃ tato;
самбхааванаад̇хиббааяо со, ад̇иггамад̇и жз жуд̇о.
Sambhāvanādhippāyo so, atikkamati ce cuto.
693.
693.
сан̇гхаад̣̇исзсаа жад̇д̇ааро, бхавзяяум̣ згавад̇т̇угаа;
Saṅghādisesā cattāro, bhaveyyuṃ ekavatthukā;
гат̇ам̣? гат̇зхи мз будто, винаяз жз висаарад̣̇о.
Kathaṃ? Kathehi me puṭṭho, vinaye ce visārado.
694.
694.
сан̃жарид̇д̇ан̃жа д̣̇удтуллам̣, сам̣саг̇г̇ам̣ ад̇д̇агаамад̇ам̣;
Sañcarittañca duṭṭhullaṃ, saṃsaggaṃ attakāmataṃ;
ид̇т̇ияаа бадибаж̇ж̇анд̇о, пусзяяа жад̇уро имз.
Itthiyā paṭipajjanto, phuseyya caturo ime.
695.
695.
сан̇гхаад̣̇исзсамаабанно, чаад̣̇зд̇ваа сужирам̣ бана;
Saṅghādisesamāpanno, chādetvā suciraṃ pana;
ажарид̇ваа яат̇аавуд̇д̇ам̣, вад̇д̇ам̣ со вудтид̇о гат̇ам̣?
Acaritvā yathāvuttaṃ, vattaṃ so vuṭṭhito kathaṃ?
696.
696.
суггависсадтимаабанно , бхигкубхаавз тид̇о бана;
Sukkavissaṭṭhimāpanno , bhikkhubhāve ṭhito pana;
баривад̇д̇з д̇у лин̇г̇асмим̣, над̇т̇и сан̇гхаад̣̇исзсад̇аа.
Parivatte tu liṅgasmiṃ, natthi saṅghādisesatā.
697.
697.
гуд̣̇д̇хо аараад̇хаго ход̇и;
Kuddho ārādhako hoti;
гуд̣̇д̇хо ход̇и жа нинд̣̇ид̇о;
Kuddho hoti ca nindito;
ат̇а го наама со д̇хаммо;
Atha ko nāma so dhammo;
язна гуд̣̇д̇хо басам̣сид̇о?
Yena kuddho pasaṃsito?
698.
698.
ван̣н̣асмим̣ бхан̃н̃амаанз яо, д̇ид̇т̇ияаанам̣ д̇у гуж̇жхад̇и;
Vaṇṇasmiṃ bhaññamāne yo, titthiyānaṃ tu kujjhati;
аараад̇хаго, самб̣уд̣̇д̇хасса, яад̣̇и гуж̇жхад̇и нинд̣̇ид̇о.
Ārādhako, sambuddhassa, yadi kujjhati nindito.
699.
699.
ад̇т̇ан̇г̇ад̇з д̇у суурияз, бхож̇анам̣ бхигку бхун̃ж̇ад̇и;
Atthaṅgate tu sūriye, bhojanaṃ bhikkhu bhuñjati;
на кид̇д̇ажид̇д̇онуммад̇д̇о, нираабад̇д̇и гат̇ам̣ бхавз?
Na khittacittonummatto, nirāpatti kathaṃ bhave?
700.
700.
яо жа романт̇аяид̇ваана, рад̇д̇им̣ гхасад̇и бхож̇анам̣;
Yo ca romanthayitvāna, rattiṃ ghasati bhojanaṃ;
над̇т̇и д̇асса банаабад̇д̇и, вигаалабхож̇анзна хи.
Natthi tassa panāpatti, vikālabhojanena hi.
701.
701.
ад̇т̇ан̇г̇ад̇з жа суурияз, г̇ахзд̇ваа бхигку бхож̇анам̣;
Atthaṅgate ca sūriye, gahetvā bhikkhu bhojanaṃ;
сажз бхун̃ж̇зяяа аабад̇д̇и, анаабад̇д̇и гат̇ам̣ бхавз?
Sace bhuñjeyya āpatti, anāpatti kathaṃ bhave?
702.
702.
вигаалуд̇д̇арагурум̣ г̇анд̇ваа, д̇ад̇т̇а лад̣̇д̇хаана бхож̇анам̣;
Vikāluttarakuruṃ gantvā, tattha laddhāna bhojanaṃ;
ааг̇анд̇ваа ид̇ха гаалзна, над̇т̇и аабад̇д̇и бхун̃ж̇ад̇о.
Āgantvā idha kālena, natthi āpatti bhuñjato.
703.
703.
г̇аамз ваа яад̣̇и вааран̃н̃з, яам̣ барзсам̣ мамааяид̇ам̣;
Gāme vā yadi vāraññe, yaṃ paresaṃ mamāyitaṃ;
на харанд̇ова д̇ам̣ т̇зяяаа, гат̇ам̣ баарааж̇иго сияаа?
Na harantova taṃ theyyā, kathaṃ pārājiko siyā?
704.
704.
т̇зяяасам̣ваасаго наама, лин̇г̇асам̣ваасат̇знаго;
Theyyasaṃvāsako nāma, liṅgasaṃvāsathenako;
барабхан̣д̣ам̣ аг̇ан̣ханд̇о, ход̇и зса барааж̇ид̇о.
Parabhaṇḍaṃ agaṇhanto, hoti esa parājito.
705.
705.
наарий руубавад̇ий б̣аалаа, бхигку рад̇д̇зна жзд̇асаа;
Nārī rūpavatī bālā, bhikkhu rattena cetasā;
мзт̇унам̣ д̇ааяа гад̇вааби, со на баарааж̇иго гат̇ам̣?
Methunaṃ tāya katvāpi, so na pārājiko kathaṃ?
706.
706.
бхигку руубавад̇им̣ наарим̣, субинанд̇зна бассад̇и;
Bhikkhu rūpavatiṃ nāriṃ, supinantena passati;
д̇ааяа мзт̇унасам̣яог̇з, гад̇зби на винассад̇и.
Tāya methunasaṃyoge, katepi na vinassati.
707.
707.
згиссаа д̣̇вз сияум̣ буд̇д̇аа, ж̇аад̇аа ид̇ха банид̇т̇ияаа;
Ekissā dve siyuṃ puttā, jātā idha panitthiyā;
д̣̇виннам̣ маад̇аа бид̇аа саава, гат̇ам̣ ход̇и бхан̣аахи мз?
Dvinnaṃ mātā pitā sāva, kathaṃ hoti bhaṇāhi me?
708.
708.
убхад̇об̣яан̃ж̇анаа ид̇т̇ий, г̇аб̣бхам̣ г̇ан̣хаад̇и ад̇д̇анаа;
Ubhatobyañjanā itthī, gabbhaṃ gaṇhāti attanā;
г̇ан̣хаабзд̇и барам̣ г̇аб̣бхам̣, д̇асмаа маад̇аа бид̇аа жа саа.
Gaṇhāpeti paraṃ gabbhaṃ, tasmā mātā pitā ca sā.
709.
709.
бурисзна сахааг̇аарз, рахо васад̇и бхигкуний;
Purisena sahāgāre, raho vasati bhikkhunī;
бараамасад̇и д̇ассан̇г̇ам̣, анаабад̇д̇и гат̇ам̣ сияаа?
Parāmasati tassaṅgaṃ, anāpatti kathaṃ siyā?
710.
710.
сахааг̇ааригасзяяан̃жа, саб̣б̣ан̃жа бадиж̇аг̇г̇анам̣;
Sahāgārikaseyyañca, sabbañca paṭijagganaṃ;
д̣̇аарагасса жа маад̇аа хи, гаад̇ум̣ лабхад̇и бхигкуний.
Dārakassa ca mātā hi, kātuṃ labhati bhikkhunī.
711.
711.
го жа бхигкуухи сигкаасу, асаад̇хааран̣ад̇ам̣ г̇ад̇о;
Ko ca bhikkhūhi sikkhāsu, asādhāraṇataṃ gato;
на баариваасиго б̣руухи, на угкид̇д̇аад̣̇игоби жа?
Na pārivāsiko brūhi, na ukkhittādikopi ca?
712.
712.
г̇ахзд̇ум̣ курабхан̣д̣ам̣ д̇у, сажз нхаабид̇абуб̣б̣аго;
Gahetuṃ khurabhaṇḍaṃ tu, sace nhāpitapubbako;
на со лабхад̇и ан̃н̃зсам̣, габбад̇ийд̇и жа нид̣̇д̣̇исз.
Na so labhati aññesaṃ, kappatīti ca niddise.
713.
713.
гат̇зд̇и гусалам̣ д̇хаммам̣, барамам̣ ад̇т̇асам̣хид̇ам̣;
Katheti kusalaṃ dhammaṃ, paramaṃ atthasaṃhitaṃ;
гад̇амо буг̇г̇ало б̣руухи, на мад̇о на жа ж̇ийвад̇и?
Katamo puggalo brūhi, na mato na ca jīvati?
714.
714.
гат̇зд̇и гусалам̣ д̇хаммам̣, барамам̣ ад̇т̇асам̣хид̇ам̣;
Katheti kusalaṃ dhammaṃ, paramaṃ atthasaṃhitaṃ;
ход̇и ниммид̇аб̣уд̣̇д̇хо со, на мад̇о на жа ж̇ийвад̇и.
Hoti nimmitabuddho so, na mato na ca jīvati.
715.
715.
сам̣яаажигам̣ гаронд̇асса, гудим̣ д̣̇зсид̇авад̇т̇угам̣;
Saṃyācikaṃ karontassa, kuṭiṃ desitavatthukaṃ;
бамаан̣игаманаарамбхам̣, аабад̇д̇и сабариггамам̣.
Pamāṇikamanārambhaṃ, āpatti saparikkamaṃ.
716.
716.
наро гарод̇и жз гудим̣, са саб̣б̣амад̇д̇игаамаяам̣;
Naro karoti ce kuṭiṃ, sa sabbamattikāmayaṃ;
на мужжад̇зва важ̇ж̇ад̇о, ж̇инзна вуд̇д̇ад̇о д̇ад̇о.
Na muccateva vajjato, jinena vuttato tato.
717.
717.
сам̣яаажигааяа бхигкусса, анаабад̇д̇и гат̇ам̣ сияаа;
Saṃyācikāya bhikkhussa, anāpatti kathaṃ siyā;
саб̣б̣алагкан̣ахийнам̣ д̇у, гаронд̇асса гудим̣ бана?
Sabbalakkhaṇahīnaṃ tu, karontassa kuṭiṃ pana?
718.
718.
сам̣яаажигам̣ гаронд̇асса, д̇ин̣ажчад̣̇анагам̣ гудим̣;
Saṃyācikaṃ karontassa, tiṇacchadanakaṃ kuṭiṃ;
бхигкуно ж̇инажанд̣̇зна, анаабад̇д̇и багаасид̇аа.
Bhikkhuno jinacandena, anāpatti pakāsitā.
719.
719.
на гааяигам̣ ган̃жи баяог̇амаажарз;
Na kāyikaṃ kañci payogamācare;
на гин̃жи ваажааяа барам̣ бхан̣зяяа;
Na kiñci vācāya paraṃ bhaṇeyya;
пусз г̇арум̣ анд̇имавад̇т̇ухзд̇угам̣;
Phuse garuṃ antimavatthuhetukaṃ;
висаарад̣̇о жз винаяз бхан̣аахи д̇вам̣?
Visārado ce vinaye bhaṇāhi tvaṃ?
720.
720.
барассаа бана яаа важ̇ж̇ам̣, бадижчаад̣̇зд̇и бхигкуний;
Parassā pana yā vajjaṃ, paṭicchādeti bhikkhunī;
аяам̣ баарааж̇игаабад̇д̇им̣, д̇аннимид̇д̇ам̣ г̇арум̣ пусз.
Ayaṃ pārājikāpattiṃ, tannimittaṃ garuṃ phuse.
721.
721.
на гааяигам̣ гин̃жиби баабамаажарз;
Na kāyikaṃ kiñcipi pāpamācare;
на гин̃жи ваажааяа жарзяяа баабагам̣;
Na kiñci vācāya careyya pāpakaṃ;
сунаасид̇оязва жа наасид̇о сияаа;
Sunāsitoyeva ca nāsito siyā;
гат̇ам̣ д̇увам̣ б̣руухи маяааси бужчид̇о?
Kathaṃ tuvaṃ brūhi mayāsi pucchito?
722.
722.
абхаб̣б̣аа бана яз вуд̇д̇аа, буг̇г̇алаа бан̣д̣агаад̣̇аяо;
Abhabbā pana ye vuttā, puggalā paṇḍakādayo;
згаад̣̇аса мунинд̣̇зна, наасид̇аа д̇з сунаасид̇аа.
Ekādasa munindena, nāsitā te sunāsitā.
723.
723.
ануг̇г̇ирам̣ г̇ирам̣ гин̃жи, субхам̣ ваа яад̣̇и ваасубхам̣;
Anuggiraṃ giraṃ kiñci, subhaṃ vā yadi vāsubhaṃ;
пусз ваажасигам̣ важ̇ж̇ам̣, гат̇ам̣ мз бужчид̇о бхан̣а?
Phuse vācasikaṃ vajjaṃ, kathaṃ me pucchito bhaṇa?
724.
724.
санд̇имзва банаабад̇д̇им̣, бхигку наавигарзяяа яо;
Santimeva panāpattiṃ, bhikkhu nāvikareyya yo;
самбаж̇аанамусааваад̣̇з, д̣̇уггадам̣ д̇асса ван̣н̣ид̇ам̣.
Sampajānamusāvāde, dukkaṭaṃ tassa vaṇṇitaṃ.
725.
725.
згад̇оубасамбаннаа, убхо д̇аасам̣ д̇у хад̇т̇ад̇о;
Ekatoupasampannā, ubho tāsaṃ tu hatthato;
жийварам̣ г̇ан̣хад̇о хонд̇и, наанаааабад̇д̇ияо гат̇ам̣?
Cīvaraṃ gaṇhato honti, nānāāpattiyo kathaṃ?
726.
726.
згад̇оубасамбаннаа , бхигкуунам̣ д̇у васзна яаа;
Ekatoupasampannā , bhikkhūnaṃ tu vasena yā;
жийварам̣ хад̇т̇ад̇о д̇ассаа, баажид̇д̇и бадиг̇ан̣хад̇о.
Cīvaraṃ hatthato tassā, pācitti paṭigaṇhato.
727.
727.
згад̇оубасамбаннаа, бхигкунийнам̣ васзна яаа;
Ekatoupasampannā, bhikkhunīnaṃ vasena yā;
жийварам̣ хад̇т̇ад̇о д̇ассаа, д̣̇уггадам̣ бадиг̇ан̣хад̇о.
Cīvaraṃ hatthato tassā, dukkaṭaṃ paṭigaṇhato.
728.
728.
сам̣вид̇хааяа жа жад̇д̇ааро, г̇арум̣ т̇зним̣су бхан̣д̣агам̣;
Saṃvidhāya ca cattāro, garuṃ theniṃsu bhaṇḍakaṃ;
т̇зро т̇уллажжаяам̣ д̇зсу, бад̇д̇о, сзсаа барааж̇аяам̣.
Thero thullaccayaṃ tesu, patto, sesā parājayaṃ.
729.
729.
гат̇ам̣ ? чамаасагам̣ бхан̣д̣ам̣, д̇ад̇т̇а саахад̇т̇игаа д̇аяо;
Kathaṃ ? Chamāsakaṃ bhaṇḍaṃ, tattha sāhatthikā tayo;
хадаа т̇зрзна маасаа д̇у, д̇аяо аан̣ад̇д̇ияааби жа.
Haṭā therena māsā tu, tayo āṇattiyāpi ca.
730.
730.
д̇ийхи саахад̇т̇игогзго;
Tīhi sāhatthikokeko;
бан̃жа аан̣ад̇д̇ияаа хадаа;
Pañca āṇattiyā haṭā;
д̇асмаа т̇уллажжаяам̣ т̇зро;
Tasmā thullaccayaṃ thero;
бад̇д̇о, сзсаа барааж̇аяам̣.
Patto, sesā parājayaṃ.
731.
731.
б̣ахид̣̇д̇хаа г̇зхад̇о бхигку, ид̇т̇ий г̇аб̣бханд̇арам̣ г̇ад̇аа;
Bahiddhā gehato bhikkhu, itthī gabbhantaraṃ gatā;
чид̣̇д̣̇ам̣ г̇зхасса но ад̇т̇и, мзт̇унабажжаяаа жуд̇о.
Chiddaṃ gehassa no atthi, methunapaccayā cuto.
732.
732.
анд̇од̣̇уссагудидтзна, маад̇уг̇аамзна мзт̇унам̣;
Antodussakuṭiṭṭhena, mātugāmena methunaṃ;
сант̇ад̇аад̣̇ивасзнзва, гад̇ваа ход̇и барааж̇ид̇о.
Santhatādivaseneva, katvā hoti parājito.
733.
733.
саббиаад̣̇им̣ д̇у бхзсаж̇ж̇ам̣, г̇ахзд̇ваа саамамзва д̇ам̣;
Sappiādiṃ tu bhesajjaṃ, gahetvā sāmameva taṃ;
авийд̇ивад̇д̇з сад̇д̇аахз, гат̇ам̣ аабад̇д̇и сзвад̇о?
Avītivatte sattāhe, kathaṃ āpatti sevato?
734.
734.
баривад̇д̇ид̇алин̇г̇асса, бхигкуно ид̇арааяа ваа;
Parivattitaliṅgassa, bhikkhuno itarāya vā;
авийд̇ивад̇д̇з сад̇д̇аахз, ход̇и аабад̇д̇и сзвад̇о.
Avītivatte sattāhe, hoti āpatti sevato.
735.
735.
ниссаг̇г̇иязна баажид̇д̇и, суд̣̇д̇хабаажид̇д̇ияамби жа;
Nissaggiyena pācitti, suddhapācittiyampi ca;
згад̇ова гат̇ам̣ бхигку, аабаж̇ж̇зяяа бхан̣аахи мз?
Ekatova kathaṃ bhikkhu, āpajjeyya bhaṇāhi me?
736.
736.
сан̇гхз барин̣ад̇ам̣ лаабхам̣, ад̇д̇ано жа барасса жа;
Saṅghe pariṇataṃ lābhaṃ, attano ca parassa ca;
згад̇о барин̣аамзнд̇о, баяог̇зна д̣̇ваяам̣ пусз.
Ekato pariṇāmento, payogena dvayaṃ phuse.
737.
737.
бхигкуу самааг̇амма самаг̇г̇асан̃н̃аа;
Bhikkhū samāgamma samaggasaññā;
саб̣б̣з гарзяяум̣ бана сан̇гхагаммам̣;
Sabbe kareyyuṃ pana saṅghakammaṃ;
бхигкудтид̇о д̣̇ваад̣̇асаяож̇анасмим̣;
Bhikkhuṭṭhito dvādasayojanasmiṃ;
гат̇ам̣ гад̇ам̣ губбад̇и ваг̇г̇ахзд̇у?
Kathaṃ kataṃ kuppati vaggahetu?
738.
738.
ад̇т̇и сажз бана бхигку нисинно;
Atthi sace pana bhikkhu nisinno;
д̣̇ваад̣̇асаяож̇анигз наг̇арз д̇у;
Dvādasayojanike nagare tu;
д̇ад̇т̇а гад̇ам̣ бана гаммамагаммам̣;
Tattha kataṃ pana kammamakammaṃ;
над̇т̇и вихаараг̇ад̇аа яад̣̇и сиймаа.
Natthi vihāragatā yadi sīmā.
739.
739.
сан̇гхаади бааруд̇аа гааяз, нивад̇т̇онд̇араваасаго;
Saṅghāṭi pārutā kāye, nivatthontaravāsako;
ниссаг̇г̇ияаани саб̣б̣аани, гат̇ам̣ хонд̇и гат̇зхи мз?
Nissaggiyāni sabbāni, kathaṃ honti kathehi me?
740.
740.
ган̣н̣ам̣ г̇ахзд̇ваа д̇ад̇т̇зва, гад̣̇д̣̇амам̣ яад̣̇и д̇ховад̇и;
Kaṇṇaṃ gahetvā tattheva, kaddamaṃ yadi dhovati;
бхигкуний гааяан̇г̇аанзва, д̇аани ниссаг̇г̇ияаани хи.
Bhikkhunī kāyaṅgāneva, tāni nissaggiyāni hi.
741.
741.
бурисам̣ абид̇арам̣ ханд̇ваа, ид̇т̇им̣ ханд̇ваа амаад̇арам̣;
Purisaṃ apitaraṃ hantvā, itthiṃ hantvā amātaraṃ;
аананд̇арияагам̣ гаммам̣, аабаж̇ж̇ад̇и гат̇ам̣ наро?
Ānantariyakaṃ kammaṃ, āpajjati kathaṃ naro?
742.
742.
баривад̇д̇з д̇у лин̇г̇асмим̣, бид̇арам̣ ид̇т̇ид̇ам̣ г̇ад̇ам̣;
Parivatte tu liṅgasmiṃ, pitaraṃ itthitaṃ gataṃ;
маад̇арам̣ бурисад̇д̇ам̣ д̇у, г̇ад̇ам̣ ханд̇ваа г̇арум̣ пусз.
Mātaraṃ purisattaṃ tu, gataṃ hantvā garuṃ phuse.
743.
743.
маад̇арам̣ бана маарзд̇ваа, маарзд̇ваа бид̇арамби жа;
Mātaraṃ pana māretvā, māretvā pitarampi ca;
аананд̇арияагам̣ гаммам̣, наабаж̇ж̇зяяа гат̇ам̣ наро?
Ānantariyakaṃ kammaṃ, nāpajjeyya kathaṃ naro?
744.
744.
д̇иражчаанаг̇ад̇аа маад̇аа, д̇иражчаанаг̇ад̇о бид̇аа;
Tiracchānagatā mātā, tiracchānagato pitā;
маад̇арам̣ бид̇арам̣ ханд̇ваа, наананд̇арияагам̣ пусз.
Mātaraṃ pitaraṃ hantvā, nānantariyakaṃ phuse.
745.
745.
жод̣̇зд̇ваа саммукийбхууд̇ам̣, сан̇гхо гаммам̣ гарзяяа жз;
Codetvā sammukhībhūtaṃ, saṅgho kammaṃ kareyya ce;
гат̇ам̣ гаммам̣ агаммам̣ д̇ам̣, сан̇гхо саабад̇д̇иго сияаа?
Kathaṃ kammaṃ akammaṃ taṃ, saṅgho sāpattiko siyā?
746.
746.
вуд̇д̇ам̣ д̇у бан̣д̣агаад̣̇ийнам̣, санд̇хааяа убасамбад̣̇ам̣;
Vuttaṃ tu paṇḍakādīnaṃ, sandhāya upasampadaṃ;
анаабад̇д̇исса гаммам̣ д̇у, санд̇хааяаад̇и гурунд̣̇ияам̣.
Anāpattissa kammaṃ tu, sandhāyāti kurundiyaṃ.
747.
747.
габбаб̣инд̣̇угад̇ам̣ рад̇д̇ам̣, жийварам̣ д̇у ад̇хидтид̇ам̣;
Kappabindukataṃ rattaṃ, cīvaraṃ tu adhiṭṭhitaṃ;
гат̇амасса сияаабад̇д̇и, сзвамаанасса д̣̇уггадам̣?
Kathamassa siyāpatti, sevamānassa dukkaṭaṃ?
748.
748.
сагам̣ аниссаж̇ид̇ваана, яо ниссаг̇г̇ияажийварам̣;
Sakaṃ anissajitvāna, yo nissaggiyacīvaraṃ;
барибхун̃ж̇ад̇и д̇ассааяа-маабад̇д̇и барид̣̇ийбид̇аа.
Paribhuñjati tassāya-māpatti paridīpitā.
749.
749.
бан̃жа баажид̇д̇ияаанзва, наанаавад̇т̇угад̇аани хи;
Pañca pācittiyāneva, nānāvatthukatāni hi;
абуб̣б̣ам̣ ажаримам̣ зга-гкан̣з аабаж̇ж̇ад̇з гат̇ам̣?
Apubbaṃ acarimaṃ eka-kkhaṇe āpajjate kathaṃ?
750.
750.
бхзсаж̇ж̇аани хи бан̃жзва, г̇ахзд̇ваа бхааж̇анз висум̣;
Bhesajjāni hi pañceva, gahetvā bhājane visuṃ;
табид̇зсу жа сад̇д̇аахаа-д̇иггамз хонд̇и бан̃жаби.
Ṭhapitesu ca sattāhā-tikkame honti pañcapi.
751.
751.
на рад̇д̇ажид̇д̇о на жа т̇зяяажид̇д̇о;
Na rattacitto na ca theyyacitto;
на жааби жид̇д̇ам̣ маран̣ааяа д̇асса;
Na cāpi cittaṃ maraṇāya tassa;
д̣̇знд̇асса баарааж̇игамааха сад̇т̇аа;
Dentassa pārājikamāha satthā;
т̇уллажжаяам̣ д̇ам̣ бадиг̇ан̣хад̇оби.
Thullaccayaṃ taṃ paṭigaṇhatopi.
752.
752.
салаагам̣ сан̇гхабхзд̣̇ааяа, бад̣̇знд̇асса барааж̇аяо;
Salākaṃ saṅghabhedāya, padentassa parājayo;
ход̇и т̇уллажжаяам̣ д̇асса, салаагам̣ бадиг̇ан̣хад̇о.
Hoti thullaccayaṃ tassa, salākaṃ paṭigaṇhato.
753.
753.
згад̇т̇а нигкибид̇ваана, жийварам̣ ад̣̇д̇хаяож̇анз;
Ekattha nikkhipitvāna, cīvaraṃ addhayojane;
арун̣ам̣ удтаабзнд̇асса, анаабад̇д̇и гат̇ам̣ сияаа?
Aruṇaṃ uṭṭhāpentassa, anāpatti kathaṃ siyā?
754.
754.
суббад̇идтид̇аниг̇род̇ха-сад̣̇исз ругкамуулагз;
Suppatiṭṭhitanigrodha-sadise rukkhamūlake;
анаабад̇д̇и хи со ругко, ход̇и згагуласса жз.
Anāpatti hi so rukkho, hoti ekakulassa ce.
755.
755.
гат̇ам̣ аабад̇д̇ияо наанаа-;
Kathaṃ āpattiyo nānā-;
вад̇т̇угааяо хи гааяигаа;
Vatthukāyo hi kāyikā;
абуб̣б̣ам̣ ажаримам̣ зга-;
Apubbaṃ acarimaṃ eka-;
гкан̣з самб̣ахулаа пусз?
Kkhaṇe sambahulā phuse?
756.
756.
наанид̇т̇ийнам̣ д̇у гзсз ваа, д̇аасам̣ ан̇г̇улияоби ваа;
Nānitthīnaṃ tu kese vā, tāsaṃ aṅguliyopi vā;
згад̇о г̇ахан̣з д̇асса, хонд̇и самб̣ахулаа бана.
Ekato gahaṇe tassa, honti sambahulā pana.
757.
757.
гат̇ам̣ ваажасигаа наанаа-вад̇т̇угааяо на гааяигаа;
Kathaṃ vācasikā nānā-vatthukāyo na kāyikā;
абуб̣б̣ам̣ ажаримам̣ зга-гкан̣з аабад̇д̇ияо пусз?
Apubbaṃ acarimaṃ eka-kkhaṇe āpattiyo phuse?
758.
758.
д̣̇удтуллам̣ яо вад̣̇ад̇и жа ваажам̣;
Duṭṭhullaṃ yo vadati ca vācaṃ;
‘‘саб̣б̣аа д̇умхз сикаран̣ияо’’д̇и;
‘‘Sabbā tumhe sikharaṇiyo’’ti;
вуд̇д̇аа д̣̇осаа винаяанасад̇т̇з;
Vuttā dosā vinayanasatthe;
д̇ассид̇т̇ийнам̣ г̇ан̣анавасзна.
Tassitthīnaṃ gaṇanavasena.
759.
759.
ид̇т̇ияаа бурисзнааби, бан̣д̣агзна нимид̇д̇агз;
Itthiyā purisenāpi, paṇḍakena nimittake;
мзт̇унам̣ на жа сзванд̇о, мзт̇унаббажжаяаа жуд̇о?
Methunaṃ na ca sevanto, methunappaccayā cuto?
760.
760.
мзт̇унз буб̣б̣абхааг̇ам̣ д̇у, гааяасам̣саг̇г̇ад̇ам̣ г̇ад̇аа;
Methune pubbabhāgaṃ tu, kāyasaṃsaggataṃ gatā;
мзт̇унаббажжаяаа чзж̇ж̇ам̣, аабаннаа адтавад̇т̇угам̣.
Methunappaccayā chejjaṃ, āpannā aṭṭhavatthukaṃ.
761.
761.
маад̇арам̣ жийварам̣ яаажз, сан̇гхз барин̣ад̇ам̣ на жа;
Mātaraṃ cīvaraṃ yāce, saṅghe pariṇataṃ na ca;
гзнасса ход̇и аабад̇д̇и, анаабад̇д̇и жа н̃аад̇агз?
Kenassa hoti āpatti, anāpatti ca ñātake?
762.
762.
вассасаадигалаабхад̇т̇ам̣ , самаяз бидтисан̃н̃ид̇з;
Vassasāṭikalābhatthaṃ , samaye piṭṭhisaññite;
сияаабад̇д̇и сад̇уббаад̣̇ам̣, гарод̇о маад̇арамби жа.
Siyāpatti satuppādaṃ, karoto mātarampi ca.
763.
763.
сан̇гхаад̣̇исзсамаабад̇д̇им̣, баажид̇д̇им̣ д̣̇уггадам̣ гат̇ам̣;
Saṅghādisesamāpattiṃ, pācittiṃ dukkaṭaṃ kathaṃ;
баадид̣̇зсанияам̣ т̇улла-жжаяам̣ згагкан̣з пусз?
Pāṭidesaniyaṃ thulla-ccayaṃ ekakkhaṇe phuse?
764.
764.
авассуд̇аавассуд̇ахад̇т̇ад̇о хи;
Avassutāvassutahatthato hi;
бин̣д̣ам̣ г̇ахзд̇ваа ласун̣ам̣ бан̣ийд̇ам̣;
Piṇḍaṃ gahetvā lasuṇaṃ paṇītaṃ;
мануссамам̣сан̃жа агаббаман̃н̃ам̣;
Manussamaṃsañca akappamaññaṃ;
саб̣б̣згад̇о каад̣̇ад̇и, хонд̇и д̇ассаа.
Sabbekato khādati, honti tassā.
765.
765.
зго убаж̇жхааяагабуг̇г̇алзго;
Eko upajjhāyakapuggaleko;
аажарияаго д̣̇взби жа бун̣н̣авассаа;
Ācariyako dvepi ca puṇṇavassā;
згаава д̇зсам̣ бана гаммаваажаа;
Ekāva tesaṃ pana kammavācā;
згасса гаммам̣ д̇у на руухад̇з гим̣?
Ekassa kammaṃ tu na rūhate kiṃ?
766.
766.
гзсаг̇г̇амад̇д̇амби махид̣̇д̇хигзсу;
Kesaggamattampi mahiddhikesu;
аагаасаг̇о ход̇и сажз банзго;
Ākāsago hoti sace paneko;
гад̇амби д̇ам̣ руухад̇и нзва гаммам̣;
Katampi taṃ rūhati neva kammaṃ;
аагаасаг̇ассзва, на бхуумиг̇асса.
Ākāsagasseva, na bhūmigassa.
767.
767.
сан̇гхзнаби хи аагаасз, тид̇зна бана ид̣̇д̇хияаа;
Saṅghenapi hi ākāse, ṭhitena pana iddhiyā;
бхуумиг̇асса на гаад̇аб̣б̣ам̣, гарод̇и яад̣̇и губбад̇и.
Bhūmigassa na kātabbaṃ, karoti yadi kuppati.
768.
768.
на жа габбагад̇ам̣ вад̇т̇ам̣, на жа рад̇д̇ам̣ агаббияам̣;
Na ca kappakataṃ vatthaṃ, na ca rattaṃ akappiyaṃ;
нивад̇т̇асса банаабад̇д̇и, анаабад̇д̇и гат̇ам̣ сияаа?
Nivatthassa panāpatti, anāpatti kathaṃ siyā?
769.
769.
ажчиннажийварассзд̇т̇а, бхигкусса бана гин̃жиби;
Acchinnacīvarassettha, bhikkhussa pana kiñcipi;
на жассаагаббияам̣ наама, жийварам̣ бана виж̇ж̇ад̇и.
Na cassākappiyaṃ nāma, cīvaraṃ pana vijjati.
770.
770.
на гуд̇оби жа г̇ан̣хад̇и гин̃жи хавз;
Na kutopi ca gaṇhati kiñci have;
на д̇у д̣̇зд̇и жа гин̃жиби бхож̇анад̇о;
Na tu deti ca kiñcipi bhojanato;
г̇аругам̣ бана важ̇ж̇амубзд̇и гат̇ам̣;
Garukaṃ pana vajjamupeti kathaṃ;
вад̣̇а мз винаяз гусалоси яад̣̇и?
Vada me vinaye kusalosi yadi?
771.
771.
аад̣̇ааяа яам̣ гин̃жи авассуд̇амхаа;
Ādāya yaṃ kiñci avassutamhā;
уяяож̇ид̇аа бхун̃ж̇ад̇и бхож̇анан̃жз;
Uyyojitā bhuñjati bhojanañce;
уяяож̇ид̇аа яаа бана яааяа д̇ассаа;
Uyyojitā yā pana yāya tassā;
сан̇гхаад̣̇исзсам̣ гат̇аяанд̇и д̇хийраа.
Saṅghādisesaṃ kathayanti dhīrā.
772.
772.
гассажи гин̃жи на д̣̇зд̇и сахад̇т̇аа;
Kassaci kiñci na deti sahatthā;
нзва жа г̇ан̣хад̇и гин̃жи гуд̇ожи;
Neva ca gaṇhati kiñci kutoci;
важ̇ж̇амубзд̇и лахум̣, на г̇арум̣ д̇у;
Vajjamupeti lahuṃ, na garuṃ tu;
б̣руухи гат̇ам̣ яад̣̇и б̣уж̇жхаси саад̇ху?
Brūhi kathaṃ yadi bujjhasi sādhu?
773.
773.
д̣̇анд̇абонод̣̇агаанам̣ д̇у, г̇ахан̣з бана бхигкуний;
Dantaponodakānaṃ tu, gahaṇe pana bhikkhunī;
уяяож̇знд̇ий лахум̣ важ̇ж̇ам̣, аабаж̇ж̇ад̇и нисзвид̇з.
Uyyojentī lahuṃ vajjaṃ, āpajjati nisevite.
774.
774.
аабаж̇ж̇ад̇и банаабад̇д̇им̣, г̇аругам̣ саавасзсагам̣;
Āpajjati panāpattiṃ, garukaṃ sāvasesakaṃ;
чаад̣̇зд̇и, на пусз важ̇ж̇ам̣, гат̇ам̣ ж̇аанааси мз вад̣̇а?
Chādeti, na phuse vajjaṃ, kathaṃ jānāsi me vada?
775.
775.
сан̇гхаад̣̇исзсамаабад̇д̇им̣, аабаж̇ж̇ид̇ваа анаад̣̇аро;
Saṅghādisesamāpattiṃ, āpajjitvā anādaro;
чаад̣̇знд̇оби д̇амаабад̇д̇им̣, наан̃н̃ам̣ угкид̇д̇аго пусз.
Chādentopi tamāpattiṃ, nāññaṃ ukkhittako phuse.
776.
776.
саббаан̣аббаан̣аж̇ам̣ нзва, ж̇ан̇г̇амам̣ на вихан̇г̇амам̣;
Sappāṇappāṇajaṃ neva, jaṅgamaṃ na vihaṅgamaṃ;
д̣̇виж̇ам̣ ганд̇амаганд̇ан̃жа, сажз ж̇аанааси мз вад̣̇а?
Dvijaṃ kantamakantañca, sace jānāsi me vada?
777.
777.
саббаан̣аббаан̣аж̇о вуд̇д̇о;
Sappāṇappāṇajo vutto;
жид̇д̇аж̇о уд̇уж̇оби жа;
Cittajo utujopi ca;
д̣̇вийхзва бана ж̇аад̇ад̇д̇аа;
Dvīheva pana jātattā;
мад̇о сад̣̇д̣̇о д̣̇виж̇од̇и хи.
Mato saddo dvijoti hi.
778.
778.
винаяз анаяуубарамз барамз;
Vinaye anayūparame parame;
суж̇анасса сукаанаяанз наяанз;
Sujanassa sukhānayane nayane;
баду ход̇и бад̇хаанарад̇о на рад̇о;
Paṭu hoti padhānarato na rato;
ид̇ха яо бана саарамад̇з рамад̇з.
Idha yo pana sāramate ramate.
сзд̣̇аможанаг̇аат̇ааяо самад̇д̇аа.
Sedamocanagāthāyo samattā.
