| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
402. ஸத்துப⁴ஸ்தஜாதகங் (7-1-7)
402. Sattubhastajātakaṃ (7-1-7)
46.
46.
விப்³ப⁴ந்தசித்தோ குபிதிந்த்³ரியோஸி, நெத்தேஹி தே வாரிக³ணா ஸவந்தி;
Vibbhantacitto kupitindriyosi, nettehi te vārigaṇā savanti;
கிங் தே நட்ட²ங் கிங் பன பத்த²யானோ, இதா⁴க³மா ப்³ரஹ்மே ததி³ங்க⁴ 1 ப்³ரூஹி.
Kiṃ te naṭṭhaṃ kiṃ pana patthayāno, idhāgamā brahme tadiṅgha 2 brūhi.
47.
47.
மிய்யேத² ப⁴ரியா வஜதோ மமஜ்ஜ, அக³ச்ச²தோ மரணமாஹ யக்கோ²;
Miyyetha bhariyā vajato mamajja, agacchato maraṇamāha yakkho;
ஏதேன து³க்கே²ன பவேதி⁴தொஸ்மி, அக்கா²ஹி மே ஸேனக ஏதமத்த²ங்.
Etena dukkhena pavedhitosmi, akkhāhi me senaka etamatthaṃ.
48.
48.
ப³ஹூனி டா²னானி விசிந்தயித்வா, யமெத்த² வக்கா²மி ததே³வ ஸச்சங்;
Bahūni ṭhānāni vicintayitvā, yamettha vakkhāmi tadeva saccaṃ;
மஞ்ஞாமி தே ப்³ராஹ்மண ஸத்துப⁴ஸ்தங், அஜானதோ கண்ஹஸப்போ பவிட்டோ².
Maññāmi te brāhmaṇa sattubhastaṃ, ajānato kaṇhasappo paviṭṭho.
49.
49.
ஆதா³ய த³ண்ட³ங் பரிஸும்ப⁴ ப⁴ஸ்தங், பஸ்ஸேளமூக³ங் உரக³ங் து³ஜிவ்ஹங் 3;
Ādāya daṇḍaṃ parisumbha bhastaṃ, passeḷamūgaṃ uragaṃ dujivhaṃ 4;
சி²ந்த³ஜ்ஜ கங்க²ங் விசிகிச்சி²தானி, பு⁴ஜங்க³மங் பஸ்ஸ பமுஞ்ச ப⁴ஸ்தங்.
Chindajja kaṅkhaṃ vicikicchitāni, bhujaṅgamaṃ passa pamuñca bhastaṃ.
50.
50.
ஸங்விக்³க³ரூபோ பரிஸாய மஜ்ஜே², ஸோ ப்³ராஹ்மணோ ஸத்துப⁴ஸ்தங் பமுஞ்சி;
Saṃviggarūpo parisāya majjhe, so brāhmaṇo sattubhastaṃ pamuñci;
அத² நிக்க²மி உரகோ³ உக்³க³தேஜோ, ஆஸீவிஸோ ஸப்போ ப²ணங் கரித்வா.
Atha nikkhami urago uggatejo, āsīviso sappo phaṇaṃ karitvā.
51.
51.
ஸுலத்³த⁴லாபா⁴ ஜனகஸ்ஸ ரஞ்ஞோ, யோ பஸ்ஸதீ ஸேனகங் ஸாது⁴பஞ்ஞங்;
Suladdhalābhā janakassa rañño, yo passatī senakaṃ sādhupaññaṃ;
விவட்டச²த்³தோ³ 5 நுஸி ஸப்³ப³த³ஸ்ஸீ, ஞாணங் நு தே ப்³ராஹ்மண பி⁴ங்ஸரூபங்.
Vivaṭṭachaddo 6 nusi sabbadassī, ñāṇaṃ nu te brāhmaṇa bhiṃsarūpaṃ.
52.
52.
இமானி மே ஸத்தஸதானி அத்தி², க³ண்ஹாஹி ஸப்³பா³னி த³தா³மி துய்ஹங்;
Imāni me sattasatāni atthi, gaṇhāhi sabbāni dadāmi tuyhaṃ;
தயா ஹி மே ஜீவிதமஜ்ஜ லத்³த⁴ங், அதோ²பி ப⁴ரியாய மகாஸி ஸொத்தி²ங்.
Tayā hi me jīvitamajja laddhaṃ, athopi bhariyāya makāsi sotthiṃ.
53.
53.
ந பண்டி³தா வேதனமாதி³யந்தி, சித்ராஹி கா³தா²ஹி ஸுபா⁴ஸிதாஹி;
Na paṇḍitā vetanamādiyanti, citrāhi gāthāhi subhāsitāhi;
இதோபி தே ப்³ரஹ்மே த³த³ந்து வித்தங், ஆதா³ய த்வங் க³ச்ச² ஸகங் நிகேதந்தி.
Itopi te brahme dadantu vittaṃ, ādāya tvaṃ gaccha sakaṃ niketanti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [402] 7. ஸத்துப⁴ஸ்தஜாதகவண்ணனா • [402] 7. Sattubhastajātakavaṇṇanā
