| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༥. སཏྟིསུཏྟཝཎྞནཱ
5. Sattisuttavaṇṇanā
༢༢༧. ཨགྒེ པཧརིཏྭཱཏི ཏིཎྷཕལསཏྟིཡཱ ཨགྒེ ཧཏྠེན ཝཱ མུཊྛིནཱ ཝཱ པཧཱརཾ དཏྭཱ། ཀཔྤཱསཝཊྚིཾ ཝིཡཱཏི པཧཏཀཔྤཱསཔིཎྜཾ ཝིཡ། ནིཡྻཱསཝཊྚིཾ ཝིཡཱཏི ཕལསཎྛཱནཾ ནིཡྻཱསཔིཎྜཾ ཝིཡ། ཨེཀཏོ ཀཏྭཱཏི ཀལིཀཱདིབྷཱཝེན ཝཱིསཏིཾསཔིཎྜཱནི ཨེཀཛ྄ཛྷཾ ཀཏྭཱ། ཨལླིཡཱཔེནྟོ པིཎྜཾ ཀརོནྟོ། པཊིལེཎེཏཱིཏི པཊིལཱིནཡཏི ནཱམེཏི། ཨལླིཡཱཔེནྟོ ཏེ དྭེཔི དྷཱརཱ ཨེཀཏོ སམྥུསཱཔེནྟོ། པཊིཀོཊྚེཏཱིཏི པཊིཔཧརཏི། ཏཏྠ ཁཎྜཾ ཝིཡ ནིཡྻཱསོ། ཀཔྤཱསཝཊྚནཀརཎཱིཡནྟི ཝིཧཏསྶ ཀཔྤཱསསྶ པཊིསཾཧརཎཝསེན བནྡྷནདཎྜཾ། པཝཏྟེནྟོཏི ཀཔྤཱསསྶ སཾཝེལླནཝསེན པཝཏྟེནྟོ།
227.Agge paharitvāti tiṇhaphalasattiyā agge hatthena vā muṭṭhinā vā pahāraṃ datvā. Kappāsavaṭṭiṃ viyāti pahatakappāsapiṇḍaṃ viya. Niyyāsavaṭṭiṃ viyāti phalasaṇṭhānaṃ niyyāsapiṇḍaṃ viya. Ekato katvāti kalikādibhāvena vīsatiṃsapiṇḍāni ekajjhaṃ katvā. Alliyāpento piṇḍaṃ karonto. Paṭileṇetīti paṭilīnayati nāmeti. Alliyāpento te dvepi dhārā ekato samphusāpento. Paṭikoṭṭetīti paṭipaharati. Tattha khaṇḍaṃ viya niyyāso. Kappāsavaṭṭanakaraṇīyanti vihatassa kappāsassa paṭisaṃharaṇavasena bandhanadaṇḍaṃ. Pavattentoti kappāsassa saṃvellanavasena pavattento.
སཏྟིསུཏྟཝཎྞནཱ ནིཊྛིཏཱ།
Sattisuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. སཏྟིསུཏྟཾ • 5. Sattisuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. སཏྟིསུཏྟཝཎྞནཱ • 5. Sattisuttavaṇṇanā
