| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. สตฺติสุตฺตวณฺณนา
5. Sattisuttavaṇṇanā
๒๒๗. อเคฺค ปหริตฺวาติ ติณฺหผลสตฺติยา อเคฺค หเตฺถน วา มุฎฺฐินา วา ปหารํ ทตฺวาฯ กปฺปาสวฎฺฎิํ วิยาติ ปหตกปฺปาสปิณฺฑํ วิยฯ นิยฺยาสวฎฺฎิํ วิยาติ ผลสณฺฐานํ นิยฺยาสปิณฺฑํ วิยฯ เอกโต กตฺวาติ กลิกาทิภาเวน วีสติํสปิณฺฑานิ เอกชฺฌํ กตฺวาฯ อลฺลิยาเปโนฺต ปิณฺฑํ กโรโนฺตฯ ปฎิเลเณตีติ ปฎิลีนยติ นาเมติฯ อลฺลิยาเปโนฺต เต เทฺวปิ ธารา เอกโต สมฺผุสาเปโนฺตฯ ปฎิโกเฎฺฎตีติ ปฎิปหรติฯ ตตฺถ ขณฺฑํ วิย นิยฺยาโสฯ กปฺปาสวฎฺฎนกรณียนฺติ วิหตสฺส กปฺปาสสฺส ปฎิสํหรณวเสน พนฺธนทณฺฑํฯ ปวเตฺตโนฺตติ กปฺปาสสฺส สํเวลฺลนวเสน ปวเตฺตโนฺตฯ
227.Agge paharitvāti tiṇhaphalasattiyā agge hatthena vā muṭṭhinā vā pahāraṃ datvā. Kappāsavaṭṭiṃ viyāti pahatakappāsapiṇḍaṃ viya. Niyyāsavaṭṭiṃ viyāti phalasaṇṭhānaṃ niyyāsapiṇḍaṃ viya. Ekato katvāti kalikādibhāvena vīsatiṃsapiṇḍāni ekajjhaṃ katvā. Alliyāpento piṇḍaṃ karonto. Paṭileṇetīti paṭilīnayati nāmeti. Alliyāpento te dvepi dhārā ekato samphusāpento. Paṭikoṭṭetīti paṭipaharati. Tattha khaṇḍaṃ viya niyyāso. Kappāsavaṭṭanakaraṇīyanti vihatassa kappāsassa paṭisaṃharaṇavasena bandhanadaṇḍaṃ. Pavattentoti kappāsassa saṃvellanavasena pavattento.
สตฺติสุตฺตวณฺณนา นิฎฺฐิตาฯ
Sattisuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. สตฺติสุตฺตํ • 5. Sattisuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. สตฺติสุตฺตวณฺณนา • 5. Sattisuttavaṇṇanā
