| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਸਤ੍ਤਿਸਤਸੁਤ੍ਤਂ
5. Sattisatasuttaṃ
੧੧੦੫. ‘‘ਸੇਯ੍ਯਥਾਪਿ, ਭਿਕ੍ਖવੇ, ਪੁਰਿਸੋ વਸ੍ਸਸਤਾਯੁਕੋ વਸ੍ਸਸਤਜੀવੀ। ਤਮੇਨਂ ਏવਂ વਦੇਯ੍ਯ – ‘ਏਹਮ੍ਭੋ ਪੁਰਿਸ, ਪੁਬ੍ਬਣ੍ਹਸਮਯਂ ਤਂ ਸਤ੍ਤਿਸਤੇਨ ਹਨਿਸ੍ਸਨ੍ਤਿ, ਮਜ੍ਝਨ੍ਹਿਕਸਮਯਂ ਸਤ੍ਤਿਸਤੇਨ ਹਨਿਸ੍ਸਨ੍ਤਿ, ਸਾਯਨ੍ਹਸਮਯਂ ਸਤ੍ਤਿਸਤੇਨ ਹਨਿਸ੍ਸਨ੍ਤਿ। ਸੋ ਖੋ ਤ੍વਂ, ਅਮ੍ਭੋ ਪੁਰਿਸ, ਦਿવਸੇ ਦਿવਸੇ ਤੀਹਿ ਤੀਹਿ ਸਤ੍ਤਿਸਤੇਹਿ ਹਞ੍ਞਮਾਨੋ વਸ੍ਸਸਤਾਯੁਕੋ વਸ੍ਸਸਤਜੀવੀ વਸ੍ਸਸਤਸ੍ਸ ਅਚ੍ਚਯੇਨ ਅਨਭਿਸਮੇਤਾਨਿ ਚਤ੍ਤਾਰਿ ਅਰਿਯਸਚ੍ਚਾਨਿ ਅਭਿਸਮੇਸ੍ਸਸੀ’’’ਤਿ।
1105. ‘‘Seyyathāpi, bhikkhave, puriso vassasatāyuko vassasatajīvī. Tamenaṃ evaṃ vadeyya – ‘ehambho purisa, pubbaṇhasamayaṃ taṃ sattisatena hanissanti, majjhanhikasamayaṃ sattisatena hanissanti, sāyanhasamayaṃ sattisatena hanissanti. So kho tvaṃ, ambho purisa, divase divase tīhi tīhi sattisatehi haññamāno vassasatāyuko vassasatajīvī vassasatassa accayena anabhisametāni cattāri ariyasaccāni abhisamessasī’’’ti.
‘‘ਅਤ੍ਥવਸਿਕੇਨ, ਭਿਕ੍ਖવੇ, ਕੁਲਪੁਤ੍ਤੇਨ ਅਲਂ ਉਪਗਨ੍ਤੁਂ। ਤਂ ਕਿਸ੍ਸ ਹੇਤੁ? ਅਨਮਤਗ੍ਗੋਯਂ, ਭਿਕ੍ਖવੇ, ਸਂਸਾਰੋ; ਪੁਬ੍ਬਾ ਕੋਟਿ ਨਪ੍ਪਞ੍ਞਾਯਤਿ ਸਤ੍ਤਿਪ੍ਪਹਾਰਾਨਂ ਅਸਿਪ੍ਪਹਾਰਾਨਂ ਉਸੁਪ੍ਪਹਾਰਾਨਂ ਫਰਸੁਪ੍ਪਹਾਰਾਨਂ 1। ਏવਞ੍ਚੇਤਂ, ਭਿਕ੍ਖવੇ, ਅਸ੍ਸ। ਨ ਖੋ ਪਨਾਹਂ, ਭਿਕ੍ਖવੇ, ਸਹ ਦੁਕ੍ਖੇਨ, ਸਹ ਦੋਮਨਸ੍ਸੇਨ ਚਤੁਨ੍ਨਂ ਅਰਿਯਸਚ੍ਚਾਨਂ ਅਭਿਸਮਯਂ વਦਾਮਿ; ਅਪਿ ਚਾਹਂ, ਭਿਕ੍ਖવੇ, ਸਹਾવ ਸੁਖੇਨ, ਸਹਾવ ਸੋਮਨਸ੍ਸੇਨ ਚਤੁਨ੍ਨਂ ਅਰਿਯਸਚ੍ਚਾਨਂ ਅਭਿਸਮਯਂ વਦਾਮਿ। ਕਤਮੇਸਂ ਚਤੁਨ੍ਨਂ? ਦੁਕ੍ਖਸ੍ਸ ਅਰਿਯਸਚ੍ਚਸ੍ਸ…ਪੇ॰… ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਰਿਯਸਚ੍ਚਸ੍ਸ।
‘‘Atthavasikena, bhikkhave, kulaputtena alaṃ upagantuṃ. Taṃ kissa hetu? Anamataggoyaṃ, bhikkhave, saṃsāro; pubbā koṭi nappaññāyati sattippahārānaṃ asippahārānaṃ usuppahārānaṃ pharasuppahārānaṃ 2. Evañcetaṃ, bhikkhave, assa. Na kho panāhaṃ, bhikkhave, saha dukkhena, saha domanassena catunnaṃ ariyasaccānaṃ abhisamayaṃ vadāmi; api cāhaṃ, bhikkhave, sahāva sukhena, sahāva somanassena catunnaṃ ariyasaccānaṃ abhisamayaṃ vadāmi. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa.
‘‘ਤਸ੍ਮਾਤਿਹ , ਭਿਕ੍ਖવੇ, ‘ਇਦਂ ਦੁਕ੍ਖ’ਨ੍ਤਿ ਯੋਗੋ ਕਰਣੀਯੋ…ਪੇ॰… ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ ਯੋਗੋ ਕਰਣੀਯੋ’’ਤਿ। ਪਞ੍ਚਮਂ।
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਸਤ੍ਤਿਸਤਸੁਤ੍ਤવਣ੍ਣਨਾ • 5. Sattisatasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਸਤ੍ਤਿਸਤਸੁਤ੍ਤવਣ੍ਣਨਾ • 5. Sattisatasuttavaṇṇanā
