| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൯. അന്തരപേയ്യാലം
9. Antarapeyyālaṃ
൧. സത്ഥുസുത്താദിവണ്ണനാ
1. Satthusuttādivaṇṇanā
൭൩. ഇതോ പരം ‘‘സത്ഥാ പരിയേസിതബ്ബോ’’തിആദിനയപ്പവത്താ ദ്വാദസ അന്തരപേയ്യാലവഗ്ഗാ നാമ ഹോന്തി. തേ സബ്ബേപി തഥാ തഥാ ബുജ്ഝനകാനം വേനേയ്യപുഗ്ഗലാനം അജ്ഝാസയവസേന വുത്താ. തത്ഥ സത്ഥാതി ബുദ്ധോ വാ ഹോതു സാവകോ വാ, യം നിസ്സായ മഗ്ഗഞാണം ലഭതി, അയം സത്ഥാ നാമ, സോ പരിയേസിതബ്ബോ. സിക്ഖാ കരണീയാതി തിവിധാപി സിക്ഖാ കാതബ്ബാ. യോഗാദീസു യോഗോതി പയോഗോ. ഛന്ദോതി കത്തുകമ്യതാകുസലച്ഛന്ദോ. ഉസ്സോള്ഹീതി സബ്ബസഹം അധിമത്തവീരിയം. അപ്പടിവാനീതി അനിവത്തനാ. ആതപ്പന്തി കിലേസതാപനവീരിയമേവ. സാതച്ചന്തി സതതകിരിയം. സതീതി ജരാമരണാദിവസേന ചതുസച്ചപരിഗ്ഗാഹികാ സതി. സമ്പജഞ്ഞന്തി താദിസമേവ ഞാണം. അപ്പമാദോതി സച്ചഭാവനായ അപ്പമാദോ. സേസം സബ്ബത്ഥ ഉത്താനമേവാതി.
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
അന്തരപേയ്യാലോ നവമോ.
Antarapeyyālo navamo.
നിദാനസംയുത്തവണ്ണനാ നിട്ഠിതാ.
Nidānasaṃyuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧. സത്ഥുസുത്തം • 1. Satthusuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧. സത്ഥുസുത്താദിവണ്ണനാ • 1. Satthusuttādivaṇṇanā
