| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೯. ಅನ್ತರಪೇಯ್ಯಾಲವಗ್ಗೋ
9. Antarapeyyālavaggo
೧. ಸತ್ಥುಸುತ್ತಾದಿವಣ್ಣನಾ
1. Satthusuttādivaṇṇanā
೭೩. ಅಯಂ ಸತ್ಥಾ ನಾಮಾತಿ ಅಯಂ ಅರಿಯಮಗ್ಗಸ್ಸ ಅತ್ಥಾಯ ಸಾಸತಿ ವಿಮುತ್ತಿಧಮ್ಮಂ ಅನುಸಾಸತೀತಿ ಸತ್ಥಾ ನಾಮ। ಅಧಿಸೀಲಾದಿವಸೇನ ತಿವಿಧಾಪಿ ಸಿಕ್ಖಾ। ಯೋಗೋತಿ ಭಾವನಾನುಯೋಗೋ। ಛನ್ದೋತಿ ನಿಯ್ಯಾನೇತಾ ಕತ್ತುಕಮ್ಯತಾಕುಸಲಚ್ಛನ್ದೋ। ಸಬ್ಬಂ ಭಾವನಾಯ ಪರಿಸ್ಸಯಂ ಸಹತಿ, ಸಬ್ಬಂ ವಾಸ್ಸ ಉಪಕಾರಾವಹಂ ಸಹತಿ ವಾಹೇತೀತಿ ಸಬ್ಬಸಹಂ। ಅಪ್ಪಟಿವಾನೀತಿ ನ ಪಟಿನಿವತ್ತತೀತಿ ಅಪ್ಪಟಿವಾನೀ। ಅನ್ತರಾಯ ಸಹನಂ ಮೋಹನಾಸನವೀರಿಯಂ ಆತಪ್ಪತಿ ಕಿಲೇಸೇತಿ ಆತಪ್ಪಂ। ವಿಧಿನಾ ಈರೇತಬ್ಬತ್ತಾ ಪವತ್ತೇತಬ್ಬತ್ತಾ ವೀರಿಯಂ। ಸತತಂ ಪವತ್ತಿಯಮಾನಭಾವನಾನುಯೋಗಕಮ್ಮಂ ಸಾತಚ್ಚನ್ತಿ ಆಹ ‘‘ಸತತಕಿರಿಯ’’ನ್ತಿ। ತಾದಿಸಮೇವಾತಿ ಯಾದಿಸೀ ಸತಿ ವುತ್ತಾ, ತಾದಿಸಮೇವ ಞಾಣಂ, ಜರಾಮರಣಾದಿವಸೇನ ಚತುಸಚ್ಚಪರಿಗ್ಗಾಹಕಂ ಞಾಣನ್ತಿ ಅತ್ಥೋ।
73.Ayaṃsatthā nāmāti ayaṃ ariyamaggassa atthāya sāsati vimuttidhammaṃ anusāsatīti satthā nāma. Adhisīlādivasena tividhāpi sikkhā. Yogoti bhāvanānuyogo. Chandoti niyyānetā kattukamyatākusalacchando. Sabbaṃ bhāvanāya parissayaṃ sahati, sabbaṃ vāssa upakārāvahaṃ sahati vāhetīti sabbasahaṃ. Appaṭivānīti na paṭinivattatīti appaṭivānī. Antarāya sahanaṃ mohanāsanavīriyaṃ ātappati kileseti ātappaṃ. Vidhinā īretabbattā pavattetabbattā vīriyaṃ. Satataṃ pavattiyamānabhāvanānuyogakammaṃ sātaccanti āha ‘‘satatakiriya’’nti. Tādisamevāti yādisī sati vuttā, tādisameva ñāṇaṃ, jarāmaraṇādivasena catusaccapariggāhakaṃ ñāṇanti attho.
ಅನ್ತರಪೇಯ್ಯಾಲವಗ್ಗವಣ್ಣನಾ ನಿಟ್ಠಿತಾ।
Antarapeyyālavaggavaṇṇanā niṭṭhitā.
ಸಾರತ್ಥಪ್ಪಕಾಸಿನಿಯಾ ಸಂಯುತ್ತನಿಕಾಯ-ಅಟ್ಠಕಥಾಯ
Sāratthappakāsiniyā saṃyuttanikāya-aṭṭhakathāya
ನಿದಾನಸಂಯುತ್ತವಣ್ಣನಾಯ ಲೀನತ್ಥಪ್ಪಕಾಸನಾ ಸಮತ್ತಾ।
Nidānasaṃyuttavaṇṇanāya līnatthappakāsanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧. ಸತ್ಥುಸುತ್ತಂ • 1. Satthusuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧. ಸತ್ಥುಸುತ್ತಾದಿವಣ್ಣನಾ • 1. Satthusuttādivaṇṇanā
