| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. অন্তরপেয্যালৰগ্গো
9. Antarapeyyālavaggo
১. সত্থুসুত্তাদিৰণ্ণনা
1. Satthusuttādivaṇṇanā
৭৩. অযং সত্থা নামাতি অযং অরিযমগ্গস্স অত্থায সাসতি ৰিমুত্তিধম্মং অনুসাসতীতি সত্থা নাম। অধিসীলাদিৰসেন তিৰিধাপি সিক্খা। যোগোতি ভাৰনানুযোগো। ছন্দোতি নিয্যানেতা কত্তুকম্যতাকুসলচ্ছন্দো। সব্বং ভাৰনায পরিস্সযং সহতি, সব্বং ৰাস্স উপকারাৰহং সহতি ৰাহেতীতি সব্বসহং। অপ্পটিৰানীতি ন পটিনিৰত্ততীতি অপ্পটিৰানী। অন্তরায সহনং মোহনাসনৰীরিযং আতপ্পতি কিলেসেতি আতপ্পং। ৰিধিনা ঈরেতব্বত্তা পৰত্তেতব্বত্তা ৰীরিযং। সততং পৰত্তিযমানভাৰনানুযোগকম্মং সাতচ্চন্তি আহ ‘‘সততকিরিয’’ন্তি। তাদিসমেৰাতি যাদিসী সতি ৰুত্তা, তাদিসমেৰ ঞাণং, জরামরণাদিৰসেন চতুসচ্চপরিগ্গাহকং ঞাণন্তি অত্থো।
73.Ayaṃsatthā nāmāti ayaṃ ariyamaggassa atthāya sāsati vimuttidhammaṃ anusāsatīti satthā nāma. Adhisīlādivasena tividhāpi sikkhā. Yogoti bhāvanānuyogo. Chandoti niyyānetā kattukamyatākusalacchando. Sabbaṃ bhāvanāya parissayaṃ sahati, sabbaṃ vāssa upakārāvahaṃ sahati vāhetīti sabbasahaṃ. Appaṭivānīti na paṭinivattatīti appaṭivānī. Antarāya sahanaṃ mohanāsanavīriyaṃ ātappati kileseti ātappaṃ. Vidhinā īretabbattā pavattetabbattā vīriyaṃ. Satataṃ pavattiyamānabhāvanānuyogakammaṃ sātaccanti āha ‘‘satatakiriya’’nti. Tādisamevāti yādisī sati vuttā, tādisameva ñāṇaṃ, jarāmaraṇādivasena catusaccapariggāhakaṃ ñāṇanti attho.
অন্তরপেয্যালৰগ্গৰণ্ণনা নিট্ঠিতা।
Antarapeyyālavaggavaṇṇanā niṭṭhitā.
সারত্থপ্পকাসিনিযা সংযুত্তনিকায-অট্ঠকথায
Sāratthappakāsiniyā saṃyuttanikāya-aṭṭhakathāya
নিদানসংযুত্তৰণ্ণনায লীনত্থপ্পকাসনা সমত্তা।
Nidānasaṃyuttavaṇṇanāya līnatthappakāsanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. সত্থুসুত্তং • 1. Satthusuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. সত্থুসুত্তাদিৰণ্ণনা • 1. Satthusuttādivaṇṇanā
